സൗദി തൊഴിൽ വിപണിയിലെ സ്ഥിതിവിവരക്കണക്കുകൾ പുറത്ത്. 2020 നാലാം പാദത്തിലെ തൊഴിൽ വിപണിയിലെ സ്ഥിതിവിവരക്കണക്കുകൾ ജനറൽ അതോറിറ്റി ഫോർ സ്റ്റാറ്റിറ്റിക്സ് (ഗസ്റ്റാറ്റ്) പുറത്തുവിടുകയായിരുന്നു.

ലേബർ ഫോഴ്സ് സർവേ പ്രകാരം മൊത്തം ജനസംഖ്യയുടെ തൊഴിലില്ലായ്മ നിരക്ക് 2020 നാലാം പാദത്തിൽ 7.4 ശതമാനമായി കുറയുകയും ചെയ്തു. 2020 മൂന്നാം പാദത്തിൽ ഇത് 8.5 ശതമാനമായി ഉയരുകയും ചെയ്തു .

15 വയസ്സിനു മുകളിലുള്ള സൗദികൾക്കും വിദേശികൾക്കുമിടയിൽ നടത്തിയ സർവ്വേ അടിസ്ഥാനമാക്കിയായിരുന്നു കണക്ക് പുറത്തുവിട്ടിട്ടുള്ളത്. 15 വയസ്സിനു മുകളിലുള്ള പുരുഷന്മാരും സ്ത്രീകളുമടങ്ങിയ സൗദി പൗരൻമാരുടെ തൊഴിലില്ലായ്മാ നിരക്ക് 2020 നാലാം പാദത്തിൽ 12.6 ശതമാനമായി കുറഞ്ഞു.

ഇതേ വർഷം മൂന്നാം പാദത്തിൽ ഇത് 14.9 ശതമാനമായി ഉയർന്നു . എന്നാൽ അതേ സാഹചര്യത്തിൽ, 2020 നാലാം പാദത്തിലെ ലേബർ ഫോഴ്സ് സർവേയുടെ കണക്കനുസരിച്ച് സൗദി അറേബ്യയിലെ മൊത്തം പുരുഷൻമാരുടെ തൊഴിലില്ലായ്മ നിരക്ക് 4.0 ശതമാനമായി കുറഞ്ഞുവെന്ന് സർവേ ഫലങ്ങൾ വ്യക്തമാക്കുന്നു . അതേ വർഷം മൂന്നാം പാദത്തിൽ പുരുഷൻമാരുടെ തൊഴിലില്ലായ്മ നിരക്ക് 4.4 ശതമാനായി ഉയരുകയായിരുന്നു.

സ്ത്രീകളുടെ തൊഴിലില്ലായ്മ നിരക്ക് 2020 മൂന്നാം പാദത്തിൽ 24.6 ശതമാനത്തിൽ നിന്ന് നാലാം പാദത്തിൽ 20.2 ശതമാനമായി കുറഞ്ഞു. സൗദി പുരുഷന്മാരുടെ തൊഴിലില്ലായ്മ നിരക്ക് 2020 നാലാം പാദത്തിൽ 7.1 ശതമാനത്തിലെത്തി.

ഇതേ വർഷം മൂന്നാം പാദത്തിൽ 7.9 ശതമാനമായിരുന്നു സൗദി പുരുഷന്മാരുടെ തൊഴിലില്ലായ്മ നിരക്ക്. 2020 നാലാം പാദത്തിൽ സൗദി സ്ത്രീകളുടെ തൊഴിലില്ലായ്മ നിരക്ക് 30.2 ശതമാനത്തിൽ നിന്ന് 24.4 ശതമാനം രേഖപ്പെടുത്തി.

2020 ലെ നാലാം പാദത്തിൽ മൊത്തം ജനസംഖ്യയുടെ (15 വയസ്സിനു മുകളിലുള്ള സൗദി, വിദേശി) തൊഴിലാളി പങ്കാളിത്ത നിരക്ക് 61.0 ശതമാനമായി ഉയർന്നതായും സർവേ ഫലങ്ങൾ വെളിപ്പെടുത്തി. അതേ വർഷം മൂന്നാം പാദത്തിൽ ഇത് 59.5 ശതമാനമായിരുന്നു.

കൂടാതെ, 2020 ലെ നാലാം പാദത്തിൽ മൊത്തം പുരുഷ ജനസംഖ്യയുടെ (15 വയസും അതിൽ കൂടുതലുമുള്ള) തൊഴിൽ മേഖലയിലെ പങ്കാളിത്ത നിരക്ക് 80.6 ശതമാനത്തിലെത്തിയതായി ഫലങ്ങൾ സൂചിപ്പിക്കുന്നു. കഴിഞ്ഞ പാദത്തിൽ ഇത് 79.4 ശതമാനമായിരുന്നു.

15 വയസും അതിൽ കൂടുതലുമുള്ള മൊത്തം സ്ത്രീകളുടെ തൊഴിൽ ശക്തി പങ്കാളിത്ത നിരക്ക് 2020 നാലാം പാദത്തിൽ 32.1 ശതമാനത്തിലെത്തി. അതേ വർഷം മൂന്നാം പാദത്തിൽ ഇത് 30.0 ശതമാനമായിരുന്നു.

15 വയസും അതിൽ കൂടുതലുമുള്ള സൗദി പുരുഷന്മാരുടെയും സ്ത്രീകളുടെയും തൊഴിൽ പങ്കാളിത്ത നിരക്ക് 2020 നാലാം പാദത്തിൽ 51.2 ശതമാനത്തിലെത്തി. കഴിഞ്ഞ പാദത്തിൽ ഇത് 49.0 ശതമാനമായിരുന്നു.

എന്നാൽ മൂന്നാം പാദത്തിൽ സൗദി പുരുഷന്മാരുടെ സാമ്പത്തിക പങ്കാളിത്ത 66.0 ശതമാനത്തിൽ നിന്ന് 68.5 ശതമാനമായി ഉയർന്നു. സൗദി സ്ത്രീകളിലെ തൊഴിൽ സേന പങ്കാളിത്ത നിരക്ക് മുൻ പാദത്തിലെ 31.3 ശതമാനത്തിൽ നിന്ന് 33.2 ശതമാനമായി ഉയർന്നു.

ജനറൽ അതോറിറ്റി ഫോർ സ്റ്റാറ്റിറ്റിക്സ് രണ്ട് ഡാറ്റാ ഉറവിടങ്ങൾ ഉപയോഗിച്ചാണ് ലേബർ മാർക്കറ്റ് സ്ഥിതിവിവരക്കണക്കുകൾ ഉണ്ടാക്കിയിരിക്കുന്നത്. ലേബർ ഫോഴ്സ് സർവേ (എൽഎഫ്എസ്) ആണ് പ്രധാന ഉറവിടം.

ഓരോ പാദത്തിലും 33,000 വീടുകളിലാണ് സർവേ നടത്തിയിട്ടുള്ളത്. മറ്റൊരു ഉറവിടം എൽഎഫ്എസ് ഫലങ്ങൾ ക്രോസ് വാലിഡേറ്റ് ചെയ്യുന്നതിനും പൂർത്തിയാക്കുന്നതിനുമായി വിവിധ സർക്കാർ ഏജൻസികളിൽ നിന്നുള്ള അഡ്മിനിസ്ട്രേറ്റീവ് ഡാറ്റയാണ് ഉപയോഗിച്ചത്.