ഏപ്രില്‍ 1 അതായത് ഇന്ന് മുതല്‍ റിയാദിലേയ്ക്ക് ഒമാന്‍ എയര്‍ സര്‍വീസുകള്‍ പ്രവര്‍ത്തിക്കുമെന്ന് റിപ്പോർട്ട്. ആഴ്ചയില്‍ നാല് വീതം സര്‍വീസുകളാണ് ഉണ്ടാകുകയെന്ന് അധികൃതര്‍ അറിയിച്ചു. ദമാമിലേയ്ക്ക് മാര്‍ച്ച് 28 ന് ഒമാന്‍ എയര്‍ സര്‍വീസ് ആരംഭിച്ചിരുന്നു. എന്നാൽ യാത്രക്കാര്‍ നിര്‍ബന്ധമായും മാസ്‌ക് ധരിക്കുകയും സാമൂഹിക അകലം കൃത്യമായി പാലിക്കുകയും ചെയ്യണമെന്ന് എയര്‍ലൈന്‍ അധികൃതർ വ്യക്തമാക്കിയ. വൈറസ് വ്യാപനം തടയുന്നതിനായുള്ള നടപടികള്‍ തുടരുന്നതാണ്. പ്രാവര്‍ത്തിക കാരണങ്ങള്‍ മൂലം മസ്‌കറ്റിനും ദുബായിക്കും ഇടയിലുള്ള സര്‍വീസുകള്‍ താത്കാലികമായി നിര്‍ത്തിവെച്ചിരിക്കുന്നതായി ഒമാന്‍ സിവില്‍ ഏവിയേഷന്‍ അതോറിറ്റി (സിഎഎ) അറിയിക്കുകയുണ്ടായി.

'സമയക്രമം അനുസരിച്ചുള്ള വിമാനയാത്രയില്‍ വ്യത്യാസമുള്ളതിനാല്‍ തന്നെ പ്രവര്‍ത്തന കാരണങ്ങളാല്‍ വിമാനങ്ങള്‍ നിര്‍ത്തിവെച്ചിരിക്കുന്ന'തായി സിഎഎയിലെ ഒരു മുതിര്‍ന്ന ഉദ്യോഗസ്ഥന്‍ പറഞ്ഞു. മറ്റ് എമിറേറ്റുകളിലേയ്ക്കും പുറത്തേയ്ക്കുമുള്ള വിമാന സര്‍വീസുകളെ ഈ പ്രഖ്യാപനം ബാധിച്ചിട്ടില്ലെന്നും അവ ഇപ്പോഴും പ്രവര്‍ത്തനക്ഷമമാണെന്നും അദ്ദേഹം സ്ഥിരീകരിച്ചു. പ്രശ്‌നം പരിഹരിക്കാന്‍ സിഎഎ യുഎഇയുമായി ചര്‍ച്ച നടത്തി വരികയായിരുന്നു.

അതേസമയം ഒമാനില് താമസ രേഖകളില്ലാത്ത പ്രവാസികൾക്ക് പിഴയില്ലാതെ രാജ്യം വിടാനായി ഏർപ്പെടുത്തിയ പൊതുമാപ്പ് ജൂൺ 30 വരെ നീട്ടിയതായി അധികൃതർ. കോവിഡ് പാശ്ചാത്തലത്തിലാണ് മൂന്നു മാസത്തേക്കുകൂടി നീട്ടിയതെന്നും താമസ ഖേകളില്ലാത്തവര് ഈ കാലാവധിക്കുള്ളില് രജിസ്റ്റര് ചെയ്യണമെന്നും തൊഴില് മന്ത്രാലയം അറിയിക്കുകയുണ്ടായി. മാർച്ച്‌ 31ന് കാലവധി അവസാനിക്കാനിരിക്കെയാണ് പൊതുമാപ്പ് നീട്ടിയത്.

കഴിഞ്ഞ വർഷം നവംബർ 15ന് പ്രഖ്യാപിച്ച പൊതുമാപ്പ് ഇത് നാലാം തവണയാണ് നീട്ടുന്നത്. ഔട്ട് പാസ് ലഭിച്ചവര്ക്കും ജൂണ് 30നകം മടങ്ങാം. പൊതുമാപ്പ് കലാവധിക്കുശേഷം തങ്ങുന്ന അനധികൃത താമസക്കർക്കെതിരെ പിഴ ചുമത്തുന്നതാണ്.

തൊഴില് പെർമിറ്റ് ഫീസ്, അനധികൃത താമസത്തിനുള്ള പിഴ എന്നിവ പൊതുമാപ്പിൽ രാജ്യം വിടുന്നവരില് നിന്ന് ഈടാക്കില്ല. പാസ്പോര്ട്ട്, റെസിഡന്റ് കാര്ഡ് എന്നിവയുടെ കാലാവധി കഴിഞ്ഞവർക്കും ഈ ആനുകൂല്യം പ്രയോജനപ്പെടുത്താൻ സാധിക്കും. കോവിഡ് പാശ്ചാത്തലത്തില് സ്വകാര്യ കമ്ബനികള്ക്ക് തൊഴില് കരാര് കാലാവധി കഴിഞ്ഞ വിദേശികളെ പിരിച്ചുവിടാനുള്ള അനുമതിയും നീട്ടിയിട്ടുണ്ട്.