യുഎഇയിൽ റമസാൻ പ്രമാണിച്ച് ഏവർക്കും ആശ്വാസം പകർന്ന് 30,000ത്തിലേറെ ഉൽപന്നങ്ങൾക്ക് ഈ മാസം 13 മുതൽ‍ വിലക്കുറവ് പ്രഖ്യാപിക്കുകയുണ്ടായി. രാജ്യത്തുടനീളമുള്ള 894 ഔട്‌ലെറ്റുകളിൽ 25 മുതൽ 75% വരെ വിലക്കുറവിൽ സാധനങ്ങൽ ലഭ്യമാകുമെന്ന് സാമ്പത്തിക മന്ത്രാലയം വ്യക്തമാക്കി.‌ വിവിധ എമിറേറ്റുകളിലെ ഉപഭോക്തൃ സഹകരണ സംഘങ്ങൾ, സൂപ്പർ, ഹൈപ്പർമാർക്കറ്റുകൾ എന്നിവയുടെ പ്രതിനിധികളുമായി നടത്തിയ ചർച്ചയിലാ‌ണ് തീരുമാനമെന്ന് സാമ്പത്തിക മന്ത്രാലയത്തിലെ ഉപഭോക്തൃ സംരക്ഷണ വിഭാഗം ഡയറക്ടർ മർവാൻ അൽ സബൂസി പറയുകയുണ്ടായി.

അതായത് അവശ്യസാധനങ്ങൾ ഉൾപ്പെടുത്തി 50, 140 ദിർഹം വിലയുള്ള റമസാൻ കിറ്റും ഇതിനോടൊപ്പം തന്നെ സജ്ജമാക്കിയിട്ടുണ്ട്. കോവിഡ് പശ്ചാത്തലത്തിൽ തിരക്കു കുറയ്ക്കുന്നതിനു ഓൺലൈൻ ഷോപ്പിങ് സൗകര്യവും ഒരുക്കിയിട്ടുണ്ടെന്നു മർവാൻ സൂചിപ്പിച്ചു. റമസാൻ വിപണിയിലെ വിലവർധന തടയാൻ സാമ്പത്തിക മന്ത്രാലയം രംഗത്ത് എത്തി. സ്ഥാപനങ്ങൾ വ്യാപാര നിയമങ്ങൾ പാലിക്കുന്നുണ്ടെന്ന് ഉറപ്പാക്കുന്നതാണ്. പരസ്യപ്പെടുത്തിയ വിലയിൽ വിൽപന നടത്തുക, ഉപഭോക്താവിന്റെ ആരോഗ്യ സുരക്ഷ ഉറപ്പാക്കുന്ന ഉൽപന്നങ്ങൾ നൽകുക തുടങ്ങിയവയാണ് നിർദേശങ്ങൾ.

ഇതുകൂടാതെ കർശന നിരീക്ഷണവും പരിശോധനകളും ഉണ്ടാകും. അരി, ധാന്യപ്പൊടികൾ, മാംസം, മത്സ്യം, പഞ്ചസാര, പാനീയങ്ങൾ തുടങ്ങിയവയുടെ വില കൂടാതിരിക്കാൻ നടപടി സ്വീകരിക്കുന്നതായിരിക്കും. പഴങ്ങളും പച്ചക്കറിയും കൂടുതലായി ഇറക്കുമതി ചെയ്യുകയും ചെയ്യുമെന്ന് അറിയിച്ചു. റമസാൻ മാസത്തിൽ 420 പരിശോധനകൾ നടത്താൻ മന്ത്രാലയം തീരുമാനിച്ചു. നിയമ ലംഘനങ്ങൾ കണ്ടെത്തിയാൽ പൊതുജനങ്ങൾക്ക് അറിയിക്കാം. ഫോൺ: 8001 222.

അതോടൊപ്പം തന്നെ റമദാന്‍ പ്രമാണിച്ച് 650 ലേറെ ഉല്‍പ്പന്നങ്ങള്‍ക്ക് വിലക്കുറവ് പ്രഖ്യാപിച്ച് ഖത്തറും രംഗത്ത് എത്തി. വിലക്കുറവ് ലഭിക്കുന്ന സാധനങ്ങളുടെ പട്ടിക ഖത്തര്‍ വാണിജ്യ വ്യവസായ മന്ത്രാലയം പുറത്തുവിടുകയുണ്ടായി. രാജ്യത്തെ പ്രമുഖ ഷോപ്പിങ് മാളുകളുമായി സഹകരിച്ചാണ് പദ്ധതി നടപ്പിലാക്കുന്നത്. ഏപ്രില്‍ അഞ്ചിന് നിലവില്‍ വന്ന വിലക്കുറവ് റമദാന്‍ മാസം അവസാനിക്കുന്നതുവരെ തുടരുമെന്ന് മന്ത്രാലയം അറിയിച്ചു.

റമദാനില്‍ ഏറ്റവും കൂടുതല്‍ ഉപയോഗിക്കുന്ന അടിസ്ഥാന ഉല്‍പ്പന്നങ്ങളാണ് വിലക്കുറവിന്റെ പട്ടികയില്‍ ഉള്‍പ്പെട്ടവയില്‍ ഏറെയും. ധാന്യപ്പൊടികള്‍, പഞ്ചസാര, അരി, പാസ്ത, കോഴി, എണ്ണ, പാല്‍ തുടങ്ങി ഭക്ഷ്യ സാധനങ്ങള്‍ക്കു പുറമെ, റമദാനില്‍ കൂടുതലായി ഉപയോഗിക്കുന്ന ചില ഭക്ഷ്യേതര വസ്തുക്കള്‍ക്കും വിലക്കുറവ് പ്രഖ്യാപിച്ചിട്ടുണ്ട്.