മുഖ്യമന്ത്രിക്കെതിരെ ഗൾഫിൽ നിന്ന് വധഭീഷണി മുഴക്കി; മദ്യ ലഹരിയില്‍ പിണറായി വിജയനെ അസഭ്യം പറയുകയും വധഭീഷണി മുഴക്കുകയും ചെയ്തതിനെ തുടര്‍ന്ന് അവിടെയുള്ള ചിലര്‍ ഇദ്ദേഹത്തിന്റെ ജോലി കളയിച്ചു നാട്ടിലേക്ക് കയറ്റിവിട്ടു, ഇപ്പോള്‍ എല്‍ഡിഎഫില്‍ ചേര്‍ന്ന് പ്രവര്‍ത്തനം
മുഖ്യമന്ത്രിക്കെതിരെ വധഭീഷണി മുഴക്കി ഫേസ്‌ബുക്കില്‍ ലൈവിട്ട കൃഷ്ണകുമാറിന്റെ ഇപ്പോഴത്തെ ജീവിതം ഏറെ അമ്പരപ്പിക്കുന്നതാണ്. ഗള്‍ഫില്‍ വെച്ച്‌ മദ്യ ലഹരിയില്‍ പിണറായി വിജയനെ അസഭ്യം പറയുകയും വധഭീഷണി മുഴക്കുകയും ചെയ്യുകയായിരുന്നു ഇദ്ദേഹം. ഇതേതുടര്‍ന്ന് അവിടെയുള്ള ചിലര്‍ ഇദ്ദേഹത്തിന്റെ ജോലി കളയിച്ചു നാട്ടിലേക്ക് കയറ്റി വിടും ചെയ്തു. പിന്നാലെ ജോലി നഷ്ടമായി തിരിച്ചുനാട്ടിലെത്തിയ കൃഷ്ണകുമാറിനെ ഭാര്യയും മക്കളും ഉപേക്ഷിച്ചുപോവുകയും, നാട്ടുകാര്‍ ഒറ്റപ്പെടുത്തുകയും ചെയ്തു.
പിന്നാലെ എൽഡിഎഫിലേക്ക് ചുവടെടുത്തുവച്ച് കൃഷ്ണകുമാർ തന്റെ ജീവിതം ആകെ മാറ്റുകയായിരുന്നു. എന്നാൽ നാട്ടിലെത്തിയ കൃഷ്ണകുമാറിനെ കാത്തിരുന്നത് ഒരുതരം ഊരുവിലക്ക് പോലെയായിരുന്നു. ഇതോടെ ജീവിതം ദുരിതപൂര്‍ണമാവുകയും, കടുത്ത മാനസിക വിഷമത്തില്‍ ആവുകയും ചെയ്തു. എന്തായാലും ഇപ്പോള്‍ എല്‍ഡിഎഫില്‍ ചേര്‍ന്ന് പ്രവര്‍ത്തനം ആരംഭിച്ചതോടെ കാര്യങ്ങള്‍ മാറിമറിഞ്ഞിട്ടുണ്ട്.
ചെറുപ്പത്തില്‍ ആര്‍എസ്‌എസുമായി ബന്ധമുണ്ടായിരുന്നെങ്കിലും എല്ലാ രാഷ്ട്രീയ കക്ഷികളുമായും അടുപ്പമുള്ള ആളായിരുന്നു കൃഷ്ണകുമാര്‍. ജോലി പോയി നാട്ടിലേക്കു വരികയാണെന്നും നിയമം അനുശാസിക്കുന്ന ഏതു ശിക്ഷയും അനുഭവിക്കാന്‍ തയാറാണെന്നും രണ്ടാമത്തെ വിഡിയോയില്‍ ഇയാള്‍ പറഞ്ഞിരുന്നു.
സംഭവത്തിന് പിന്നാലെ ലുക്ക്‌ഔട്ട് നോട്ടിസ് പ്രകാരം ഡല്‍ഹി വിമാനത്താവളത്തിലാണ് ഇയാള്‍ പിടിയിലായത്. കൊച്ചി പൊലീസ് സംഘം ഡല്‍ഹിയിലെത്തി കൃഷ്ണകുമാറിനെ കസ്റ്റഡിയിലെടുക്കുകയാണ് ചെയ്തത്. കൃഷ്ണകുമാറിനു വധഭീഷണി ഉള്ളതിനാല്‍ തന്നെ ഡല്‍ഹി വഴി യാത്ര ചെയ്യാന്‍ പൊലീസാണു പറഞ്ഞത്. ഇക്കാര്യം ഇയാള്‍ ജോലി ചെയ്തിരുന്ന അബുദാബിയിലെ ഓയില്‍ കമ്പനിയെയും പൊലീസ് അറിയിച്ചിരുന്നു. ഇതനുസരിച്ചാണു കമ്പനി ഇയാള്‍ക്കു ഡല്‍ഹിയിലേക്ക് ടിക്കറ്റ് നല്‍കിയത്. എന്തായാലും ദുരിതപൂർണമായ ജീവിതത്തിൽ നിന്ന് പുതിയ കാഴ്ചപ്പാട് കണ്ടെത്തുകയാണ് അദ്ദേഹം ചെയ്തത്.
https://www.facebook.com/Malayalivartha
