കോടികളുടെ ഭാഗ്യം ഇക്കുറി തേടിയെത്തിയത് മൂവാറ്റുപുഴ സ്വദേശിയെ.... ദുബായ് ഡ്യൂട്ടി ഫ്രീ മില്ലെനിയം മില്യനെയര് ആന്ഡ് ഫൈനസ്റ്റ് സര്പ്രൈസ് നറുക്കെടുപ്പില് ജോര്ജിന് ലഭിച്ചത് ഏഴ് കോടി
കോടികളുടെ ഭാഗ്യം ഇക്കുറി തേടിയെത്തിയത് മൂവാറ്റുപുഴ സ്വദേശിയെ.... ദുബായ് ഡ്യൂട്ടി ഫ്രീ മില്ലെനിയം മില്യനെയര് ആന്ഡ് ഫൈനസ്റ്റ് സര്പ്രൈസ് നറുക്കെടുപ്പില് ജോര്ജിന് ലഭിച്ചത് ഏഴ് കോടി.
മൂവാറ്റുപുഴ ആരക്കുഴ പെരിങ്ങഴ ചേറ്റൂര് വീട്ടില് ജോര്ജ് തോമസിനെ തേടിയാണ് കോടികളുടെ ഭാഗ്യം ഇക്കുറി തേടിയെത്തിയത്. 10 ലക്ഷം യു.എസ്. ഡോളര് (ഏഴ് കോടി) സമ്മാനത്തുകയുള്ള ദുബായ് ഡ്യൂട്ടി ഫ്രീ മില്ലെനിയം മില്യനെയര് ആന്ഡ് ഫൈനസ്റ്റ് സര്പ്രൈസ് നറുക്കെടുപ്പിലാണ് ജോര്ജിനെ ഭാഗ്യം തുണച്ചത്.തന്റെ മക്കളുടേയും കുടുംബത്തിന്റേയും ജനിക്കാന് പോകുന്ന നാലാമത്തെ കുഞ്ഞിന്റേയും ഭാഗ്യമായാണ് ജോര്ജ് സമ്മാനത്തെ കാണുന്നത്.
ദുബായ് രാജ്യാന്തര വിമാനത്താവളത്തിലെ ജീവനക്കാരനായ ജോര്ജ് തോമസ് പെരിങ്ങഴയിലെ കര്ഷക കുടുംബത്തിലെ അംഗമാണ്.
മൂവാറ്റുപുഴ ബ്ലോക്ക് പഞ്ചായത്തംഗം ബെസ്റ്റിന് കെ. ചേറ്റൂരിന്റെ സഹോദരനായ ജോര്ജ് മൂവാറ്റുപുഴ നിര്മല കോളേജ് വിദ്യാര്ഥിയും മികച്ച വോളിബോള് കളിക്കാരനുമായിരുന്നു.
ഏറെക്കാലം നാട്ടില് ജോലിയും കൃഷിയും വോളിബോള് കളിയുമായി കഴിഞ്ഞിരുന്ന ജോര്ജ് പിന്നീട് വിദേശത്തേക്ക് പോയി. ഏഴു വര്ഷമായി ദുബായിലാണ് താമസം. ദുബായ് വിമാനത്താവളത്തില് നടന്ന 355-ാം നറുക്കെടുപ്പില് ജോര്ജെടുത്ത 2016 എന്ന ടിക്കറ്റിനാണ് സമ്മാനം ലഭിച്ചത്.
"
https://www.facebook.com/Malayalivartha