കൊവിഡ് നിയന്ത്രണങ്ങള്‍ക്കിടയില്‍ രണ്ടാം തവണ യുഎഇയില്‍ റമദാന്‍ ആഘോഷിക്കുകയാണ്; ഏപ്രില് 8 നാണ് റമദാന്‍ മാസത്തിനുള്ള മാര്‍ഗനിര്‍ദേശങ്ങളും ശുപാര്‍ശകളും പ്രഖ്യാപിച്ചത്
കൊവിഡ് നിയന്ത്രണങ്ങള്‍ക്കിടയില്‍ രണ്ടാം തവണ യുഎഇയില്‍ റമദാന്‍ ആഘോഷിക്കുകയാണ്.ഏപ്രില് 8 നാണ് റമദാന്‍ മാസത്തിനുള്ള മാര്‍ഗനിര്‍ദേശങ്ങളും ശുപാര്‍ശകളും പ്രഖ്യാപിച്ചത്
ഇഫ്താര്‍, സുഹൂര്‍ ഭക്ഷണത്തിനായി പുതിയ പലചരക്ക് സാധനങ്ങള്‍ വാങ്ങാനായി യുഎഇ നിവാസികള്‍ റമദാന്‍ മാസങ്ങളില്‍ മാളുകളിലേക്കും സൂപ്പര്‍മാര്‍ക്കറ്റുകളിലേക്കും പോകാറുണ്ട്.
കൊവിഡ് നിയന്ത്രണങ്ങള്‍ക്കിടയില്‍ രണ്ടാം തവണ റമദാന്‍ ആഘോഷിക്കുന്നതിനാല്‍ ഷോപ്പിംഗ് നടത്തുമ്പോള്‍ സുരക്ഷിതമായി ഷോപ്പിംഗ് നടത്തുക എന്നത് ശ്രദ്ധിക്കുക. ഏപ്രില് 8 ന് അബുദാബി എമര്‍ജന്‍സി, ക്രൈസിസ് ആന്റ് ഡിസാസ്റ്റര്‍ കമ്മിറ്റി റമദാന്‍ മാസത്തിനുള്ള മാര്‍ഗനിര്‍ദേശങ്ങളും ശുപാര്‍ശകളും പ്രഖ്യാപിച്ചു.
അവശ്യ സാധനങ്ങള്‍ വാങ്ങുന്നതിന് പലചരക്ക് കടകളിലേക്കും മറ്റ് കടകളിലേക്കും സന്ദര്‍ശനം കുറയ്ക്കുക. വ്യക്തിപരമായി ഷോപ്പിംഗ് നടത്തേണ്ടത് ആവശ്യമാണെങ്കില്‍ തിരക്കേറിയ സമയം ഒഴിവാക്കുക.
പലചരക്ക് സാധനങ്ങള്‍, പഴങ്ങള്‍, പച്ചക്കറികള്‍, മാംസം, മത്സ്യം എന്നിവ പോലുള്ള അടിസ്ഥാന ഇനങ്ങള്‍ക്കായി ഓണ്‍ലൈനില്‍ ഷോപ്പിംഗ് നടത്താനുള്ള ഓപ്ഷന്‍ തെരഞ്ഞെടുക്കുക.
ഷോപ്പിംഗ് ട്രോളികളുടെ ഹാന്‍ഡിലുകള്‍ ശ്രദ്ധാപൂര്‍വം അണുവിമുക്തമാക്കുക. വാങ്ങാത്ത ഉത്പന്നങ്ങളെ സ്പര്‍ശിക്കരുത്.
വീട്ടിലെത്തിയ ശേഷം സാധനങ്ങള്‍ വൃത്തിയാക്കാന്‍ അണുനാശിനി വൈപ്പുകള്‍ ഉപയോഗിക്കുക, പഴങ്ങളും പച്ചക്കറികളും ശ്രദ്ധാപൂര്‍വം കഴുകുക. എലിവേറ്ററുകള്‍ക്ക് പകരം എസ്‌കലേറ്ററുകളോ പടികളോ സാധ്യമാകുമ്പോഴെല്ലാം ഉപയോഗിക്കുക.
കാര്‍ഡ്, മൊബൈല്‍ പേയ്‌മെന്റ് ആപ്പുകള്‍ എന്നിവ വഴി ഇലക്ട്രേണിക്കായി പണമടയ്ക്കാന്‍ തെരഞ്ഞെടുക്കുക. ആരോഗ്യകരവും സമീകൃതവുമായ ഭക്ഷണം കഴിക്കുക, ധാരാളം വെള്ളം കുടിക്കുക, വ്യായാമം ചെയ്യുക എന്നിവയിലൂടെ പ്രതിരോധശേഷി വര്‍ദ്ധിപ്പിക്കുക.
മുതിര്‍ന്ന പൗരന്മാരും വിട്ടുമാറാത്ത രോഗങ്ങളുള്ളവരും പോലുള്ള ഏറ്റവും ദുര്‍ബലരായ വിഭാഗത്തില്‍ നിന്നുള്ള വ്യക്തികള്‍ ഷോപ്പിംഗിന് പോകുന്നത് ഒഴിവാക്കണം.
എല്ലാ മുന്‍കരുതല്‍ നടപടികളും പിന്തുടരുക, പൊതുവായ പ്രതിരോധ നടപടികള്‍ പാലിക്കുക. കുടുംബാംഗങ്ങള്‍ക്കിടയില്‍ ഈ നടപടികളെ കുറിച്ച് അവബോധം സൃഷ്ടിക്കുന്നതിലൂടെ കൊവിഡ് രോഗബാധയുടെ വ്യാപനം കുറയ്ക്കാന്‍ സഹായിക്കുമെന്നും കമ്മിറ്റി അറിയിച്ചു.
https://www.facebook.com/Malayalivartha
