ഗൾഫിലേക്ക് യാത്ര ചെയ്യാൻ കാത്തിരിക്കുന്ന പ്രവാസികൾ അറിയണം; യാത്രാ നിയന്ത്രണങ്ങള് മൂലം വിദേശത്തേക്ക് മടങ്ങാന് സാധിക്കാതെ നാട്ടില് കുടുങ്ങിക്കഴിയുന്ന പ്രവാസികള്ക്ക് കൊവിഡ് വാക്സിനേഷനില് മുന്ഗണന വേണം
കൊറോണ വ്യാപനത്തിന്റെ രണ്ടാം തരംഗം ഗൾഫ് രാഷ്ട്രങ്ങളിൽ അലയടിക്കുകയാണ്. വീണ്ടും പഴയരീതിയിലേക്ക് രാത്രികാല കര്ഫ്യൂ ഉൾപ്പടെ കടുത്ത നിയന്ത്രണങ്ങളാണ് ഏർപ്പെടുത്തിയിരിക്കുന്നത്. വീണ്ടും ഒരു തരംഗം രേഖപ്പെടുത്തുമ്പോൾ ഏവരും പ്രതീക്ഷ അർപ്പിക്കുന്നത് വാക്സിനിലാണ്. യാത്രകൾക്കുപോലും വാക്സിൻ സർട്ടിഫിക്കറ്റ് ഉൾപ്പടെയുള്ളവ നിർബന്ധമാക്കുന്ന സാഹചര്യത്തിൽ എത്തി നിൽക്കുമ്പോൾ വാക്സിൻ എടുക്കേണ്ടതിന്റെ പ്രാധാന്യം ഏവരും മനസ്സിലാക്കേണ്ടതാണ്.
പ്രത്യേകിച്ച് പ്രവാസികൾ ഏവരും. കുവൈറ്റ് സൗദി ഉൾപ്പടെയുള്ള ഗൾഫ് രാഷ്ട്രങ്ങൾ പ്രവാസികൾക്ക് ഏർപ്പെടുത്തിയിരിക്കുന്ന വിലക്ക് മറികടക്കാൻ വാക്സിനിലൂടെ സാധിക്കുന്നതാണ്.
ആയതിനാൽ തന്നെയാണ് ഇന്ത്യയില് കഴിയുന്ന പ്രവാസികള്ക്ക് കൊവിഡ് വാക്സിനേഷനില് മുന്ഗണന നല്കണമെന്നാവശ്യപ്പെട്ട് പ്രവാസി ലീഗല് സെല് കേന്ദ്ര സര്ക്കാരിന് നല്കിയ നിവേദനത്തിന് പ്രാധാന്യം മനസിലാക്കുവാൻ സാധിക്കുന്നത്. യാത്രാ നിയന്ത്രണങ്ങള് മൂലം വിദേശത്തേക്ക് മടങ്ങാന് സാധിക്കാതെ നാട്ടില് കുടുങ്ങിക്കഴിയുന്ന പ്രവാസികള്ക്ക് കൊവിഡ് വാക്സിനേഷനില് മുന്ഗണന നല്കണമെന്നാവശ്യപ്പെട്ട് പ്രവാസി ലീഗല് സെല് ഗ്ലോബല് പ്രസിഡന്റ് അഡ്വ. ജോസ് അബ്രഹാം, കുവൈറ്റ് കണ്ട്രി ഹെഡ് ബാബു ഫ്രാന്സിസ് എന്നിവര് ചേര്ന്ന് കേന്ദ്ര ആരോഗ്യ കുടുംബ ക്ഷേമമന്ത്രി ഡോ. ഹര്ഷ് വര്ധനാണ് നിവേദനം നല്കിയത്.
ഇതുകൂടാതെ കൊവിഡ് വ്യാപനത്തെ തുടര്ന്ന് ലോക രാജ്യങ്ങളില് നിലനില്ക്കുന്ന യാത്രാ നിയന്ത്രണങ്ങളുടെ പശ്ചാത്തലത്തില് ആയിരക്കണക്കിന് പ്രവാസി ഇന്ത്യക്കാര്, വിസ ഉണ്ടായിട്ടും തങ്ങളുടെ ജോലികളില് തിരികെ പ്രവേശിക്കാനാകാതെ നാട്ടില് കുടുങ്ങിക്കഴിയുന്ന സ്ഥിതിയാണുള്ളതെന്ന് നിവേദനത്തില് വ്യക്തമാക്കി. ചില രാജ്യങ്ങളാവട്ടെ കൊവിഡ് വാക്സിന് സ്വീകരിച്ചവര്ക്ക് യാത്രാനുമതിയും ഒപ്പം ക്വാറന്റൈന് ഇളവുകളും പ്രഖ്യാപിക്കുകയും ചെയ്തിട്ടുണ്ട്
അതോടൊപ്പം തന്നെ നിലവില് ഇന്ത്യ പിന്തുടരുന്ന വാക്സിന് പോളിസി അനുസരിച്ച് രണ്ടു ഡോസ് വാക്സിനേഷന് പൂര്ത്തിയാക്കാന് മാസങ്ങള് കാത്തിരിക്കേണ്ടിവരുമെന്ന സ്ഥിതിയാണ് നിലവിലുള്ളത്. വാക്സിനെടുക്കുന്നതിന് പ്രായപരിധി നിശ്ചയിച്ചതിനാല് എല്ലാ പ്രവാസികള്ക്കും വാക്സിനെടുക്കാന് കഴിയാത്ത സ്ഥിതിയുമുണ്ട്.
അതുകൊണ്ടുതന്നെ വാക്സിന് നല്കുന്ന പ്രവാസികള്ക്ക് പ്രത്യേക പരിഗണന നല്കി അവര്ക്ക് എത്രയും വേഗം വാക്സിന് ലഭ്യമാക്കുന്നതിന് ആവശ്യമായ നടപടികള് സ്വീകരിക്കണമന്നാണ് കേന്ദ്രമന്ത്രിക്ക് നല്കിയ നിവേദനത്തില് ആവശ്യപ്പെട്ടിരിക്കുന്നത്. ഇക്കാര്യത്തില് കാലതാമസം ഉണ്ടാവുന്നതിനനുസരിച്ച് വിസ കാലാവധി കഴിയുന്നതുള്പ്പെടെയുള്ള പ്രശ്നങ്ങള് പ്രവാസികളുടെ യാത്രയ്ക്ക് തടസ്സമാവുമെന്നും നിവേദനത്തില് സൂചിപ്പിച്ചു.
"
https://www.facebook.com/Malayalivartha
