ഗള്ഫില് ജോലി വാഗ്ദാനം ചെയ്ത് 500 നഴ്സുമാരില് നിന്നായി തട്ടിയത് കോടികള്; മുഖ്യപ്രതി ഫിറോസ് ഖാന് ഉള്പ്പെടെ മൂന്നു പേര് അറസ്റ്റിലാകുമ്പോള് പുറത്ത് വരുന്ന ഞെട്ടിപ്പിക്കുന്ന വസ്തുതകള്; ദുബായില് തട്ടിപ്പിന് നേതൃത്വം നല്കുന്നത് ഫിറോസിന്റെ കൂട്ടാളികള്; തട്ടിപ്പിനിരകളായ നഴ്സുമാര് പറയുന്നത്
ഗള്ഫില് കൊവിഡ് വാക്സിന് ഡ്യൂട്ടിക്കെന്ന പേരില് ജോലി വാഗ്ദാനം ചെയ്ത് 500 നാഴ്സുമാരില് നിന്നായി തട്ടിയത് കോടിക്കണക്കിന് രൂപ. മുഖ്യപ്രതി ഫിറോസ് ഖാനും കൂട്ടാളിക്കളും പൊലീസ് പിടിലായപ്പോള് പുറത്ത് വരുന്നത് ഞെട്ടിക്കുന്ന സംഭവങ്ങള്. കലൂരിലെ 'ടെയ്ക് ഓഫ്' റിക്രൂട്ടിങ് ഏജന്സിയുടമയായ ഫിറോസ് ഖാനെയും സഹായികളായ രണ്ട് പേരെയുമാണ് എറണാകുളം നോര്ത്ത് പൊലീസ് പിടിച്ചത്. കോഴിക്കോട് രഹസ്യ കേന്ദ്രത്തില് നിന്നാണിവരെ പോലീസ് പിടിച്ചത്. ഫിറോസിന്റെ തട്ടിപ്പിന് ഗള്ഫില് കൂട്ടുനിന്ന എറണാകുളം സ്വദേശി സത്താറും ഒളിവില് കഴിയാന് സഹായിച്ച കൊല്ലം സ്വദേശിയുമാണ് കസ്റ്റഡിയിലുള്ളത്. പ്രതികളുടെ അറസ്റ്റ് രേഖപ്പെടുത്തി.
'നഴ്സ് വിസ' എന്ന വ്യാജേന വിസിറ്റിങ് വിസ നല്കി വഞ്ചിച്ചെന്നു കാട്ടി കൊല്ലം പത്തനാപുരം പട്ടാഴിയിലെ റീന രാജന് നല്കിയ പരാതിയിലാണ് നടപടി. അഞ്ഞൂറില് കൂടുതല് നഴ്സുമാരെ വാക്സിന് നല്കുന്ന ഡ്യൂട്ടിക്കെന്ന പേരില് പണം വാങ്ങി, ദുബായിയില് എത്തിക്കുകയായിരുന്നു. ഇവരെ മുറിയില് അടച്ചിടുകയും മസാജ് സെന്റര്, ഹോം കെയര് ജോലികള്ക്കായി പോകണമെന്ന് ഭീഷണിപ്പെടുത്തുകയും ചെയ്തു.
ഒന്നരലക്ഷം രൂപ ശമ്പളം, സൗജന്യ താമസം, ഭക്ഷണം എന്നിവയായിരുന്നു വാഗ്ദാനങ്ങള്. സര്ക്കാര് ജോലിയെന്ന് തെറ്റിദ്ധരിപ്പിച്ച് 2.5 ലക്ഷം രൂപ സര്വീസ് ചാര്ജായി ഓരോരുത്തരില് നിന്നും വാങ്ങി. വിസിറ്റിങ് വിസയില് ദുബായിലെത്തിച്ച ശേഷം, റിക്രൂട്ടിങ് ഏജന്സിക്കാര് ഒഴിഞ്ഞുമാറി. കോവിഡ് വാക്സിന് നല്കുന്ന ജോലിയില് ഒഴിവില്ലെന്നു പറഞ്ഞാണ് ഇവരെ മറ്റു ജോലികള് ചെയ്യാന് നിര്ബന്ധിച്ചത്. പണം നല്കിയ 500-ല്പ്പരം പേരെ ദുബായില് ഇവര് മുറിയില് പൂട്ടിയിട്ടു. കേരളത്തിലെ വിവിധ ഭാഗങ്ങളില് നിന്നായിയാണ് എജന്സി ഇവരെ റിക്യൂട്ട് ചെയ്തത്. സുരക്ഷയില്ലാത്ത ഒരുമുറിയില് 13 മുതല് 15 പേര് വരെയുണ്ടായിരുന്നു. ഇവര്ക്ക് കൃത്യമായി ഭക്ഷണം പോലും നല്കിയിരുന്നില്ല.
ഒരു പ്രൈവറ്റ് ഏജന്സികള്ക്കും ഇപ്പോള് നഴ്സസ്നെ റിക്രൂട്ട്മെന്റ് നടത്താന് പാടില്ല എന്ന കേന്ദ്ര നിയമം ഉള്ളപ്പോള് നാഴ്സുമാര് വഞ്ചിക്കപ്പെട്ടത്. പലരും വീടും സ്ഥലവും പണയം വച്ചും ബാങ്ക് വായ്പയെടുത്തുമാണ് എജന്സി ആവശ്യപ്പെട്ട തുക നല്കിയത്. തൊഴില് കിട്ടതെ വന്നതോടെ പണം തിരികെ ആവശ്യപ്പെട്ടവര്ക്ക് ക്രൂരമായ മര്ദനവും ജീവന് ഭീഷണിയും നേരിടേണ്ടി വന്നതായി നഴ്സുമാര് പറയുന്നു. ഇതു സംബന്ധിച്ച് നാഴ്സുമാര് മുഖ്യമന്ത്രിക്ക് വിശദമായ പരാതി നല്കി. ഇതോടെ തുടര്ന്ന് ഫിറോസ് ഖാന് ഒളിവില് പോയി.
കരിപ്പൂര് വിമാനത്താവളം വഴി ഡല്ഹിക്ക് കടക്കാനാണ് ഇയാള് കോഴിക്കോട്ടെത്തിയത്. വിമാനയാത്രയ്ക്കായി ആര്.ടി.പി.സി.ആര്. പരിശോധനയടക്കം നടത്തിയിരുന്നു. വിദേശത്ത് ജോലി വാഗ്ദാനംചെയ്ത് വഞ്ചിച്ചതിന് ഇയാള്ക്കെതിരേ നോര്ത്ത് പൊലീസ് മുമ്പും കേസെടുത്തിരുന്നു. ഈ കേസില് ജാമ്യത്തിലിറങ്ങിയ പ്രതി സ്ഥാപനത്തിന്റെ പേര് മാറ്റി വീണ്ടും തട്ടിപ്പ് തുടരുകയായിരുന്നു.
അഞ്ഞൂറിലധികം നഴ്സുമാര് തട്ടിപ്പിനിരയായത്. ഫിറോസ് ഖാന്റെ ഏജന്റ് ആയി യു.എ.ഇയില് പ്രവര്ത്തിക്കുന്ന സത്താര്, സയ്ദ്, ജോഷി തോമസ്, ചാള്സ് എന്നിവരാണ് ദുബായില് തട്ടിപ്പിന് നേതൃത്വം നല്കുന്നതെന്ന് നഴ്സുമാര് നല്കിയ പരാതിയില് ചൂണ്ടിക്കാട്ടുന്നുണ്ട്. ഇവര്ക്കായും പൊലീസ് അന്വേഷണം നടത്തുന്നുണ്ട്. ഇതില് സത്താറിനെ പൊലീസ് പിടികൂടിട്ടുണ്ട്.
https://www.facebook.com/Malayalivartha
