ദമാമില്‍ മലയാളികളുടെ നേതൃത്വത്തിലുള്ള പെണ്‍വാണിഭ സംഘത്തെ രഹസ്യാന്വേഷണ വിഭാഗം അറസ്റ്റു ചെയ്തു. കോഴിക്കോട് സ്വദേശികളായ രണ്ട് പേരും, ഒരു എറണാകുളം സ്വദേശിയും ആഫ്രിക്കന്‍ വംശജരായ നാല് സ്ത്രീകളുമാണ് പൊലീസ് പിടിയിലായത്. സ്ത്രീകളെ കൂടെ താമസിപ്പിച്ച് ആവശ്യക്കാര്‍ക്ക് എത്തിച്ചുകൊടുക്കുകയായിരുന്നു ഇവര്‍ ചെയ്തിരുന്നത്. പൊലീസിന് ലഭിച്ച രഹസ്യ വിവരത്തെത്തുടര്‍ന്ന് ദിവസങ്ങള്‍ നീണ്ട നിരീക്ഷണങ്ങള്‍ക്കൊടുവിലാണ് സംഘത്തെ വലയിലാക്കിയത്. അനധികൃത താമസക്കാരായ നാല് ആഫ്രിക്കന്‍ വംശജരായ സ്ത്രീകളാണ് ഇവരോടൊപ്പം ഉണ്ടായിരുന്നത്. ഇവിടെനിന്ന് ഗര്‍ഭ നിരോധന ഉറകളും ഗുളികകളും വിദേശമദ്യവും പിടിച്ചെടുത്തിട്ടുണ്ട്. സ്ത്രീകളെ വീട്ടുജോലിക്കെന്ന വ്യാജേന ആളുകള്‍ക്കൊപ്പം വിട്ടുകൊടുക്കുകയായിരുന്നു ഇവരുടെ രീതി. എറണാകുളം സ്വദേശിക്ക് ദിവസങ്ങള്‍ക്ക് മുമ്ബാണ് മറ്റു രണ്ട് ഏജന്റുമാരില്‍ ഒരാള്‍ തന്റെ െ്രെഡവറായി ജോലി നല്‍കിയത്. ഈ ഏജന്റിന്റെ നിര്‍ദേശ പ്രകാരം സ്ത്രീകളെ കൂട്ടിക്കൊണ്ട് പോകാന്‍ എത്തിയപ്പോഴാണ് പൊലീസ് എത്തുന്നതും സംഘം പിടിയിലാകുന്നതും. ഏറെ നാളുകള്‍ക്കു ശേഷം മലയാളികള്‍ അടങ്ങുന്ന കുറ്റകൃത്യങ്ങള്‍ വര്‍ധിക്കുന്നതായാണ് അടുത്തിടെയുണ്ടായ സംഭവങ്ങള്‍ സൂചിപ്പിക്കുന്നത്.