ജൂൺ 15 മുതൽ പുറത്തിറങ്ങാൻ കടുക്കും; പ്രവാസികൾ ജാഗ്രതൈ, ഗ്രീൻപാസ് പ്രോട്ടോകോൾ നിർബന്ധമാക്കാൻ ഒരുങ്ങി അധികൃതർ, ഷോപ്പിങ്മാളുകൾ, വലിയ സൂപ്പർമാർക്കറ്റുകൾ എന്നിവിടങ്ങളിൽ പ്രവേശിക്കാൻ അൽഹൊസൻ ആപ്പ് പച്ചയാണെന്ന് കാണിക്കണം
കോവിഡ് സുരക്ഷക്കായി കൂടുതൽ നിയന്ത്രണങ്ങൾ ഏർപ്പെടുത്തി അബൂദബി. ഈമാസം 15 മുതൽ ഗ്രീൻപാസ് പ്രോട്ടോകോൾ നിർബന്ധമാക്കുമെന്ന് റിപ്പോർട്ട്. റെസ്റ്റോറന്റിലും സൂപ്പർമാർക്കറ്റിലും പ്രവേശിക്കാൻ മൊബൈൽ ഫോണിലെ അൽഹൊസൻ ആപ്പ് പച്ച നിറമായിരിക്കണം എന്നാണ് വ്യക്തമാക്കുന്നത്. അബൂദബിയിൽ 16 വയസ് പിന്നിട്ടവർക്കെല്ലാം ഗ്രീൻപാസ് പ്രോട്ടോകോൾ ബാധകമായിരിക്കും. കോടതി ഷോപ്പിങ്മാളുകൾ, വലിയ സൂപ്പർമാർക്കറ്റുകൾ എന്നിവിടങ്ങളിൽ പ്രവേശിക്കാൻ അൽഹൊസൻ ആപ്പ് പച്ചയാണെന്ന് കാണിക്കണം.
അതോടൊപ്പം തന്നെ റെസ്റ്ററന്റുകൾ, കഫേകൾ, ജിമ്മുകൾ, സിനിമാശാലകൾ, മ്യൂസിയങ്ങൾ, ബീച്ചുകൾ എന്നിവിടങ്ങളിലെല്ലാം ഇത് ബാധകമാണ്. വാക്സിനേഷന്റെയും പി സി ആർ പരിശോധനയുടെയും അടിസ്ഥാനത്തിലാണ് ഓരോരുത്തരുടെയും മൊബൈൽ ആപ്ലിക്കേഷനിൽ പച്ച നിറം ലഭിക്കുന്നത്. കഴിഞ്ഞദിവസം ഈ പ്രോട്ടോകോളിന് യു എ ഇ ആരോഗ്യമന്ത്രാലയം അനുമതി നൽകിയെങ്കിലും ആദ്യമായി നടപ്പാക്കുന്നത് അബൂദബി എമിറേറ്റാണ് എന്നതും വ്യക്തം.
രണ്ട് ഡോസ് വാക്സിനേഷൻ പൂർത്തിയാക്കി 28 ദിവസം പിന്നിട്ട ശേഷം നടത്തുന്ന പി സി ആർ ടെസ്റ്റിൽ നെഗറ്റീവ് ആകുന്നവർക്കാണ് 30 ദിവസം തുടർച്ചായി ആപ്പ് പച്ചനിറമാകുന്നത്. മറ്റുള്ളവർക്ക് 14 മുതൽ മൂന്ന് ദിവസം മാത്രമേ പച്ചനിറം ലഭിക്കുന്നതാണ്. പി സി ആർ നെഗറ്റീവ് എങ്കിൽ താഴം കാണുന്ന ആറ് വിധമാണ് പച്ചനിറം ലഭിക്കുക
കൂടുതൽ വിവരങ്ങൾ ഇങ്ങനെ;
രണ്ടു ഡോസ് വാക്സിൻ എടുത്ത് 28 ദിവസം കഴിഞ്ഞവർക്ക് 30 ദിവസം പച്ച തെളിയും ( ഏഴ് ദിവസം E എന്ന ഇംഗ്ലീഷ് അക്ഷരവും തെളിയും)
രണ്ട് ഡോസ് വാക്സിനെടുത്ത് 28 ദിവസം കഴിയാത്തവർക്ക് 14 ദിവസം പച്ച തെളിയും
ആദ്യ ഡോസ് സ്വീകരിച്ച് രണ്ടാം ഡോസിന് കാത്തിരിക്കുന്നവർക്ക് 7 ദിവസം പച്ച നിറം തെളിയും
ആദ്യ ഡോസ് സ്വീകരിച്ച് 48 ദിവസം പിന്നിട്ടവർക്ക് 3 ദിവസം പച്ച തെളിയും
വാക്സിൻ എടുക്കാൻ സാധിക്കാത്തവർ ഇളവ് സർട്ടിഫിക്കറ്റ് നേടിയാൽ 5 ദിവസം പച്ച തെളിയും
വാക്സിൻ സ്വീകരിക്കാത്ത ഇളവ് ഇല്ലാത്തവർക്ക് 3 ദിവസം പച്ച തെളിയും
കാലാവധി കഴിഞ്ഞാൽ ചാരനിറം
പോസറ്റീവ് ആയാൽ ചുവപ്പ് നിറം
https://www.facebook.com/Malayalivartha