പ്രവാസികൾക്ക് വഴിയൊരുക്കി സൽമാൻ രാജാവ്; വിവിധരാജ്യങ്ങളിൽ കുടുങ്ങിക്കിടക്കുന്ന പ്രവാസികൾക്ക് സൗദിയിലേക്ക് തിരിച്ചുവരുന്നതിനുള്ള നടപടിക്രമങ്ങൾ കൂടുതൽ എളുപ്പമാക്കി സൗദി അറേബ്യ, വിമാനവിലക്ക് നീക്കുന്നതിന് മുന്നേ തന്നെ ഇത് ചെയ്യണം....
കൊറോണ വ്യാപനത്തെ തുടർന്ന് വിമാനവിലക്കിൽ നട്ടം തിരിഞ്ഞ പ്രവാസികൾക്ക് ആശ്വാസ വാർത്ത. മാസങ്ങളോളം കാത്തിരുന്ന പ്രവാസികളെ തേടി രാജകാരുണ്യം. നിർണായകമായി സൽമാൻ രാജാവിന്റെ ആ തീരുമാനം. വിമാനവിലക്ക് നീക്കുന്നതിന് മുന്നേ തന്നെ ഇത് ചെയ്യണം. ഉടൻ തന്നെ ആ പ്രഖ്യാപനം ഉണ്ടാകുന്നതാണ്. എന്തുകൊണ്ട് വിമാനവിലക്ക് നീങ്ങുന്നില്ല എന്ന് ചിന്തിക്കുന്നതിന് മുന്നേ തന്നെ ഈ വാർത്ത കേൾക്കുക...
കോവിഡ് വ്യാപനത്തിന്റെ പശ്ചാത്തലത്തിൽ വിവിധരാജ്യങ്ങളിൽ കുടുങ്ങിക്കിടക്കുന്ന പ്രവാസികൾക്ക് സൗദിയിലേക്ക് തിരിച്ചുവരുന്നതിനുള്ള നടപടിക്രമങ്ങൾ കൂടുതൽ എളുപ്പമാക്കുകയാണ് സൗദി ഭരണകൂടം. രാജകാരുണ്യത്തിലൂടെ വിദേശികളുടെ ഇഖാമയും റീഎൻട്രി വിസയും വിസിറ്റ് വിസയും സൗജന്യമായി പുതുക്കിനൽകുന്നതും ഇതിന്റെ ഭാഗമായായി തന്നെയാണ് എന്നാണ് ലഭ്യമാകുന്ന വിവരം. മാസങ്ങളായി ഇഖാമ പുതുക്കാനാകാതെ സൗദിയിലേക്ക് തിരിച്ചുവരാനാകില്ലെന്ന് ഉറപ്പാക്കിയവർക്ക് പോലും രാജകാരുണ്യം തുണയായിരിക്കുകയാണ്.
ഇതുകൂടാതെ വിദേശരാജ്യങ്ങളിൽ വച്ച് വാക്സിൻ സ്വീകരിച്ചവർക്ക് ഇൻസ്റ്റിറ്റിയൂഷണൽ ക്വാറന്റൈനിൽ ഇളവനുവദിക്കുകയും ചെയ്തിട്ടുണ്ട്. ഇവർക്ക് വാക്സിനേഷൻ വിവരങ്ങൾ തവക്കൽനാ ആപ്പിൽ അപ്ഡേറ്റ് ചെയ്യുന്നതിനുള്ള രജിസ്ട്രേഷൻ നടപടികളും സൗദി ആരംഭിച്ചിരിക്കുകയാണ്. അതോടൊപ്പ, തന്നെ ഇന്ത്യയുൾപ്പെടെ 75 രാജ്യങ്ങളിൽ തവക്കൽനാ ആപ്പ് പ്രവർത്തനസജ്ജമാക്കിയതും സൗദിയിലേക്ക് വരാനിരിക്കുന്ന പ്രവാസികൾക്ക് കൂടുതൽ ആശ്വാസം നൽകുന്നതാണ്. ഇതിനുപുറമെയാണ് സൗദിയിലേക്ക് വരുന്ന മുഴുവൻ വിദേശികളും യാത്ര പുറപ്പെടുന്നതിന് 72 മണിക്കൂറിനുള്ളിൽ മുഖീം പോർട്ടലിൽ രജിസ്റ്റർ ചെയ്യണമെന്ന് നിർദേശം നൽകിയത്.
അതേസമയം ജൂലൈ 16 മുതൽ പുതിയ ചട്ടം പ്രാബല്യത്തിൽ വരുന്നതായിരിക്കും. ഇഖാമയുള്ളവരും സന്ദർശനവിസയിൽ വരുന്നവരും വാക്സിൻ സ്വീകരിച്ചവരും സ്വീകരിക്കാത്തവരും രജിസ്ട്രേഷൻ പൂർത്തിയാക്കണം. സൗദി വിമാനത്താവളങ്ങളിലെത്തുന്ന വിദേശികളുടെ നടപടിക്രമങ്ങൾ എളുപ്പത്തിൽ പൂർത്തീകരിക്കാനും പ്രവാസികൾക്ക് ആശങ്ക കൂടാതെ യാത്ര ചെയ്യാനും ഇതുവഴി സാധിക്കുമെന്നതാണ് അധികൃതർ ലക്ഷ്യംവയ്ക്കുന്നത്.
വാക്സിനേഷൻ സർട്ടിഫിക്കറ്റിൽ വാക്സിൻ സ്വീകരിച്ച തിയതിയും ബാച്ച് നമ്പറും ഉൾപ്പെടുത്തുമെന്ന് മുഖ്യമന്ത്രി പിണറായി വിജയൻ ഇന്ന് അറിയിച്ചതോടെ സൗദി ആരോഗ്യ മന്ത്രാലയത്തിലെ രജിസ്ട്രേഷനും എളുപ്പമാകുകയും ചെയ്യും. അതേസമയം വിമാനയാത്ര പ്രതിസന്ധിയും ഇന്ത്യയിൽനിന്ന് കോവാക്സിൻ സ്വീകരിച്ചവരുടെ പ്രശ്നങ്ങളും കൂടി വൈകാതെ പരിഹരിക്കപ്പെടുമെന്ന പ്രതീക്ഷയിലാണ് പ്രവാസികൾ ഏവരും. വാക്സിൻ സ്വീകരിക്കുന്നവർക്ക് ഈ പ്രഖ്യാപനങ്ങൾ എല്ലാം തന്നെ നിർണായകമാകും. കൂടുതൽ ജാഗ്രതയോടെ കാര്യങ്ങൾ ചെയ്യേണ്ടതാണ്..
https://www.facebook.com/Malayalivartha