ഒമാനിലെ അൽ ദാഖിലിയ ഗവര്‍ണറേറ്റിലുള്ള അൽ ഹംറ വിലയത്തിലെ അൽ ഹർക്ക് പ്രദേശത്ത് മരങ്ങൾക്ക് തീപ്പിടിച്ചതായി സിവിൽ ഡിഫൻസ് സമിതി റിപ്പോർട്ട് ചെയ്യുകയുണ്ടായി. അൽ ദാഖിലിയ ഗവർണറേറ്റിലെ അഗ്നിശമന സേനാംഗങ്ങൾ പോലീസ് വ്യോമയാന വിഭാഗവുമായി സഹകരിച്ച് തീ അണക്കുവാനുള്ള പ്രവർത്തനങ്ങൾ നടത്തിവരികയാണ് എന്നാണ് ലഭ്യമാകുന്ന വിവരം. തീപ്പിടുത്തമുണ്ടായ സ്ഥലത്തിനടുത്തുള്ള പ്രദേശവാസികൾ സുരക്ഷിതരാണെന്നും അധികൃതര്‍ സ്ഥിരീകരിച്ചിട്ടുണ്ട്.

അതേസമയം അല്‍ ദഖിലിയ ഗവര്‍ണറേറ്റില്‍ അല്‍ ഹംറ വിലായത്തില്‍ റാസ് അല്‍ ഹര്‍ക്ക് പ്രദേശത്ത് പടരുന്ന കാട്ടുതീ അണക്കുവാനുള്ള ശ്രമം തുടരുകയാണ് അധികൃതർ, സിവില്‍ ഡിഫന്‍സ് ആന്‍ഡ് ആംബുലന്‍സ് സമതിയും പരിസ്ഥിതി അതോറിറ്റിയും തുടരുകയാണെന്ന് ഒമാന്‍ ന്യൂസ് ഏജന്‍സി പുറത്തിറക്കിയ പ്രസ്താവനയില്‍ പറയുന്നു. അല്‍ ദഖിലിയ ഗവര്‍ണറേറ്റിലെ അഗ്‌നിശമന സേനാംഗങ്ങള്‍ പൊലീസ് വ്യോമയാനവുമായി സഹകരിച്ചാണ് കാട്ടുതീ അണക്കുവാന്‍ ശ്രമിച്ചുവരുന്നത്.

എന്നാല്‍ ഹെലികോപ്റ്ററുകള്‍ ഉപയോഗിച്ച് തീ നിയന്ത്രണവിധേയമാക്കുവാന്‍ കഴിയുന്നില്ലെന്നും ന്യൂസ് ഏജന്‍സിയുടെ പ്രസ്താവനയില്‍ വ്യക്തമാക്കുകയുണ്ടായി. പരുക്കന്‍ പര്‍വതപ്രദേശങ്ങളില്‍ ജലസ്രോതസ്സുകളുടെ അഭാവവും, വെള്ളം അവിടെ എത്തിക്കുവാനുള്ള തടസ്സങ്ങളുമാണ് അഗ്നിശമന സേനാംഗങ്ങള്‍ക്ക് തീ അണക്കുവാനുള്ള പ്രതിബദ്ധമെന്ന് ഒമാന്‍ ന്യൂസ് ഏജന്‍സി ഓണ്‍ലൈനിലൂടെ അറിയിച്ചു.