പ്രവാസികൾക്ക് ഒരു സന്തോഷവാർത്ത. പ്രവാസികൾക്കും സ്വദേശികൾക്കും അപേക്ഷിക്കാവുന്ന നിരവധി തസ്​തികകളിലേക്ക്​ ദുബൈ സർക്കാർ അപേക്ഷ ക്ഷണിച്ചിരിക്കുകയാണ്. ദുബൈ ആരോഗ്യ വകുപ്പ്​, ഫിനാൻഷ്യൽ ഓഡിറ്റ്​ അതോറിറ്റി, ദുബൈ കൾചർ, പ്രഫഷനൽ കമ്യൂണിക്കേഷൻ കോർപറേഷൻ, ദുബൈ സിവിൽ ഡിഫൻസ്​, റോഡ്​ ഗതാഗത അതോറിറ്റി, സ്​മാർട്ട്​​ ദുബൈ, വ്യോമയാന വകുപ്പ്​, കമ്യൂണിറ്റി ഡവലപ്​മെൻറ്​ അതോറിറ്റി എന്നിവയിലാണ്​ ഒഴിവുകൾ ഉള്ളത്​.

പ്രവാസികൾക്ക്​ 30,000 ദിർഹം വരെ ശമ്പളം ലഭിക്കുന്ന ജോലികൾ ഇക്കൂട്ടത്തിലുണ്ട്​. പ്രവാസികൾക്ക്​ അപേക്ഷിക്കാവുന്ന ജോലികളുടെ പട്ടികയും തസ്​തിക, വകുപ്പ്​, യോഗ്യത എന്നീ വിവരങ്ങളും ഇങ്ങനെ:

1. ഫിനാൻഷ്യൽ ഓഡിറ്റർ, ഫിനാൽഷ്യൽ ഓഡിറ്റ്​ അതോറിറ്റി, ഓഡിറ്റ്​ സംബന്ധിച്ച എല്ലാ കാര്യങ്ങളും നിർവഹിക്കാനുള്ള കഴിവും അക്കൗണ്ട്​സ്​ അല്ലെങ്കിൽ ഫിനാൻസിൽ ബിരുദവും.

2.ഫിനാൻഷ്യൽ ഓഡിറ്റർ, ഫിനാൽഷ്യൽ ഓഡിറ്റ്​ അതോറിറ്റി, അക്കൗണ്ട്​സ്​ അല്ലെങ്കിൽ ഫിനാൻസിൽ ബിരുദം.

3. മെഡിക്കൽ ലബോറട്ടറി ടെക്​നോളജിസ്​റ്റ്​, ദുബൈ ആരോഗ്യവകുപ്പ്​, ബി.എസ്​സി ബിരുദവും മൂന്നുവർഷ പരിചയവും.

4. അസി. മെഡിക്കൽ ഫിസിസിസ്​റ്റ്​- ദുബൈ ആശുപത്രി, ദുബൈ ആരോഗ്യ വകുപ്പ്​, ബന്ധപ്പെട്ട മേഖലയിൽ ബിരുദാനന്തര ബിരുദം.

5. ഒബ്​സ്ടെ​ട്രിക്​സ്​ ആൻഡ്​ ഗൈനക്കോളജി - സ്പെഷലിസ്​റ്റ്​ സീനിയർ രജിസ്ട്രാർ, ദുബൈ ആരോഗ്യ വകുപ്പ്​, അംഗീകൃത മെഡിക്കൽ സ്​കൂളിൽ നിന്നുള്ള ബിരുദം.

6. സീനിയർ സ്​പെഷലിസ്​റ്റ്​, ദുബൈ ആരോഗ്യ വകുപ്പ്​, ബിരുദാനന്തര ബിരുദവും ഹെൽത്ത് പോളിസി, ഹെൽത്ത് കെയർ അഡ്​മിനിസ്ട്രേഷൻ, പബ്ലിക് ഹെൽത്ത്, ഹെൽത്ത് സയൻസസ് അല്ലെങ്കിൽ അനുബന്ധ മേഖലകളിൽ എട്ടു വർഷത്തിലേറെ പരിചയം.

7. സൈക്കോളജി പ്രാക്​ടീഷണർ - ദുബൈ ഡയബറ്റിസ് സെൻറർ, ദുബൈ ആരോഗ്യ വകുപ്പ്​, സൈക്കോളജിയിൽ ബിരുദാനന്തര ബിരുദം.

8. ഫാമിലി മെഡിസിൻ - സ്പെഷലിസ്​റ്റ്​ രജിസ്ട്രാർ - മെഡിക്കൽ ഫിറ്റ്നസ്, ദുബൈ ആരോഗ്യ വകുപ്പ്​, അംഗീകൃത മെഡിക്കൽ സ്​കൂളിൽ നിന്നുള്ള ബിരുദം അല്ലെങ്കിൽ തത്തുല്യമായത്​.

9. സീനിയർ സ്പെഷലിസ്​റ്റ്​- നെറ്റ്‌വർക്​ ആൻഡ്​ സെക്യൂരിറ്റി, സ്​മാർട്ട്​​ ദുബൈ ഗവൺമെൻറ്​, കമ്പ്യൂട്ടർ സയൻസ്, ഐ.ടി എന്നിവയിൽ ബിരുദം അല്ലെങ്കിൽ നെറ്റ്‌വർക് സുരക്ഷയിൽ തത്തുല്യമായ സർട്ടിഫിക്കേഷൻ.

10. മെഡിക്കൽ ലബോറട്ടറി ടെക്​നോളജിസ്​റ്റ്​-ഹത്ത ആശുപത്രി, ദുബൈ ആരോഗ്യ വകുപ്പ്​, ബി.എസ്​സി ബിരുദവും മൂന്നുവർഷ പരിചയവും.

11. ക്ലിനിക്കൽ ഡയറ്റീഷ്യൻ - ഹത്ത ആശുപത്രി, ദുബൈ ആരോഗ്യ വകുപ്പ്​, ബിരുദം.

12. ഫാമിലി മെഡിസിൻ - സ്പെഷലിസ്​റ്റ്​ രജിസ്ട്രാർ - ഹത്ത ആശുപത്രി, ദുബൈ ആരോഗ്യ വകുപ്പ്​, അംഗീകൃത മെഡിക്കൽ സ്​കൂളിൽ നിന്ന്​ ബിരുദം അല്ലെങ്കിൽ തത്തുല്യ യോഗ്യത.

13. റേഡിയോഗ്രാഫർ, ദുബൈ ആരോഗ്യവകുപ്പ്​, അംഗീകൃത സർവകലാശാലയിൽ നിന്ന് റേഡിയോഗ്രഫിയിൽ ബിരുദം അല്ലെങ്കിൽ ഉയർന്ന ഡിപ്ലോമ.

14. സ്​റ്റാഫ് നഴ്​സ്​ - അൽ മംസാർ ആരോഗ്യ കേന്ദ്രം, ദുബൈ ആരോഗ്യവകുപ്പ്​, ബി‌.എസ്‌സി അല്ലെങ്കിൽ നഴ്‌സിങ്ങിൽ തത്തുല്യയോഗ്യതയും ഡി.എച്ച്.എ ലൈസൻസിങ്ങിന് യോഗ്യതയും 2 വർഷത്തെ പരിചയവും.

15. ആളില്ലാ ഏരിയൽ വെഹിക്കിൾ സിസ്​റ്റം സീനിയർ സ്പെഷലിസ്​റ്റ്​, ദുബൈ സിവിൽ ഏവിയേഷൻ വകുപ്പ്​, ഇലക്ട്രോണിക്​സിൽ 7 വർഷത്തെ പരിചയം, വിവിധ തലങ്ങളിൽ ടെലികോം എൻജിനീയർ; 3 വർഷം മാനേജർ / സൂപ്പർവൈസറി സ്ഥാനത്ത്​ പ്രവർത്തിച്ചിരിക്കണം. അറബിയിലും ഇംഗ്ലീഷിലും നന്നായി സംസാരിക്കാനറിയണം.