പ്രവേശന വിലക്ക് പിൻവലിക്കാനൊരുങ്ങി കുവൈറ്റ്; വാക്സിന് സ്വീകരിച്ച വിദേശികള്ക്ക് ഓഗസ്റ്റ് ഒന്ന് മുതല് രാജ്യത്ത് പ്രവേശിക്കാം
കോവിഡ് വ്യാപനത്തെത്തുടര്ന്ന് ഇന്ത്യയുള്പ്പെടെയുള്ള രാജ്യങ്ങള്ക്ക് ഏര്പ്പെടുത്തിയ പ്രവേശന വിലക്ക് കുവൈറ്റ് നീക്കുന്നു. വാക്സിന് സ്വീകരിച്ച കുവൈറ്റ് താമസ വീസയുള്ള വിദേശികള്ക്ക് ഓഗസ്റ്റ് ഒന്ന് മുതല് രാജ്യത്തേക്ക് പ്രവേശിക്കാം.
കുവൈത്ത് അംഗീകരിച്ച വാക്സിന് സ്വീകരിച്ചവര്ക്കാണ് ഉപാധികളോടെ രാജ്യത്തേക്ക് വരാന് അനുമതിയുള്ളത്. ഫൈസര്, ആസ്ട്രസെനക, മൊഡേണ, ജോണ്സണ് ആന്ഡ് ജോണ്സണ് എന്നിവയാണ് കുവൈത്ത് അംഗീകരിച്ച വാക്സിനുകള്. ഈ വാക്സിന്റെ രണ്ട് ഡോസും എടുത്തവര്ക്കാണ് കുവൈറ്റ് പ്രവേശനനാനുമതി നല്കിയിരിക്കുന്നത്. അതേസമയം, ഭാരത് ബയോടെക്കിന്റെ കൊവാക്സിന് കുവൈറ്റ് അംഗീകാരം നല്കിയിട്ടില്ല. ഈ വാക്സിന് എടുത്തവര്ക്ക് കുവൈറ്റിലേക്ക് പ്രവേശിക്കാന് അനുമതിയില്ല.
https://www.facebook.com/Malayalivartha