പ്രവാസികള്ക്ക് ആശ്വാസമായി പ്രവേശന വിലക്ക് നീക്കി കുവൈത്ത് മന്ത്രാലയം
കോവിഡ് പശ്ചാത്തലത്തില് ഏര്പ്പെടുത്തിയ പ്രവേശന വിലക്കിന് ഇളവ് നല്കി കുവൈത്ത് മന്ത്രാലയം. ഓഗസ്റ്റ് ഒന്ന് മുതല് വിദേശികള്ക്കുള്ള പ്രവേശന വിലക്ക് നിയന്ത്രണങ്ങളോടെ നീക്കുകയാണന്ന് മന്ത്രിസഭ അറിയിച്ചു. വാക്സിന് സ്വീകരിച്ച കുവൈത്ത് താമസ വിസയുള്ള വിദേശികള്ക്ക് ഓഗസ്റ്റ് ഒന്ന് മുതല് രാജ്യത്തേക്ക് പ്രവേശനാനുമതിയുണ്ട്. കുവൈത്ത് അംഗീകരിച്ച വാക്സിന് സ്വീകരിച്ചവര്ക്കാണ് ഉപാധികളോടെ രാജ്യത്തേക്ക് വരാന് അനുമതിയുള്ളത്. ഇന്ത്യയില് വിതരണം ചെയ്യുന്ന ആസ്ട്രാസെനക വാക്സിന് കുവൈത്ത് അംഗീകാരം നല്കിയിട്ടുണ്ട്. എന്നാല് ഇന്ത്യയില് നല്കുന്ന കൊവാക്സിന് കുവൈത്ത് അംഗീകാരം നല്കിയിട്ടില്ല.
ഫൈസര്, ആസ്ട്രസെനക, മൊഡേണ, ജോണ്സണ് ആന്ഡ് ജോണ്സണ് എന്നിവയാണ് കുവൈത്ത് അംഗീകരിച്ച വാക്സിനുകള്. ഇന്ത്യ ഉള്പ്പെടെയുള്ള രാജ്യക്കാര്ക്ക് കഴിഞ്ഞ ഒന്നര വര്ഷമായി ഏര്പ്പെടുത്തിയിരിക്കുന്ന വിലക്കാണ് കുവൈത്ത് മന്ത്രിസഭ നീക്കുന്നത്.
https://www.facebook.com/Malayalivartha