ഗൾഫ് രാഷ്ട്രങ്ങളെല്ലാം ഇന്ത്യയ്ക്ക് വിലക്ക് കല്പിച്ചപ്പോൾ ഏറെ ആശ്വാസമായിരുന്ന ഒരു വഴിയായിരുന്നു ബഹ്‌റൈൻ. എന്നാൽ രണ്ടാം തരംഗം റിപ്പോർട്ട് ചെയ്ത പശ്ചാത്തലത്തിൽ വിവിധ രാജ്യങ്ങളെ റെഡ് ലിസ്റ്റിൽ ഉൾപ്പെടുത്തി ബഹ്‌റൈൻ കഴിഞ്ഞ ദിവസം അറിയിപ്പ് പുറപ്പെടുവിച്ചിരുന്നു. ഇതിൽ ഒത്തിരിപേരുടെ യാത്ര നിലയ്ക്കുകയായിരുന്നു. ഇപ്പോഴിതാ നിർണായക പ്രഖ്യാപനവുമായി ബഹ്‌റൈൻ എത്തിയിരിക്കുകയാണ്....

വിവിധ രാജ്യങ്ങളിൽ നിന്നും ബഹ്റൈനിൽ പ്രവേശിക്കുന്നതിനുള്ള നിബന്ധനകൾ പുതുക്കി നിശ്ചയിച്ചിരിക്കുകയാണ് അധികൃതർ. ബഹ്റൈനിലേക്കുള്ള പുതുക്കിയ യാത്രാ നിബന്ധനകൾ ജൂൺ 25 മുതലാണ് നിലവിൽ വരുന്നത്. ഇന്ത്യ, ബംഗ്ലാദേശ്, പാകിസ്താൻ, ശ്രീലങ്ക, നേപ്പാൾ, വിയറ്റ്നാം എന്നീ റെഡ് ലിസ്റ്റിലുള്ള രാജ്യങ്ങളിൽനിന്ന് വരുന്നവർക്കുള്ള യാത്രാ നിബന്ധനകൾ മാറ്റമില്ലാതെ തന്നെ തുടരുന്നതാണ്.

ആയതിനാൽ തന്നെ ഈ രാജ്യങ്ങളിൽനിന്ന് പ്രവേശനം ബഹ്റൈൻ പൗരൻമാർ, ബഹ്റൈനിൽ റസിഡൻസ് വിസയുള്ളവർ, ബഹ്റൈൻ പൗരന്മാർ എന്നിവർക്ക് മാത്രമാക്കി പരിമിതപ്പെടുത്തിയ നിബന്ധനക്ക് മാറ്റമില്ല. ഇവിടങ്ങളിൽ നിന്ന് വരുന്ന യാത്ര പുറപ്പെടുന്നതിന് മുമ്പ് 48 മണിക്കുറിനുള്ളിൽ നടത്തിയ കോവിഡ് പി.സി.ആർ ടെസ്റ്റിൻറ നെഗറ്റീവ് സർട്ടിഫിക്കറ്റ് ഹാജരാക്കേണ്ടതാണ്. ആറ് വയസിന് മുകളിലുള്ളവർക്ക് ഇത് ബാധകമാണ് .സർട്ടിഫിക്കറ്റിൽ ക്യൂ.ആർ കോഡ് നിർബന്ധമായും ഉണ്ടായിരിക്കണം.

ഇതുകൂടാതെ എല്ലാ യാത്രക്കാരും വിമാനത്താവളത്തിൽ എത്തുേമ്പാഴും തുടർന്ന് 10ാം ദിവസവും പി.സി.ആർ പരിശോധന നടത്തണം കോവിഡ് പരിശോധനക്കുള്ള 24 ദിനാർ ബി അവെയർ ആപ്പ്, ബഹ്റൈൻ ഇ-ഗവൺമെൻറ് പോർട്ടൽ എന്നിവ വഴിയോ വിമാനത്താവളത്തിലെ കിേയാസ്കിൽ കറൻസിയിലോ കാർഡ് വഴിയോ അടക്കാം. 14 ദിവസത്തിനിടെ റെഡ് ലിസ്റ്റ് രാജ്യങ്ങൾ വഴി യാത്ര ചെയ്തവർക്കും പ്രവേശനമുണ്ടാവില്ല.

10 ദിവസത്തെ നിർബന്ധ ക്വാറൻറീനും തുടരും . സ്വന്തം പേരിലോ നേരിട്ട് ബന്ധമുള്ള കുടുംബാംഗത്തിെൻറ പേരിലോ ഉള്ള താമസ സ്ഥലത്തോ എൻ.എച്ച്.ആർ.എ അംഗീകരിച്ച ക്വാറൻറീൻ കേന്ദ്രത്തിലോ ആയിരിക്കണം ക്വാറൻ്റീൻ. ആറ് വയസിൽ താഴെയുള്ളവർക്ക് ഇളവുണ്ട്. കോവിഡ് വാക്സിൻ എടുത്തവരും എടുക്കാത്തവരും ഉൾപ്പെടെയുള്ള യാത്രക്കാർക്ക് ഈ നിബന്ധനകൾ ബാധകമായിരിക്കും. റെഡ് ലിസ്റ്റിൽ പെടാത്ത രാജ്യങ്ങളിൽനിന്ന് വരുന്നവർക്ക് യാത്ര പുറപ്പെടുന്നതിന് 72 മണിക്കൂറിനുള്ളിൽ നടത്തിയ കോവിഡ് പി.സി.ആർ പരിശോധനയുടെ നെഗറ്റീവ് സർട്ടിഫിക്കറ്റാണ് ഹാജരാക്കേണ്ടത്.