10 നഗരങ്ങളിലേക്ക് യാത്രക്കാർക്കായി എമിറേറ്റ്സ് ഒരുക്കുന്നത്! കൊവിഡുമായി ബന്ധപ്പെട്ട വിവരങ്ങള്‍ ലഭ്യമാകുന്ന അയാട്ട ട്രാവല്‍ പാസ് സൗകര്യമൊരുക്കി എമിറേറ്റ്സ് എയര്‍ലൈന്‍സ്, യാത്ര ചെയ്യുന്നവർ അറിഞ്ഞിരിക്കണം
കൊറോണ വ്യാപനത്തിന്റെ പശ്ചാത്തലത്തിൽ യാത്രക്കാർക്കായി കൂടുതൽ സ്വകാര്യങ്ങൾ ഒരുക്കുകയാണ് ഗൾഫ് രാഷ്ട്രങ്ങൾ. നിശ്ചലമായ യാത്രകൾ എല്ലാം തന്നെ പുനഃരുജ്ജീവിപ്പിക്കുക എന്നത്ഏവരുടെയും വലിയ ലക്ഷ്യമാണ്. അതിനായി എമിറേറ്റ്സ് ഒരു പുത്തൻ വിദ്യ ഒരുക്കുകയാണ്....
10 നഗരങ്ങളിലേക്ക് പറക്കുന്ന യാത്രക്കാര്‍ക്ക് കൊവിഡുമായി ബന്ധപ്പെട്ട വിവരങ്ങള്‍ ലഭ്യമാകുന്ന അയാട്ട ട്രാവല്‍ പാസ് സൗകര്യമൊരുക്കി എമിറേറ്റ്സ് എയര്‍ലൈന്‍സ് രംഗത്ത്. ഇതിനുപിണാലെ അടുത്ത ആഴ്ചകളില്‍ തന്നെ എമിറേറ്റ്‌സിന്റെ മറ്റു റൂട്ടുകളിലേക്കും സംവിധാനം വ്യാപിപ്പിക്കുന്നതാണ്. ഇതോടൊപ്പം യാത്രക്കാര്‍ക്ക് കൂടുതല്‍ സൗകര്യമൊരുക്കുന്നതിനായി യുഎഇയുടെ കൊവിഡ് പ്രതിരോധ മൊബൈല്‍ ആപ്പ് ആയ അല്‍ ഹുസ്നുമായി എയര്‍ലൈന്‍സിന്റെ ചെക്ക്-ഇന്‍ സംവിധാനം ബന്ധിപ്പിക്കുമെന്നും എമിറേറ്റ്സ് അറിയിക്കുകയുണ്ടായി.
ദുബായില്‍ നിന്ന് ലണ്ടന്‍, ബാഴ്സലോണ, മാഡ്രിഡ്, ഇസ്താംബൂള്‍, ന്യൂയോര്‍ക്ക്, മോസ്‌ക്കോ, ഫ്രാങ്ക്ഫര്‍ട്ട്, ചാള്‍സ് ഡിഗോള്‍, ആംസ്റ്റര്‍ഡാം എന്നീ നഗരങ്ങളിലേക്ക് പറക്കുന്നവര്‍ക്ക് അയാട്ട ട്രാവല്‍ പാസ് ആദ്യപടിയെന്നോണം ഉപയോഗിക്കാം. പിസിആര്‍ പരിശോധനാ ഫലം, ടെസ്റ്റ് നടത്തിയ തീയതി, സമയം, ലാബ്, കൊവിഡ് പ്രതിരോധ വാക്‌സിനേഷനുമായി ബന്ധപ്പെട്ട വിവരങ്ങള്‍ തുടങ്ങി കൊവിഡുമായി ബന്ധപ്പെട്ട യാത്രാ വിവരങ്ങള്‍ അടങ്ങിയ രേഖകള്‍ അയാട്ടയുടെ ട്രാല്‍ പാസില്‍ ഉൾപ്പെടുത്തിയിട്ടുണ്ട്. യാത്ര ചെയ്യുന്ന നഗരങ്ങളിലെ കൊവിഡ് ടൈസ്റ്റ് ലാബുകളെ കുറിച്ചുള്ള വിവരങ്ങളും ഇതില്‍ ലഭ്യമാകുന്നതാണ്.
അതോടൊപ്പം തന്നെ അയാട്ട ട്രാവല്‍ പാസ് ഡൗണ്‍ലോഡ് ചെയ്യുന്നത് സംബന്ധിച്ചുള്ള നിര്‍ദേശങ്ങളും ആക്ടിവേഷന്‍ കോഡും ഉള്‍പ്പെട്ട ഇമെയിലും എസ്എംഎസും എമിറേറ്റ്സ് യാത്രക്കാര്‍ക്ക് ലഭിക്കുന്നതായിരിക്കും. ഐഒഎസിലും ആന്‍ഡ്രോയിഡിലും ട്രാവല്‍ പാസ് ആപ്പ് ലഭ്യമാണെന്നും അധികൃതര്‍ അറിയിച്ചു. സ്മാര്‍ട്ട് ഫോണില്‍ ട്രാവല്‍ പാസ് ലഭ്യമാവുന്നതോടെ കൊവിഡ് നെഗറ്റീവ് സര്‍ട്ടിഫിക്കറ്റ്, വാക്‌സിനേഷന്‍ സര്‍ട്ടിഫിക്കറ്റ് തുടങ്ങിയ രേഖകളുടെ പ്രിന്റ് ചെയ്ത കോപ്പിയോ സോഫ്റ്റ് കോപ്പിയോ കൈയില്‍ കരുതേണ്ടതായി വരില്ല. പകരം ട്രാവല്‍ പാസിലെ ഇതുമായി ബന്ധപ്പെട്ട വിവരങ്ങള്‍ മതിയാവും. അയാട്ടയുമായും മറ്റും ചേര്‍ന്ന് എമിറേറ്റ്സ് നടത്തിയ ട്രാവല്‍ പാസിന്റെ ട്രയല്‍ റണ്‍ വന്‍ വിജയമായിരുന്നുവെന്നും അധികൃതര്‍ അറിയിക്കുകയുണ്ടായി.
കൊവിഡ് കാലത്ത് യാത്രാ രേഖകള്‍ പരിശോധിക്കുമ്പോഴുണ്ടാകുന്ന സമ്പര്‍ക്കം ഒഴിവാക്കാനും ഡിജിറ്റലായി ഇവ പരുശോധിക്കുന്നതിനുമുള്ള സംവിധാനം എമിറേറ്റ്സ് കാര്യക്ഷമമായി നടപ്പാക്കി വരുന്നതായി ചീഫ് ഓപറേറ്റിംഗ് ഓഫീസര്‍ ആദില്‍ അല്‍ റിദ മാധ്യമങ്ങളോട് പറഞ്ഞു. ഇതിന്റെ ഭാഗമായാണ് അയാട്ട ട്രാവല്‍ പാസും യുഎഇ ഹെല്‍ത്ത് ഡാറ്റാബേസും ഉപയോഗപ്പെടുത്തുന്നതെന്നും അദ്ദേഹം അറിയിച്ചത്. എമിറേറ്റ്സ് ചെക്ക്-ഇന്‍ സംവിധാനവുമായി അല്‍ഹുസ്ന്‍ ആപ്പ് ബന്ധിപ്പിക്കുന്നതോടെ യുഎഇയില്‍ നിന്ന് പോകുന്ന യാത്രക്കാര്‍ക്ക് കൊവിഡ് മെഡിക്കല്‍ രേഖകളുടെ ഡിജിറ്റല്‍ പകര്‍പ്പ് എളുപ്പത്തില്‍ ലഭ്യമാവും. അതേസമയം, ഡാറ്റാ സുരക്ഷ ഉറപ്പുവരുത്തുന്നതിനുള്ള എല്ലാ നടപടികളും എമിറേറ്റ്സ് കൈക്കൊണ്ടതായും അദ്ദേഹം പറയുകയുണ്ടായി.
https://www.facebook.com/Malayalivartha
