സൗദിയില്‍ 1,177പേര്‍ക്ക് കൂടി കോവിഡ് സ്ഥിരീകരിച്ചു.1,516 രോഗമുക്തിയും റിപ്പോര്‍ട്ട് ചെയ്തു. ഇതോടെ രാജ്യത്താകെ കോവിഡ് രോഗികളുടെ എണ്ണം 5,00,083 ഉം ആകെ രോഗമുക്തരുടെ എണ്ണം 4,81,225 ഉം ആയി. രോഗബാധിതരില്‍ ഇന്ന് 16 മരണങ്ങളും റിപ്പോര്‍ട്ട് ചെയ്തു. ഇതോടെ ആകെ മരിച്ചവരുടെ എണ്ണം 7,963 ആയി.

വിവിധ ആശുപത്രികളിലും മറ്റുമായി കോവിഡ് ചികിത്സയിലുള്ളവരുടെ എണ്ണം 10,895 ആയി കുറഞ്ഞു. ഇവരില്‍ 1,395 പേരുടെ നില ഗുരുതരമാണ്.ചികിത്സയില്‍ കഴിയുന്ന ബാക്കിയുള്ളവരുടെ ആരോഗ്യസ്ഥിതി തൃപ്തികരമാണ്. രാജ്യത്തെ കോവിഡ് മുക്തി നിരക്ക് 96.22 ശതമാനവും മരണനിരക്ക് 1.60 ശതമാനവുമാണ്.