കൊറോണ വ്യാപനം [പിടിച്ചുകെട്ടാൻ കർശന നിയന്ത്രണങ്ങളുമായി സൗദി അറേബ്യ രംഗത്ത്. സൗദിയിൽ ആഗസ്​റ്റ്​ ഒന്ന്​ മുതൽ വിവിധ സ്​ഥാപനങ്ങൾ, പരിപാടികൾ എന്നിവയിലേക്ക്​ പ്രവേശിക്കുന്നതിനും പൊതുഗതാഗതം ഉപയോഗപ്പെടുത്തുന്നതിനും കോവിഡ്​ വാക്​സിൻ നിർബന്ധമാക്കുമെന്ന്​ ആഭ്യന്തര മന്ത്രാലയം വ്യക്തമാക്കിയിരിക്കുകയാണ്. അതോടൊപ്പം സൗദിയുടെ തീരുമാനത്തിലുൾപ്പെട്ട സ്​ഥാപനങ്ങളും പരിപാടികളും ഇവയാണ്​.

സാമ്പത്തിക, വാണിജ്യ, സാംസ്​കാരിക, വിനോദ, കായിക തൊഴിൽ മേഖലകൾ. സാംസ്​കാരിക, ശാസ്​ത്രീയ, സാമൂഹിക അല്ലെങ്കിൽ വിനോദ പരിപാടികൾ. പൊതു, സ്വകാര്യ സ്ഥാപനങ്ങൾ (ജോലിക്കെത്തുന്നവർക്കും നടപടികൾ പൂർത്തിയാക്കാൻ വരുന്നവർക്കും ബാധകം). പൊതു, സ്വകാര്യ വിദ്യാഭ്യാസ സ്ഥാപനങ്ങൾ. പൊതു ഗതാഗതം ഉപയോഗപ്പെടുത്തൽ എന്നിങ്ങനെയുള്ളതിലൊക്കെയും വാക്‌സിൻ സ്വീകരിച്ചവർക്ക് മാത്രമായിരിക്കും അനുമതി നൽകുക.

അതോടൊപ്പം തന്നെ മുൻകരുതൽ നടപടികൾ പാലിക്കുന്നതോടൊ​പ്പം വാക്​സിൻ നിർബന്ധമാക്കിയ സ്ഥലങ്ങളിൽ പ്രവേശിക്കു​മ്പോൾ തവൽക്കന ആപ്ലിക്കേഷനിലെ ആരോഗ്യ സ്​റ്റാറ്റസ്​ ബന്ധപ്പെട്ടവരെ കാണിക്കണമെന്നും പൗരന്മാരോടും രാജ്യത്തെ താമസക്കാ​രോട്​ ആഭ്യന്തര മന്ത്രാലയം ആവശ്യപ്പെടുകയുണ്ടായി.