കടലിൽ വാട്ടർ ജെറ്റിൽ അഭ്യാസം നടത്തുന്നതിനിടെ വമ്പൻ അപകടം! സുഹൃത്തിനെ രക്ഷിക്കാൻ പാഞ്ഞെത്തിയ ഷെയ്ഖ് ഹംദാന് ലോകജനതയുടെ ആധരം, അപകടത്തിൽ നിന്ന് രക്ഷപ്പെട്ട നെയാദിയെ കെട്ടിപിടിച്ച് ആശ്വസിപ്പിച്ച് കിരീടാവകാശി, വൈറലായി വീഡിയോ
ഒരു ഭരണാധികാരിക്ക് ഇങ്ങനെയൊക്കെ ആകുവാൻ സാധിക്കുമോ? എളിമയുടെയും ലാളിത്യത്തിന്റെയും കരുതലിന്റെയും മുഖമായി മാറിയ ചുരുക്കം ചില ഭരണാധികാരികളെ മാത്രമേ നമുക്ക് കാണുവാൻ സാധിക്കുകയുകള്ളൂ. ഒരുമിച്ച് നിന്ന് ഒരു നാടിനെ വളർച്ചയുടെ പാതയിലേക്ക് നയിക്കുന്നതോടൊപ്പം മറ്റുള്ളവരെയും സഹായിക്കുന്നവർ. അതിൽ എന്നും പേരുകേട്ടവരാണ് യുഎഇ ഭരണാധികാരികൾ. ഇവരെപ്പറ്റിയുള്ള പല വാർത്തകളും വൈറലായി മാറാറുണ്ട്. എന്നാൽ ഇത് അത്തരത്തിൽ ഒരു ചെറിയ വാർത്തയല്ല....
യുണൈറ്റഡ് അറബ് എമിറേറ്റിലെ ദുബായിലെ കിരീടാവകാശിയാണ് ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം. അറബിയിൽ "സഹായിക്കുന്നവൻ" എന്നർത്ഥം വരുന്ന അദ്ദേഹത്തിന്റെ കവിത പ്രസിദ്ധീകരിക്കുന്ന പേരിലാണ് അദ്ദേഹം ഫാസ എന്നറിയപ്പെടുന്നത്. ഒരു കുതിരസവാരി എന്ന നിലയിൽ, ലോക കുതിരസവാരി ഗെയിമിലെ മൾട്ടിപ്പിൾ ലോക ചാമ്പ്യനാണ് മക്തൂം. കായികമേഖലയിൽ അത്രമേൽ കമ്പം. ദുബായുടെ കാഴ്ചകളെ മാറ്റിമറിക്കാൻ, ലോകം മുഴുവനെയും ദുബായിലേക്ക് കൊണ്ടുവരാൻ അദ്ദേഹത്തിന്റെ കാഴ്ചപ്പാടുകൾ അത്രമേൽ വലുതാകുന്നു.
അങ്ങനെ ലോകത്തിലെ മികച്ച ഭരണാധികാരികളിൽ ഒരാളായ പിതാവ് ഷെയ്ഖ് മുഹമ്മദ് ബിൻ റാഷിദ് അൽ മക്തുമിന്റെ അതേ പാത പിന്തുടർന്ന് മാതൃകയാവുകയാണ്. കഴിഞ്ഞ ദിവസം സമൂഹമാധ്യമങ്ങളിൽ ഒരു വീഡിയോ വൈറലായി മാറുകയുണ്ടായി. വിഡിയോയിൽ പൊടുന്നനെ പ്രത്യക്ഷപ്പെട്ട മുഖം കണ്ട് അക്ഷരാർത്ഥത്തിൽ ഞെട്ടിയിരിക്കുകയാണ് പ്രവാസികൾ.
സോഷ്യല് മീഡിയയ്ക്ക് ഏറെ പ്രിയങ്കരനാണ് ദുബൈ കിരീടാവകാശിയും ദുബൈ എക്സിക്യൂട്ടീവ് കൗണ്സില് ചെയര്മാനുമായ ഷെയ്ഖ് ഹംദാന് ബിന് മുഹമ്മദ് ബിന് റാഷിദ് അല് മക്തൂം. സാഹസികത ഏറെ ഇഷ്ടപ്പെടുന്ന ഷെയ്ഖ് ഹംദാന്റെ സഹജീവികളോടുള്ള കരുതലും നിരവധി തവണ സാമൂഹിക മാധ്യമങ്ങളില് പ്രശംസ നേടിയിട്ടുണ്ട്. സഹായിക്കാൻ ഓടിയെത്തുന്നവൻ എന്നർഥം വരുന്ന ഫസ എന്ന വിളിപേര് വെറുതെയല്ലെന്ന് ഒരിക്കൽ കൂടി തെളിയിക്കുകയാണ് ദുബൈ കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാശിദ് ആൽ മക്തൂം. കടലില് അപകടത്തില്പ്പെട്ട സുഹൃത്തിനെ ഒരു നിമിഷം പോലും ആലോചിക്കാതെ പാഞ്ഞെത്തി രക്ഷിക്കുന്ന ഷെയ്ഖ് ഹംദാന്റെ വീഡിയോയാണ് ഇപ്പോള് സോഷ്യല് മീഡിയയില് വൈറലാകുന്നത് .
വാട്ടർ ജെറ്റിൽ അഭ്യാസം നടത്തുന്നതിനിടെയാണ് സ്കൈ ഡൈവറും സാഹസീകനുമായ നാസർ അൽ നെയാദി ഇത്തരത്തിൽ അപകടത്തിൽപെട്ടത്. വാട്ടർജെറ്റ്പാക്കിങ് നടത്താൻ ശ്രമിക്കുന്നതിനിടെ വാട്ടർ ജെറ്റിന്റെ നിയന്ത്രണം നഷ്ടപ്പെട്ട് അപകടമുണ്ടാകുകയായിരുന്നു. ഈ സമയം സമീപത്തുണ്ടായിരുന്ന ഷെയ്ഖ് ഹംദാനും സുഹൃത്തുക്കളും ഓടിയെത്തി രക്ഷാപ്രവർത്തനം നടത്തുകയായിരുന്നു. വെള്ളത്തിൽ ശക്തിയായി കുതിച്ചുനീങ്ങിയ വാട്ടർജെറ്റിനെ ഇവർ ചേർന്ന് പിടിച്ചുനിർത്തുകയായിരുന്നു അദ്ദേഹം.
പിന്നാലെ അപകടത്തിൽ നിന്ന് രക്ഷപ്പെട്ട നെയാദിയെ ഷെയ്ഖ് ഹംദാൻ കെട്ടിപിടിച്ച് ആശ്വസിപ്പിക്കുന്നതും വീഡിയോയിൽ കാണാം. ഇൻസ്റ്റഗ്രാമിൽ പോസ്റ്റ് ചെയ്ത വീഡിയോ മണിക്കൂറുകൾക്കം ലക്ഷങ്ങളാണ് കണ്ടതും ലൈക്ക് അടിച്ചതും. ഷെയ്ഖ് ഹംദാെൻറ സാഹസീകത ലോകം പലതവണ കണ്ടതാണ്. ബുർജ് ഖലീഫയുടെ ഏറ്റവും മുകളിൽ കയറിയും സ്കൈ ഡൈവിങ് നടത്തിയും ഹംദാൻ ലോകത്തെ വിസ്മയിപ്പിച്ചിരുന്നു.
https://www.facebook.com/Malayalivartha