കഴിഞ്ഞ ദിവസം കുവൈറ്റ്‌ വിദേശ യാത്രക്കാർക്കുള്ള വിലക്കുകൾ നീക്കിയിരുന്നു. വിലക്ക് പിൻവലിച്ച ആദ്യ ദിവസം എത്തിച്ചേർന്നത് 3,518 യാത്രക്കാരാണ്. എന്നാൽ ഇന്ത്യ ഉൾപ്പെടെ 5 രാജ്യങ്ങളിൽ നിന്നുള്ള യാത്രക്കാർക്ക് നേരിട്ടു പ്രവേശനമില്ലാത്തതിനാൽ ആ ബുദ്ധിമുട്ട് തുടരുകയാണ്.

ആദ്യ ദിവസം മൊത്തം 88 വിമാന സർവീസുകളിൽ 42 സർവീസുകൾ രാജ്യത്തിനു പുറത്തേക്ക് നടന്നു. 46 സർവീസുകൾ വിവിധ രാജ്യങ്ങളിൽ കുവൈത്തിലേക്ക് എത്തുകയുണ്ടായി .

പക്ഷെ ആരോഗ്യ മന്ത്രാലയ മാനദണ്ഡങ്ങൾ അനുസരിക്കാതെ എത്തിയ ചില യാത്രക്കാരെ അതേ വിമാനങ്ങളിൽ മടക്കി അയച്ചു. ഡി.ജി.സി.എ അധികൃതർ ആണ് ഈ വിവരങ്ങൾ പുറത്തു വിട്ടത്.

എന്നാൽ കുവൈത്തിലേക്ക് വിദേശികൾക്കെത്താൻ സാധിച്ചതോടെ വലിയ സന്തോഷത്തിലാണ് ഇവർ. കാരണം മാസങ്ങൾക്ക് ശേഷമാണ് ഇവർക്ക് ഇവിടേക്ക് എത്താൻ സാധിച്ചത്.

ആദ്യ ദിവസം എത്തിയവരിൽ ഭൂരിഭാഗവും ലബനൻ, ജോർഡൻ, മറ്റ് അറബ് രാജ്യങ്ങൾ, കൂടാതെ യൂറോപ്യൻ രാജ്യങ്ങൾ എന്ന സ്ഥലങ്ങളിൽ നിന്നുള്ളവരായിരുന്നു.

അതേസമയം ഇന്ത്യയിൽ നിന്ന് നേരിട്ടുള്ള വിമാനസർവീസുകൾ ഒട്ടും താമസിയാതെ തുടങ്ങുമെന്ന് വ്യോമയാന വകുപ്പ് മേധാവി എൻജിനീയർ യൂസഫ് അൽ ഫൗസാൻ പറഞ്ഞു.