യുഎഇ.നിബന്ധനകളുടെ അടിസ്ഥാനത്തിൽ കോവിഡ് വാക്സിനേഷൻ സ്വീകരിച്ച താമസവിസയുള്ള ഇന്ത്യക്കാർക്ക് യു.എ.ഇ. യിലേക്ക് വ്യാഴാഴ്ച മുതൽ തിരിച്ചെത്താം; കുറഞ്ഞത് 14 ദിവസമെങ്കിലും യു.എ.ഇ. അംഗീകരിച്ച രണ്ട് ഡോസ് കോവിഡ് വാക്സിൻ സ്വീകരിച്ചിരിക്കണം
ഇന്ത്യക്കാർ അടക്കമുള്ള പ്രവാസികൾക്ക് സന്തോഷവാർത്തയുമായി യുഎഇ.നിബന്ധനകളുടെ അടിസ്ഥാനത്തിൽ കോവിഡ് വാക്സിനേഷൻ സ്വീകരിച്ച താമസവിസയുള്ള ഇന്ത്യക്കാർക്ക് യു.എ.ഇ. യിലേക്ക് വ്യാഴാഴ്ച മുതൽ തിരിച്ചെത്താവുന്നതാണ്. കുറഞ്ഞത് 14 ദിവസമെങ്കിലും യു.എ.ഇ. അംഗീകരിച്ച രണ്ട് ഡോസ് കോവിഡ് വാക്സിൻ സ്വീകരിച്ചിരിക്കണം.
48 മണിക്കൂറിനകമുള്ളകോവിഡ് പരിശോധനാ സർട്ടിഫിക്കറ്റ്,വാക്സിൻ സർട്ടിഫിക്കറ്റ്, എന്നിവ കയ്യിൽ കരുതണം. ഫെഡറൽ അതോറിറ്റി ഫോർ ഐഡന്റിറ്റി ആൻഡ് സിറ്റിസൺഷിപ്പ്, ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്സ് അഫയേഴ്സ് എന്നിവരിൽനിന്നും അനുമതി നേടിയിരിക്കണം.
പക്ഷേ സന്ദർശക വിസക്കാർക്ക് ഇപ്പോൾ പ്രവേശനാനുമതിയില്ല. ഇന്ത്യ പാകിസ്താൻ, ശ്രീലങ്ക, നേപ്പാൾ, നൈജീരിയ, യുഗാണ്ട എന്നീ രാജ്യങ്ങളിൽനിന്നുള്ളവർക്കാണ് പ്രവേശനാനുമതിയുള്ളത് . ചൊവ്വാഴ്ച യു.എ.ഇ. ദേശീയ ദുരന്ത നിവാരണ സമിതിയാണ് ഈ വിവരങ്ങൾ അറിയിച്ചിരിക്കുന്നത്. യു .എ.ഇ. വിതരണം ചെയ്യുന്ന ഫൈസർ, സിനോഫാം, സ്ഫുട്നിക് തുടങ്ങിയ വാക്സിനുകൾ സ്വീകരിച്ചവർക്കും രാജ്യത്തേക്ക് പ്രവേശിക്കാം.
കോവിഷീൽഡ് എന്നറിയപ്പെടുന്ന ആസ്ട്രനെ ക്ക വാക്സിൻ യു.എ.ഇ. അംഗീകരിച്ചതാണ് . ആർക്കൊക്കെ ഓഗസ്റ്റ് അഞ്ചുമുതൽ യു.എ.ഇ. യിലേക്ക് മടങ്ങാമെന്ന് നോക്കാം:യു.എ.ഇ. യിൽ ജോലി ചെയ്യുന്ന ഡോക്ടർമാർ, നഴ്സുമാർ, ടെക്നീഷ്യൻസ് എന്നിവരുൾപ്പെടുന്ന ആരോഗ്യ പ്രവർത്തകർ, യു.എ.ഇ. യിലെ സർവകലാശാലകൾ, കോളേജുകൾ, മറ്റ് വിദ്യാഭ്യാസ സ്ഥാപനങ്ങൾ എന്നിവിടങ്ങളിൽ പ്രവർത്തിക്കുന്നവർ, വിദ്യാർഥികൾ, മാനുഷിക പരിഗണന നൽകേണ്ടവരിൽ സാധുവായ താമസവിസയുള്ളവർ, ഫെഡറൽ, ലോക്കൽ ഗവ. ഏജൻസികളിൽ പ്രവർത്തിക്കുന്നവർ എന്നീ വിഭാഗങ്ങളിൽപ്പെട്ട എല്ലാവർക്കും മടങ്ങാം . ഇവരിൽ ഡോക്ടർമാർ, നഴ്സുമാർ, അധ്യാപകർ എന്നിവർക്ക് വാക്സിനേഷൻ നിർബന്ധമില്ല.
യു.എ.ഇ. ഇന്ത്യക്കാർക്ക് നേരിട്ട് പ്രവേശന വിലക്ക് ഏർപ്പെടുത്തിയത് ഏപ്രിൽ 24 മുതലായിരുന്നു. അതേ സമയം ഖത്തർ, അർമേനിയ എന്നിവിടങ്ങളിൽ രണ്ടാഴ്ച ക്വാറന്റീൻ പൂർത്തിയാക്കി പ്രവാസികൾ യു.എ.ഇ.യിലേക്ക് പ്രവേശിക്കുന്നുണ്ട്. അത്തരം യാത്രകൾക്ക് രണ്ടുലക്ഷം രൂപയോളം ചെലവ് വരും .
യു.എ.ഇ. നേരിട്ട് പ്രവേശനം അനുവദിച്ചതോടെ നാട്ടിൽ കുടുങ്ങിയ ആയിരക്കണക്കിന് പ്രവാസി മലയാളികൾക്ക് അടുത്ത ദിവസങ്ങളിൽതന്നെ യു.എ.ഇ.യിൽ മടങ്ങിയെത്താം എന്നത് ആശ്വാസകരമാണ്. കുട്ടികളുടെ പ്രവേശനം സംബന്ധിച്ച അവ്യക്തതകൾ തുടരുന്നു. നാട്ടിൽ കുട്ടികൾക്ക് വാക്സിൻ നൽകി തുടങ്ങിയിട്ടില്ലാത്തതിനാലാണ് ഈ കാര്യത്തിൽ സംശയങ്ങൾ തുടരുന്നത് .
https://www.facebook.com/Malayalivartha