ഇന്ത്യന് പ്രവാസികള്ക്കും യാത്ര ചെയ്യാന് അനുമതി നൽകി ബഹ്റൈൻ; നാളുകളായി കാത്തിരുന്ന പ്രവാസികളുടെ ആശങ്കകൾ അകലുകയാണ്, ബഹ്റൈനി പൗരന്മാര്ക്കും താമസ വിസയുള്ള പ്രവാസികള്ക്കും യാത്രാനുമതി
യുഎഇയ്ക്ക് പിന്നാലെ പ്രവാസികൾക്ക് യാത്രാനുമതി നൽകി ബഹ്റൈനും. നാളുകളായി കാത്തിരുന്ന പ്രവാസികളുടെ ആശങ്കകൾ അകലുകയാണ്. നാട്ടിൽ കുടുങ്ങിയ പ്രവാസികൾക്ക് ഇനിമുതൽ നിബന്ധനകളോടെ ഇവിടേക്ക് എത്താൻ സാധിക്കുന്നതാണ്....
ഇന്ത്യയുള്പ്പെടെ റെഡ് ലിസ്റ്റില് പെട്ട രാജ്യങ്ങളില് നിന്നുള്ള ബഹ്റൈനി പൗരന്മാര്ക്കും താമസ വിസയുള്ള പ്രവാസികള്ക്കും യാത്രാനുമതി നല്കിയിരിക്കുകയാണ് ബഹ്റൈന്. സിവില് ഏവിയേഷന് അഫയേഴ്സ് മന്ത്രാലയത്തെ ഉദ്ധരിച്ച് ബഹ്റൈന് ന്യൂസ് ഏജന്സിയാണ് ഇക്കാര്യം വ്യക്തമാക്കിയിരിക്കുന്നത്.
കൊവിഡ് പ്രതിരോധത്തിനായുള്ള നാഷണല് മെഡിക്കല് ടാസ്ക് ഫോഴ്സിന്റെ നിര്ദേശപ്രകാരം മൂന്ന് രാജ്യങ്ങളെ കൂടി റെഡ് ലിസ്റ്റില് ഉള്പ്പെടുത്തിയതായും ഗവണ്മെന്റ് എക്സിക്യൂട്ടീവ് കമ്മിറ്റി വ്യക്തമാക്കിയിട്ടുണ്ട്. ജോര്ജിയ, ഉക്രെയിന്, മലാവി എന്നീ രാജ്യങ്ങളെയാണ് പുതുതായി യാത്രാനിരോധനമുള്ള പട്ടികയില് ഉള്പ്പെടുത്തിയിരിക്കുന്നത്. ആഗസ്ത് 12 മുതലാണ് പുതിയ പട്ടിക നിലവില് വരിക.
നിലവില് ഇന്ത്യ, ബംഗ്ലാദേശ്, പാകിസ്താന്, ശ്രീലങ്ക, നേപ്പാള്, ഇറാന്, ഇന്തോനീഷ്യ, ഫിലിപ്പീന്സ്, മലേഷ്യ തുടങ്ങി 25 രാജ്യങ്ങളെയാണ് കൊവിഡ് വ്യാപനം രൂക്ഷമായതിനെ തുടര്ന്ന് റെഡ് ലിസ്റ്റ് രാജ്യങ്ങളില് ഉള്പ്പെടുത്തിയിരിക്കുന്നത്. ഈ രാജ്യങ്ങളില് നിന്നുള്ളവര്ക്കും 14 ദിവസത്തിനകം ഈ രാജ്യങ്ങള് സന്ദര്ശിച്ചവര്ക്കും ബഹ്റൈന് യാത്രാ വിലക്ക് ഏര്പ്പെടുത്തിയിട്ടുണ്ട്. എന്നാല് സ്വദേശികള്ക്കും റെസിഡന്സ് വിസയുള്ള പ്രവാസികള്ക്കും ഇതില് നിന്ന് ഇളവ് പ്രഖ്യാപിച്ചതായി ബഹ്റൈന് വാര്ത്താ ഏജന്സി അറിയിച്ചു.
അതേസമയം ഇവര് ക്യുആര് കോഡ് സഹിതമുള്ളതും യാത്രയുടെ 48 മണിക്കൂറിനുള്ളില് എടുത്തതുമായ പിസിആര് ടെസ്റ്റ് നെഗറ്റീവ് സര്ട്ടിഫിക്കറ്റ് കൈയില് കരുത്തിയിരിക്കണം. 10 ദിവസത്തെ ക്വാറന്റൈനും ഇവര്ക്ക് നിര്ബന്ധമാക്കിയിട്ടുണ്ട്. ബഹ്റൈനില് എത്തിയ ഉടമെയും പത്താം ദിവസവും വീണ്ടും ടെസ്റ്റ് നടത്തണം. ടെസ്റ്റിനുള്ള ഫീസ് വിമാനത്താവളത്തില് നേരിട്ടോ ബിഎവയര് ബഹ്റൈന് എന്ന ആപ്പിലോ അടക്കാവുന്നതാണ്.
ബഹ്റൈനില് സ്വന്തം പേരിലോ അടുത്ത ബന്ധുക്കളുടെ പേരിലോ താമസ സൗകര്യം ഉള്ളവര്ക്ക് 10 ദിവസത്തെ ഹോം ക്വാറന്റൈന് മതിയാവുന്നതാണ്. എന്നാല് സ്വന്തമായി താമസ സൗകര്യമില്ലാത്തവര്ക്കായി നാഷണല് ഹെല്ത്ത് റെഗുലേറ്ററി അതോറിറ്റിയുടെ ലൈസന്സുള്ള ക്വാറന്റൈന് കേന്ദ്രങ്ങള് ഒരുക്കിയിട്ടുണ്ടെന്നും അധികൃതര് അറിയിക്കുകയുണ്ടായി. ആറു വയസ്സിന് താഴെ പ്രായമുള്ളവര്ക്ക് നിബന്ധനകളൊന്നും ബാധകമല്ലെന്നും അധികൃതര് വ്യക്തമാക്കി.
https://www.facebook.com/Malayalivartha