ഇന്ത്യക്കാർക്ക് യു.എ.ഇയിലേക്ക് യാത്ര ചെയ്യാൻ വഴിയൊരുക്കിയിരിക്കുകയാണ് അധികൃതർ. എന്നാൽ യു.എ.ഇയിൽ എടുത്ത വാക്സിനേഷൻ സർട്ടിഫിക്കറ്റ് നിർബന്ധമാണ്. ആയതിനാൽ തന്നെ മാസങ്ങൾക്ക് മുൻപ് വാക്സിനെടുത്ത ശേഷം നാട്ടിലെത്തിയവർക്കൊന്നും വാക്‌സിൻ സർട്ടിഫിക്കറ്റ് ലഭിച്ചിരുന്നില്ല. ഈ സാഹചര്യത്തിൽ, എങ്ങിനെയാണ് വാക്സിൻ സർട്ടിഫിക്കറ്റ് ലഭിക്കുന്നത് എന്ന് പലർക്കും സംശയമുണ്ട്.

മൊബൈലിൽ ഡൗൺലോഡ് ചെയ്യുന്ന അൽ ഹൊസ്ൻ (Alhosn) ആപ്പ് വഴിയാണ് സർട്ടിഫിക്കറ്റ് ലഭിക്കുന്നത്. എമിറേറ്റ്സ് ഐഡിയും ഫോൺ നമ്പറും നൽകി ആപ്പിൽ ലോഗിൻ ചെയ്യേണ്ടതാണ്. ഇതിന് ശേഷം പേരിൽ ക്ലിക്ക് ചെയ്യണം. ഈ സമയം മുകളിൽ ഷെയർ ചെയ്യാനുള്ള ഓപ്ഷൻ കാണിക്കുന്നതായിരിക്കും. ഇതിൽ ടച്ച് ചെയ്താൽ വാക്സിൻ സർട്ടിഫിക്കറ്റ് വാട്സാപ്പിലേക്കോ ഇ മെയിലിലേക്കോ ഷെയർ ചെയ്യാനും ഡൗൺലോഡ് ചെയ്യാനും കഴിയുന്നതായിരിക്കും.

അതേസമയം ദുബൈ വിസയുള്ളവർക്ക് മാത്രമായിരിക്കും ദുബൈ വിമാനത്താവളത്തിലേക്ക് പ്രവേശനം എന്ന് എയർ ഇന്ത്യ എക്സ്പ്രസ് അറിയിക്കുകയുണ്ടായി. അബൂദബി വിസക്കാർക്ക് മാത്രമായിരിക്കും അബൂദബി വിമാനത്താവളത്തിൽ ഇറങ്ങാൻ സാധിക്കുക. ആഗസ്റ്റ് അഞ്ചിന് മുൻപെടുത്ത പെർമിഷൻ ജി.ഡി.ആർ.എഫ്.എ അംഗീകരിക്കില്ലെന്നും പുതിയ പെർമിഷൻ എടുക്കണമെന്നും അധികൃതർ അറിയിച്ചു.

ഇതോടെ മറ്റ് എമിറേറ്റിലുള്ളവർ ഷാർജയിലേക്കോ റാസൽഖൈമയിലേക്കോ ടിക്കറ്റെടുക്കേണ്ടി വരുന്നതാണ്. എയർ ഇന്ത്യ എക്സ്പ്രസ് പുറത്തിറക്കിയ പുതിയ സർക്കുലറിലാണ് ഇക്കാര്യം വ്യക്തമാക്കുന്നത്.

ഈ അറിയിപ്പിന് പിന്നാലെ ദുബൈ, അബൂദബി വിമാനത്താവളങ്ങളിലേക്ക് നേരത്തെ ടിക്കറ്റെടുത്ത മറ്റ് എമിറേറ്റിലുള്ളവർ പ്രതിസന്ധിയിലായി. എന്നാൽ, ൈഫ്ല ദുബൈ ഉൾെപടെയുള്ളവർ ടിക്കറ്റ് മാറ്റി നൽകുന്നു.