കോവിഷീല്ഡ് വാക്സിനെടുത്ത ഇന്ത്യക്കാര്ക്ക് യു.എ.ഇയിലേക്ക് പ്രവേശിക്കാനാകില്ലെന്ന് അധികൃതർ; പ്രവേശനം യു.എ.ഇയില് അംഗീകാരമുള്ള കൊവിഡ് വാക്സിന്റെ രണ്ട് ഡോസും സ്വീകരിച്ച താമസ വിസയുള്ളവര്ക്ക് മാത്രം
കോവിഷീല്ഡ് വാക്സിനെടുത്ത ഇന്ത്യക്കാര്ക്ക് തത്ക്കാലത്തേക്ക് യു.എ.ഇയിലേക്ക് പ്രവേശിക്കാനാകില്ലെന്ന് വ്യക്തമാക്കി വിമാനകമ്പനികള് രംഗത്ത് എത്തിയിരിക്കുകയാണ്. എന്നാല് ഈ തീരുമാനത്തില് ഏതുനിമിഷവും മാറ്റം വന്നേക്കാമെന്നും അധികൃതർ അറിയിച്ചു. യുഎഇയിലെ വിമാനകമ്പനികളായ എമിറേറ്റ്സും ഇത്തിഹാദുമാണ് ഇത്തരത്തിൽ അറിയിച്ചിരിക്കുന്നത്. യു.എ.ഇയില് അംഗീകാരമുള്ള കൊവിഡ് വാക്സിന്റെ രണ്ട് ഡോസും സ്വീകരിച്ച താമസ വിസയുള്ളവര്ക്ക് മാത്രമേ നിലവില് രാജ്യത്തേക്ക് പ്രവേശനാനുമതി നൽകിയിട്ടുള്ളത്. യാത്രയ്ക്ക് 72 മണിക്കൂര് മുമ്ബെടുത്ത പി.സി.ആര് നെഗറ്റീവ് ഫലവും വാക്സിനേഷന് സര്ട്ടിഫിക്കറ്റും ഹാജരാക്കണം.
അതോടൊപ്പം തന്നെ ദുബൈ, ഷാർജ വിമാനത്താവളങ്ങൾക്ക് പിന്നാലെ അബുദാബിയിലേക്കും ഇന്ത്യൻ യാത്രികർ എത്തിത്തുടങ്ങിയിരിക്കുകയാണ്. കഴിഞ്ഞ ഒരൊറ്റ ദിവസം മാത്രം കേരളത്തിൽ നിന്നുൾപ്പെടെ ആറ് വിമാനങ്ങളാണ് അബുദാബിയിൽ എത്തിച്ചേർന്നത്. ആഗസ്റ്റ് അഞ്ച് മുതൽ ദുബായിലേക്കും ഷാർജയിലേക്കും വിമാനങ്ങൾ എത്തിയിരുന്നെങ്കിലും അബുദാബിയിലേക്ക് സർവീസ് തുടങ്ങിയിരുന്നില്ല. നിലവിൽ കേരളത്തിൽ നിന്ന് കൊച്ചി, തിരുവനന്തപുരം വിമാനത്താവളങ്ങളിൽ നിന്ന് മാത്രമാണ് അബുദാബിയിലേക്ക് സർവീസുള്ളത്.
അതോടൊപ്പം തന്നെ ശനിയാഴ്ച കൊച്ചിയിൽ നിന്നെത്തിയ വിമാനത്തിൽ യാത്രക്കാരുടെ എണ്ണം താരതമ്യേന വളരെ കുറവായിരുന്നു എന്നാണ് ലഭ്യമാകുന്ന വിവരം. എന്നാൽ 5.14ന് കൊച്ചിയിൽ നിന്നെത്തിയ ഇ.വൈ. 281 വിമാനത്തിലെത്തിയ എല്ലാ യാത്രക്കാരെയും അബുദാബിയിലെ റസീൻ ക്വാറൻറീൻ കോംപ്ലക്സിലേക്ക് മാറ്റി. 10 ദിവസം ഇവർ ഇൻസ്റ്റിറ്റ്യൂഷനൽ ക്വാറൻറീനിൽ കഴിയണം.
https://www.facebook.com/Malayalivartha