ബുർജ് ഖലീഫക്ക് മുകളിൽ വമ്പൻ അതിശയം; ആകാംഷയുടെ വിസ്മയ കാഴ്ച ഒരുക്കി എമിറേറ്റ്സിന്റെ പരസ്യം ചരിത്രത്താളുകളിലേക്ക് ; സാമൂഹിക മാധ്യമങ്ങളിൽ വമ്പൻ ഹിറ്റ്
ബുർജ് ഖലീഫക്ക് മുകളിൽ വമ്പൻ അതിശയം. ആകാംഷയുടെ വിസ്മയ കാഴ്ച ഒരുക്കി എമിറേറ്റ്സിന്റെ പരസ്യം. ഇടം നേടിയത് ചരിത്രത്താളുകളിൽ. എയർലൈൻസിന്റെ ഏറ്റവും പുതിയ പരസ്യം
ബുർജ് ഖലീഫയുടെ മുകളിൽ എയർ ഹോസ്റ്റസ് നിൽക്കുന്നതാണ്.എന്നാൽ ഈ പരസ്യം എമിറേറ്റ്സ് , എഡിറ്റിങ്ങിലെ സാങ്കേതികത്വത്തിൽ ഉണ്ടാക്കിയതല്ല എന്ന് മനസ്സിലാക്കിയതോടയാണ് സാമൂഹിക മാധ്യമങ്ങളിൽ ഇത് ഹിറ്റാകാൻ തുടങ്ങിയത്.
ബുർജ് ഖലീഫയുടെ 828 മീറ്റർ ഉയരത്തിൽ എമിറേറ്റ്സ് എയർലൈൻസ് പരസ്യം ചെയ്തത് നിക്കോൾ സ്മിത്ത് ആണ്.അതിസാഹസികത നിറഞ്ഞതായിരുന്നു പരസ്യത്തിന്റെ ഷൂട്ടിങ്. ഇത് ഷൂട്ട് ചെയ്യുന്നതിന് പിന്നിലുള്ള കാഴ്ചകൾ ഇതിനോടകം തന്നെ ഹിറ്റായി. യു.എ.ഇ. യെ യു.കെ.യുടെ റെഡ് ലിസ്റ്റിൽനിന്ന് മാറ്റിയതിനെ സ്വാഗതം ചെയ്തുകൊണ്ട് എമിറേറ്റ്സ് എയർലൈൻസ് ഒരുക്കിയ പരസ്യമാണ് വൈറലായിരിക്കുന്നത്.
ബുർജ് ഖലീഫയുടെ മുകളിൽ എയർലൈൻസ് യൂണിഫോം അണിഞ്ഞുനിൽക്കുന്ന എയർ ഹോസ്റ്റസ്, പ്രൊഫഷണൽ സ്കൈ ഡൈവിങ് ഇൻസ്ട്രക്ടർ നിക്കോൾ സ്മിത്ത് ലെഡ്വിക് ആണ് എന്നതാണ് മറ്റൊരു സവിശേഷത. ബുർജ് ഖലീഫയുടെ ഏറ്റവും മുകളിലായി അതായത് ഭൂനിരപ്പിൽനിന്ന് 828 മീറ്റർ ഉയരത്തിലാണ് നിക്കോൾ നിന്നത്. ഒന്നര മീറ്റർ മാത്രം വിസ്തൃതിയുള്ള തട്ടിൽനിന്ന നിക്കോളിന്റെ പിറകിൽ സുരക്ഷയ്ക്ക് വേണ്ടി കൊളുത്തുകൾ ഇട്ടിരുന്നു.
30 സെക്കന്റുകൾ മാത്രമുള്ള പരസ്യമാണിത്. ഇത് ചിത്രീകരിക്കുന്നതിനായി സൂര്യോദയത്തിന് മുൻപ് തന്നെ ക്യാമറ സംഘം ബുർജ് ഖലീഫക്ക് മുകളിൽ എത്തുകയായിരുന്നു . 160-മത്തെ നിലയിൽനിന്ന് ഒരു മണിക്കൂർ 15 മിനിറ്റ് ചെലവഴിച്ച് നടത്തിയ ശ്രമത്തിനൊടുവിലാണ് മുകളിലെ തട്ടിൽ ഇദ്ദേഹം എത്തിയത്. ഒറ്റ ഡ്രോൺ ഉപയോഗിച്ച് ചിത്രീകരണം അഞ്ചു മണിക്കൂറുകൾ കൊണ്ടായിരുന്നു പൂർത്തിയാക്കിയത്.
എമിറേറ്റ്സിന്റെ ഇൻഹൗസ് ബ്രാൻഡ് പ്രൊഡക്ഷൻ ടീമിന്റെ ആശയത്തെ ഒരു സ്വകാര്യ പരസ്യ കമ്പനി സഫല മാക്കുകയായിരുന്നു. ലോകത്ത് ഏറ്റവും ഉയരത്തിൽ ചിത്രീകരിച്ച പരസ്യമായിഇതോടെ എമിറേറ്റ്സ് പരസ്യം ചരിത്രത്താളുകളിൽ ഇടം നേടി. വളരെ സാഹസികത യോടെയാണ് ഈ പരസ്യം നിർമ്മിക്കാൻ ഇവർ തുനിഞ്ഞിങ്ങിയത്. അതിന്റെ ഫലം ഇവർക്ക് കിട്ടി എന്നതാണ് ശ്രദ്ധേയമായ കാര്യം.
https://www.facebook.com/Malayalivartha