ദുബായ് യാത്രയ്ക്ക് ഇനി വാക്സിൻ വേണ്ട! അതി നിർണായക തീരുമാനവുമായി എമിറേറ്റ്‌സ്.ഇന്ത്യയിൽ നിന്ന് ദുബായിലേക്ക് യാത്രചെയ്യുന്നതിന് നേരത്തെ കോവിഡ് വാക്സിനേഷൻ സർട്ടിഫിക്കറ്റ് എമിറേറ്റ്സ് നിർബന്ധമാക്കിയിരുന്നു.

എമിറേറ്റ്സ് എടുത്ത അതേ തീരുമാനമാണ് എയർലൈനുമെടുത്തിട്ടുള്ളത് . എമിറേറ്റ്സിന്റെ വെബ്സൈറ്റിലെ പുതിയ ഉത്തരവിൽ വാക്സിനേഷൻ വേണമെന്ന നിബന്ധന ഒഴിവാക്കിയിരിക്കുകയാണ്. നേരത്തെ മറ്റ് വിമാനക്കമ്പനികളും ഇത് പറഞ്ഞിരുന്നു.

ദുബായിലേക്ക് മടങ്ങുന്ന താമസ വിസയുള്ളവർ താമസകുടിയേറ്റ വകുപ്പിന്റെ (ജി.ഡി.ആർ.എഫ്.എ.) അനുമതി ഹാജരാക്കണമെന്നും കർശന നിർദേശമുണ്ട് . അംഗീകൃത ലബോറട്ടറികളിൽനിന്ന് 48 മണിക്കൂറിനുള്ളിൽ എടുത്ത കോവിഡ് പരിശോധനാഫലവും ഉറപ്പായും ഉണ്ടായിരിക്കുക തന്നെ വേണം. 

പരിശോധനാ ഫലത്തിൽ ക്യൂ.ആർ. കോഡ് നിർബന്ധമാക്കിയിട്ടുണ്ട് . വിമാനം പുറപ്പെടുന്നതിന് നാല് മണിക്കൂറിനിടെ എടുത്ത റാപ്പിഡ് പരിശോധനാഫലവും ഹാജരാക്കിയിരിക്കണം . ദുബായിലെത്തുമ്പോൾ കോവിഡ് പരിശോധനയ്ക്ക് വിധേയരാകണം എന്ന കാര്യം ശ്രദ്ദേയം.

അതേ സമയം ഇന്ത്യയിൽനിന്ന് അബുദാബിയിലെത്തുന്ന താമസവിസക്കാർക്ക് 12 ദിവസത്തെ ഹോം ക്വാറന്റീൻ നിർബന്ധമാണെന്ന് ഇത്തിഹാദ് എയർലൈൻസ് വ്യക്തമാക്കിയിരിക്കുകയാണ്. നേരത്തേ പത്തുദിവസമായിരുന്നു ക്വാറന്റീൻ. എന്നാൽ ഇപ്പോൾ 12ദിവസം ആക്കിയിരിക്കുകയാണ്. ഇവർ ആറാം ദിവസവും 11-ാം ദിവസവും കോവിഡ് പരിശോധന നടത്തണം.

ഇത്തിഹാദ് വെബ്സൈറ്റിൽ യാത്രാ നിബന്ധനകളിൽ ഇതിനോടകം ഭേദഗതി വരുത്തിയിരിക്കുകയാണ് . എത്തുന്നവർ ക്വാറന്റീൻ കാലയളവിൽ ട്രാക്കിങ് വാച്ച് ധരിക്കണം. മാത്രമല്ല വീണ്ടും ആർ.ടി.പി.സി.ആർ. പരിശോധനയ്ക്ക് വിധേയരാവണം.

അബുദാബി വിമാനത്താവളത്തിൽ ഇമിഗ്രേഷൻ നടപടികൾ പൂർത്തിയാക്കുന്ന സമയം യാത്രക്കാർക്ക് ട്രാക്കിങ് വാച്ച് നൽകും. ഇത്തരത്തിൽ നിരവധി നിബന്ധങ്ങളാണ് ഇത്തി ഹാദ് എയർലൈൻസ് തീരുമാനിച്ചിരിക്കുന്നത്.