കൊറോണ വ്യാപനത്തിന് പിന്നാലെ വിലക്ക് പ്രഖ്യാപിച്ച് യുഎഇ എത്തിയപ്പോൾ ഏതുവിധേനയും എത്തിച്ചേരണമെന്ന പ്രാർത്ഥന മാത്രമായിരുന്നു പ്രവാസികൾക്ക്. നിരന്തര അഭ്യർത്ഥന മൂലം യുഎഇ അയയുന്ന കാഴ്ചയാണ് കാണുന്നത്. എങ്കിലും കടുത്ത നിബന്ധകൾ പ്രവാസികളെ വളയ്ക്കുന്നുണ്ട്. ഇത്തരം നിബന്ധനകൾ മൂലം ഒറ്റയ്ക്ക് ഒരു വിമാനത്തിൽ യാത്ര ചെയ്യേണ്ടിവരുന്നവരെയും നമുക്ക് കാണുവാൻ സാധിക്കും. എപ്പിഴിതാ അത്തരത്തിൽ അനുഭവം പങ്കുവച്ചുകൊണ്ട് എത്തിയിരിക്കുകയാണ് നടൻ മാധവൻ....

നടൻ മാധവൻ സമൂഹമാധ്യമങ്ങളിൽ പങ്കുവച്ച വിഡിയോ ആണ് ആരാധകരുടെ ഇടയിൽ വൈറലാകുന്നത്. കോവിഡ് പ്രതിസന്ധിയിൽ യാത്രക്കാർ ആരുമില്ലാതെ പൂർണമായും അനാഥമായി കിടക്കുന്ന വിമാനത്താവളവും വിമാനവുമൊക്കെയാണ് മാധവൻ തന്റെ വിഡിയോയിലൂടെ കാണിക്കുന്നത്. തന്റെ ജീവിതത്തിൽ ഇങ്ങനെയൊരു വിമാനയാത്ര നടത്തിയിട്ടില്ലെന്നും ഈ യാത്രയിൽ വിമാനത്തിലുള്ള ഏകയാത്രക്കാരൻ താൻ മാത്രമാണെന്നും മാധവൻ പറയുന്നു.

‘ഈ കാഴ്ച കണ്ട് ഒരേസമയം സങ്കടവും ആകാംക്ഷയും വരുന്നു. എത്രയും പെട്ടന്ന് ഈ അവസ്ഥക്കൊരു അന്ത്യം വരണമെന്ന് പ്രാർഥിക്കുന്നു.’–വിഡിയോയ്ക്കൊപ്പം മാധവൻ കുറിച്ചു. പുതിയ ബോളിവുഡ് ചിത്രമായ അമേരിക്കി പണ്ഡിറ്റിന്റെ ചിത്രീകരണത്തിനായുള്ള ദുബായ് യാത്രയ്ക്കിടെയാണ് താരം ഈ വിഡിയോ പകർത്തിയിരിക്കുന്നത്.

അതേസമയം നിരവധി പ്രവാസികളാണ് ഇത്തരത്തിൽ ഒറ്റയ്ക്ക് ദുബായിലേക്ക് യാത്ര നടത്തിയിട്ടുള്ളത്. ഗോൾഡൻ വിസക്കാർക്ക് യാത്രാനുമതി നൽകിയതിന് പിന്നാലെ യാത്ര തിരിച്ച ഏറെ പ്രവാസികളും പ്രവാസികളുടെ കുടുംബങ്ങളും ഇത്തരത്തിൽ യാത്ര നടത്തിയ വാർത്തകൾ പുറത്ത് വന്നിരുന്നു. ഏറെ ആകാംക്ഷ നൽകുന്നതാണ് ഇത്തരത്തിലുള്ള വാർത്തകൾ. എന്നിരുന്നാൽ തന്നെയും പൂർണമായും വിലക്ക് നീക്കുമെന്ന് പ്രതീക്ഷയിലാണ് സഹദരനക്കാരായ പ്രവാസികൾ ഏവരും.