യാത്രാവിലക്ക് കാരണം നാട്ടിൽ കുടുങ്ങിയ വ്യക്തികളുടെ താമസവിസാ കാലാവധി യു.എ.ഇ. നീട്ടി നൽകുമെന്ന സന്തോഷകരമായ വാർത്ത ഇപ്പോൾ പുറത്തുവരുന്നത്. താമസകുടിയേറ്റ വകുപ്പ്, ഫെഡറൽ അതോറിറ്റി ഫോർ ഐഡന്റിറ്റി ആൻഡ് സിറ്റിസൺഷിപ്പ് എന്നിവയുടെ വെബ്‌സൈറ്റുകളിലൂടെയാണ് ഈ സന്തോഷം പ്രവാസികളോട് അറിയിച്ചിരിക്കുന്നത്. എന്നാൽ യു.എ.ഇ.യുടെ ഔദ്യോഗിക സ്ഥിരീകരണം ഇതുവരെ നടത്തിയിട്ടില്ല എന്നത് ശ്രദ്ധേയമാണ്.

പ്രവാസികളിൽ പലരുടെയും താമസവിസാ കാലാവധി നവംബർ ഒമ്പതുവരെ നീട്ടിയിട്ടുമുണ്ട്. ഡിസംബർ ഒമ്പതിന് മുൻപ് വിസ പുതുക്കണം . ആദ്യം ദുബായ് വിസക്കാർക്ക് മാത്രമാണ് കാലാവധി നീട്ടികിട്ടുക. പിന്നീട് അബുദാബി വിസക്കാരിൽ പലർക്കും കാലാവധി നീട്ടികിട്ടി.

മേയ് മാസം കാലാവധി കഴിഞ്ഞ വിസകളാണ് നീട്ടുന്നത്. ഇക്കാര്യത്തിൽ ഔദ്യോഗികസ്ഥിരീകരണം ഒട്ടും വൈകാതെ തന്നെ അറിയാം. ഒട്ടനവധി പ്രവാസി മലയാളികളാണ് നാട്ടിൽ കുടുങ്ങിയിരിക്കുന്നത്. അവർക്കൊക്കെ ആശ്വാസമാവുന്നതാണ് യു.എ.ഇ.യുടെ പുതിയ തീരുമാനം.

സന്ദർശകർക്കും വിനോദസഞ്ചാരികൾക്കും അധികം താമസിയാതെ യു.എ.ഇ.യിലേക്ക് പ്രവേശിക്കാമെന്ന് ദേശീയ ദുരന്തനിവാരണ അതോറിറ്റി ട്വീറ്റ് ചെയ്തിരുന്നു. പക്ഷേ അനുമതിയുള്ള രാജ്യങ്ങളുടെ പട്ടികയിൽ ഇന്ത്യ നിലവിൽ ഉണ്ടായിരുന്നില്ല.

താമസവിസയുള്ളവർക്ക് ഐ.സി.എ., ജി.ഡി.ആർ.എഫ്.എ. എന്നിവയുടെ അനുമതിവാങ്ങി യു.എ.ഇ.യിലേക്ക് മടങ്ങാം. ഇതോടൊപ്പം എൻട്രി പെർമിറ്റ് ഉള്ളവർക്കും വരാമെന്ന് എമിറേറ്റ്‌സ് എയർലൈൻസ് അറിയിച്ചിരുന്നു. എന്തായാലും പ്രവാസലോകം കണ്ണുംനട്ട് കാത്തിരിക്കുകയാണ് അനുകൂലമായ തീരുമാനങ്ങൾക്കായി.