പ്രവാസികൾക്ക് ആശ്വാസമായി സൗദി അറേബ്യ; വിസിറ്റ് വിസകളുടെ കാലാവധി സപ്തംബര് 30 വരെ നീട്ടി
പ്രവാസികൾക്ക് ആശ്വാസവർത്തയുമായി യുഎഇയ്ക്ക് പിന്നാലെ സൗദിയും. യാത്രാവിലക്ക് മൂലം നാട്ടിൽ കുടുങ്ങിയ പ്രവാസികളുടെ വിസ നീട്ടി നൽകി അധികൃതർ. മാസങ്ങളായുള്ള വിലക്ക് മൂലം അനിശ്ചിതത്വത്തിലായ പ്രവാസികൾക്ക് ഇനി അല്പം ആശ്വസിക്കാം....
രാജ്യത്തേക്ക് നേരിട്ടുള്ള വിമാന സര്വീസുകള്ക്ക് വിലക്ക് തുടരുന്ന രാജ്യങ്ങളില് നിന്നുള്ള വിസിറ്റ് വിസകളുടെ കാലാവധി സപ്തംബര് 30 വരെ നീട്ടിയതായി സൗദി വിദേശകാര്യ മന്ത്രാലയം അറിയിക്കുകയുണ്ടായി. സൗജന്യമായാണ് വിസ കാലാവധി നീട്ടി നല്കുകയെന്നത് മന്ത്രാലയം ട്വിറ്റര് സന്ദേശത്തില് അറിയിച്ചു. അതേസമയം, മള്ട്ടിപ്പ്ള് എന്ട്രി ടൂറിസ്റ്റ് വിസകള്ക്ക് ഇത് ബാധകമല്ല എന്നും കൂട്ടിച്ചേർത്തു.
കൊവിഡ് വ്യാപനത്തിന്റെ പശ്ചാത്തലത്തില് ഏര്പ്പെടുത്തിയ യാത്രാവിലക്കിനെ തുടര്ന്ന് വിസയുടെ കാലാവധി നഷ്ടപ്പെട്ടവര്ക്ക് മാത്രമായിരിക്കും ഈ ആനുകൂല്യം ലഭിക്കുകയെന്നും മന്ത്രാലയം വ്യക്തമാക്കുകയുണ്ടായി. ഇതുപ്രകാരം ഇന്ത്യ ഉള്പ്പെടെ 13 രാജ്യങ്ങളില് നിന്നുള്ളവര്ക്ക് ഈ ആനുകൂല്യം ലഭിക്കും. സൗദി ഭരണാധികാരി സല്മാന് രാജാവിന്റെ പ്രത്യേക നിര്ദ്ദേശപ്രകാരമാണ് നടപടി.
അതേസമയം കൊവിഡ് മഹാമാരിയുടെ പ്രതിസന്ധികള് തരണം ചെയ്യുന്നതില് പ്രവാസികളോടൊപ്പം നില്ക്കാനുള്ള സൗദി ഭരണകൂടത്തിന്റെ താല്പര്യമാണ് ഇതില് പ്രകടമാകുന്നതെന്നും വിസ കാലാവധി നീട്ടുന്നതിനാവശ്യമായ നടപടിക്രമങ്ങള് സ്വീകരിച്ചു കഴിഞ്ഞതായും മന്ത്രാലയം അറിയിച്ചു.
അതേസമയം സൗദി പൗരന്മാരുടെ വിദേശ രാജ്യ സഞ്ചാരത്തിൽ ഗണ്യമായ കുറവെന്ന് റിപ്പോർട്ട്. കഴിഞ്ഞ മാസം സന്ദർശിച്ച വിദേശ രാജ്യങ്ങളുടെ എണ്ണം വളരെ കുറവായിരുന്നതായി ട്രാവൽ ഏജൻസി രംഗത്തെ ഒരു പഠനറിപ്പോർട്ട് വ്യക്തമാക്കിയത്.
കോവിഡ് മഹാമാരിക്കാലത്തെ പ്രതിസന്ധിയിലും യാത്ര നിയന്ത്രണത്തിലുംപെട്ട് സൗദികൾ വിദേശ യാത്രകൾ കുറച്ചെന്നും രോഗഭീതി കുറഞ്ഞ പ്രധാനപ്പെട്ട ചില രാജ്യങ്ങളിലേക്ക് മാത്രം യാത്രകൾ പരിമിതപ്പെടുത്തിയെന്നും സ്ഥിതി വിവര കണക്കുകൾ വ്യക്തമാക്കുന്നുണ്ട്. സൗദി പൗരന്മാർ സന്ദർശനം നടത്തിയ വിദേശ രാജ്യങ്ങളിൽ നിന്നുള്ള വിമാന ടിക്കറ്റുകൾക്കും ഹോട്ടൽ ബുക്കിങ്ങിനുമാണ് കൂടുതൽ ആവശ്യക്കാർ ഉള്ളത്. ടൂറിസം മേഖലയിലേക്കുള്ള ഉല്ലാസ യാത്രകൾക്കും വിനോദ സഞ്ചാരത്തിനും മുമ്പുണ്ടായിരുന്ന പ്രിയം കുറഞ്ഞു വരുന്നതായും പഠനങ്ങൾ പറയുന്നു. ഇതാണ് പ്രധാനകാരണമായി ചൂണ്ടിക്കാണിക്കുന്നത്....
https://www.facebook.com/Malayalivartha