സന്ദര്ശക വിസക്കാര്ക്കും അബൂദബിയിലേക്ക് വരാൻ അനുമതി; ഗ്രീന് ലിസ്റ്റില് ഉള്പ്പെട്ട രാജ്യങ്ങളില് നിന്നുള്ളവര്ക്കും അല്ലാത്തവര്ക്കും വരാന് സാധിക്കുമെന്ന് അബൂദബി ദുരന്ത നിവാരണ സമിതി
സന്ദര്ശക വിസക്കാര്ക്കും അബൂദബിയിലേക്ക് വരാൻ അവസരം ഒരുങ്ങുന്നു. അബൂദബി ദുരന്ത നിവാരണ സമിതിയാണ് ഇത് അറിയിച്ചത്. ഗ്രീന് ലിസ്റ്റില് ഉള്പ്പെട്ട രാജ്യങ്ങളില് നിന്നുള്ളവര്ക്കും അല്ലാത്തവര്ക്കും വരാന് സാധിക്കുന്നതാണ്. വാക്സിനെടുക്കാത്ത സന്ദര്ശക വിസക്കാര്ക്കും നിബന്ധനകളോടെ പ്രവേശനാനുമതി നല്കുന്നതാണ്. ഞായറാഴ്ച മുതല് പുതിയ നിര്ദേശങ്ങള് പ്രാബല്യത്തില് വരും.
അതോടൊപ്പം തന്നെ ഇന്ത്യ ഉള്പ്പെടെ ഗ്രീന് ലിസ്റ്റിലില്ലാത്ത രാജ്യങ്ങളില് നിന്നെത്തുന്ന വാക്സിനെടുക്കാത്ത റെസിഡന്റ് വിസക്കാരും സന്ദര്ശകരും പത്ത് ദിവസം ക്വാറന്റീനില് കഴിയണം. അബൂദബി വിമാനത്താവളത്തിലെത്തുമ്പോള് പി.സി.ആര് പരിശോധന നടത്തുന്നതിനുപുറമെ ഒമ്പതാം ദിവസവും പരിശോധിക്കണം എന്നും അധികൃതർ വ്യക്തമാക്കി. അതേസമയം, വാക്സിനെടുത്തവര്ക്ക് ഏഴ് ദിവസം ക്വാറന്റീന് മതി.
കൂടാതെ ആറാം ദിവസം പി.സി.ആര് പരിശോധന നടത്തണം. നേരത്തെ വാക്സിനെടുത്തവര്ക്ക് പത്ത് ദിവസവും വാക്സിനെടുക്കാത്തവര്ക്ക് 12 ദിവസവുമായിരുന്നു ക്വാറന്റീന്. പുതിയ നിബന്ധന പ്രകാരം ഇത് യഥാക്രമം ഏഴ്, പത്ത് ദിവസമായി ചുരുക്കി.
https://www.facebook.com/Malayalivartha