യുഎഇയില്‍ കഴിഞ്ഞ 24 മണിക്കൂറിനിടെ 1,066 പേര്‍ക്ക് കൂടി കൊവിഡ് വൈറസ് ബാധ സ്ഥിരീകരിച്ചതായി ആരോഗ്യ-പ്രതിരോധ മന്ത്രാലയം അറിയിച്ചു. ചികിത്സയിലായിരുന്ന 1,633 പേര്‍ സുഖം പ്രാപിക്കുകയും നാല് പേര്‍ മരണപ്പെടുകയും ചെയ്തു.

അതോടൊപ്പം തന്നെ പുതിയതായി നടത്തിയ 3,01,430 കൊവിഡ് പരിശോധനകളില്‍ നിന്നാണ് പുതിയ രോഗികളെ കണ്ടെത്തിയത്. ഇതുവരെയുള്ള കണക്കുകള്‍ പ്രകാരം ആകെ 7,08,302 പേര്‍ക്ക് യുഎഇയില്‍ കൊവിഡ് സ്ഥിരീകരിച്ചിട്ടുണ്ട്. ഇവരില്‍ 6,89,277 പേര്‍ രോഗമുക്തരാവുകയും 2,018 പേര്‍ മരണപ്പെടുകയും ചെയ്തു. നിലവില്‍ 17,007 കൊവിഡ് രോഗികളാണ് രാജ്യത്തുള്ളത്.

അതേസമയം യുഎഇയില്‍ കഴിഞ്ഞ ദിവസം വിതരണം ചെയ്തത് 56,131 കൊവിഡ് വാക്‌സിന്‍ ഡോസുകള്‍. ഇതോടെ രാജ്യത്ത് ആകെ വിതരണം ചെയ്ത കൊവിഡ് വാക്‌സിന്‍ ഡോസുകള്‍ 1.6 കോടി കടക്കുകയുണ്ടായി.