യാത്ര നിരോധിച്ചിട്ടുള്ള രാജ്യങ്ങൾ ഉൾപ്പെടെ എല്ലാ രാജ്യങ്ങളിലെയും കോവിഡ് വാക്സിനേഷൻ സ്വീകരിച്ചവർക്ക് ടൂറിസ്റ്റ് വിസ നാളെ ഓഗസ്റ്റ് 30 മുതൽ യുഎഇ പുനരാരംഭിക്കുകയാണ്. നിലവിൽ, ഇന്ത്യയും പാകിസ്ഥാനും ഉൾപ്പെടെയുള്ള ചില രാജ്യങ്ങളിൽ നിന്ന് യുഎഇയിലേക്കുള്ള യാത്ര നിയന്ത്രിച്ചിരിക്കുകയാണ്.

എന്നാൽ ലോകാരോഗ്യ സംഘടനയുടെ അംഗീകൃത വാക്‌സിൻ ഉപയോഗിച്ച് വിനോദസഞ്ചാരികൾ പൂർണ്ണ പ്രതിരോധ കുത്തിവയ്പ്പ് സ്വീകരിച്ചിരിക്കണം. യാത്രക്കാർക്ക് ഫെഡറൽ അതോറിറ്റി ഫോർ ഐഡന്റിറ്റി ആൻഡ് സിറ്റിസൺഷിപ്പ് (ഐസിഎ) പ്ലാറ്റ്ഫോം അല്ലെങ്കിൽ അൽഹോസ്ൻ ആപ്പ് വഴി വിദേശത്ത് നൽകിയ അവരുടെ വാക്സിനേഷൻ സർട്ടിഫിക്കറ്റുകൾ രജിസ്റ്റർ ചെയ്യാവുന്നതാണ്.

ഇതിനായി നിങ്ങൾ 5 കാര്യങ്ങൾ അറിഞ്ഞിരിക്കണം

ഘട്ടം 1: പുറപ്പെടുന്നതിന് മുമ്പ്, സന്ദർശകർ ICA മൊബൈൽ ആപ്ലിക്കേഷനിലെ 'രജിസ്റ്റർ അറൈവൽ' എന്ന വിഭാഗത്തിൽ രജിസ്റ്റർ ചെയ്യേണ്ടതുണ്ട്.

ഘട്ടം 2: 'രജിസ്റ്റർ അറൈവൽസ്' ഫോം പൂരിപ്പിച്ച് വിദേശത്ത് നൽകിയ വാക്സിനേഷൻ സർട്ടിഫിക്കറ്റ് അപ്ലോഡ് ചെയ്യുക. അൽഹോസ്ൻ ആപ്പ് ഡൗൺലോഡ് ചെയ്യാനുള്ള ലിങ്ക് ഉൾപ്പെടെ ഒരു എസ്എംഎസ് സന്ദർശകർക്ക് ലഭിക്കുന്നതാണ്.

ഘട്ടം 3: യുഎഇയിൽ എത്തുമ്പോൾ, സന്ദർശകർക്ക് ഒരു ഏകീകൃത തിരിച്ചറിയൽ നമ്പർ (യുഐഡി) എയർപോർട്ടിലോ ഐസിഎ ആപ്പ് അല്ലെങ്കിൽ വെബ്സൈറ്റ് വഴിയോ ലഭിക്കും.

ഘട്ടം 4: ഐസിഎ രജിസ്ട്രേഷനായി ഉപയോഗിക്കുന്ന യുഐഡിയും ഫോൺ നമ്പറും ഉപയോഗിച്ചോ യുഎഇയിൽ പിസിആർ ടെസ്റ്റ് നടത്തുമ്പോഴോ സന്ദർശകർ അൽഹോസ്ൻ ആപ്പിൽ ഡൗൺലോഡ് ചെയ്ത് രജിസ്റ്റർ ചെയ്യണം.

ഘട്ടം 5: അൽഹോസ്ൻ ആപ്പ് രജിസ്ട്രേഷൻ പ്രക്രിയ പൂർത്തിയാക്കാൻ സന്ദർശകർക്ക് ഒറ്റത്തവണ പാസ്‌വേഡ് (OTP) ലഭിക്കും. സ്റ്റാറ്റസ്, വാക്സിനേഷൻ വിവരങ്ങൾ, ടെസ്റ്റ് ഫലങ്ങൾ, ട്രാവൽ ടെസ്റ്റ് ആവശ്യകതകൾ എന്നിവ പരിശോധിക്കാനും തത്സമയ ക്യുആർ കോഡ് ഉപയോഗിക്കാനും അൽ ഹോസ് ആപ്പ് ഉപയോക്താക്കളെ അനുവദിക്കുന്നു.