ഇന്ത്യ റെഡ് ലിസ്റ്റിൽ ആയിരുന്നതിനെ തുടർന്ന് നിരവധി പ്രവാസികളാണ് ഗൾഫ് രാഷ്ട്രങ്ങളിലേക്ക് മടങ്ങാനാകാതെ കുടുങ്ങിയത്. ഇപ്പോഴിതാ വിളക്കുകൾ നീങ്ങി പ്രവാദികൾ ഗൾഫിലേക്ക് മടങ്ങാൻ തയ്യാറാക്കുകയാണ്. എന്നാൽ ഈ അവസരം മുതലെടുക്കുന്ന വിമാനക്കമ്പനികളെയാണ് കാണുവാൻ സാധിക്കുന്നത്. വിമാനക്കമ്പനികളുടെ തീവെട്ടിക്കൊള്ള മൂലം അക്ഷരാർത്ഥത്തിൽ പകച്ച് നിൽക്കുകയാണ് പ്രവാസികൾ...

എല്ലാ ഗൾഫ് രാഷ്ട്രങ്ങളും പ്രവാസികൾക്കായി തങ്ങളുടെ ആകാശവാതിലുകൾ തുറന്നു. നാട്ടിൽ കുടുങ്ങിയ പ്രവാസികൾ ഏറെ പ്രതീക്ഷയോടെ യാത്രയ്ക്കായി തയ്യാറെടുക്കുകയാണ്. മുൻപ് നടത്തിയിരുന്ന യാത്രകളെ അപേക്ഷിച്ച് ചിലവ് ഏറിയത് മാത്രമല്ല വിമാനക്കമ്പനികളുടെ തീവെട്ടിക്കൊള്ള അവസാനിക്കുന്നില്ല. കഴിഞ്ഞ കുറച്ച് ദിവസങ്ങളായി ഇ​ന്ത്യ​യി​ൽ​നി​ന്ന് ഒ​മാ​നി​ലേ​ക്കു​ള്ള വി​മാ​ന ടി​ക്ക​റ്റ് നി​ര​ക്കു​ക​ൾ ഉ​യ​ർ​ന്നു​ത​ന്നെ നി​ൽ​ക്കു​ന്ന​ത് തി​രി​ച്ചെ​ത്താ​നി​രി​ക്കു​ന്ന​വ​ർ​ക്ക്​ വലിയ വെ​ല്ലു​വി​ളിയായി മാറുകയാണ്. അ​ടു​ത്ത മാ​സം മു​ഴു​വ​ൻ ബ​ജ​റ്റ് എ​യ​ർ​ലൈ​ൻ​സാ​യ എ​യ​ർ ഇ​ന്ത്യ എ​ക്സ്​​പ്ര​സ് പോ​ലും ഉ​യ​ർ​ന്ന നി​ര​ക്കു​ക​ൾ ഈ​ടാ​ക്കു​ന്ന​ത് സാ​ധാ​ര​ണ​ക്കാ​രാ​യ പ്ര​വാ​സി​ക​ൾ​ക്ക് താങ്ങാവുന്നതിലും അപ്പുറമാണ്. അ​തി​നാ​ൽ ഗോ ​എ​യ​റും ഇ​ൻ​ഡി​ഗോ​യു​മ​ട​ക്കം ബ​ജ​റ്റ് വി​മാ​ന ക​മ്പ​നി​ക​ൾ​ക്ക് അ​നു​വാ​ദം ന​ൽ​ക​ണ​മെ​ന്നാ​ണ് പ്ര​വാ​സി​ക​ളും സാ​മൂ​ഹി​ക​പ്ര​വ​ർ​ത്ത​ക​രും ഒരുപോലെ ആ​വ​ശ്യ​പ്പെ​ടു​കയാണ്.

ഡ​ൽ​ഹി​യി​ൽ​നി​ന്ന് മ​സ്ക​ത്തി​ലേ​ക്ക് നേ​രി​ട്ട് സ​ർ​വി​സ് ന​ട​ത്തു​ന്ന വി​മാ​ന​ങ്ങ​ളി​ലെ ടി​ക്ക​റ്റ് നി​ര​ക്കു​ക​ൾ 500 റി​യാ​ൽ ക​വി​ഞ്ഞിരിക്കുന്നു. ഇ​ന്ത്യ​യി​ലെ എ​ല്ലാ വി​മാ​ന​ത്താ​വ​ള​ങ്ങ​ളി​ൽ​നി​ന്നും ഇ​തു​ത​ന്നെ​യാ​ണ് സ്ഥി​തി. ഇ​ത് വി​മാ​ന​ക്ക​മ്പ​നി​ക​ൾ പ്ര​വാ​സി​ക​ളെ സ​ഹാ​യി​ക്കേ​ണ്ട സ​മ​യ​മാ​ണെ​ന്നും നാ​ട്ടി​ൽ മാ​സ​ങ്ങ​ളാ​യി കു​ടു​ങ്ങി​പ്പോ​യ​വ​രെ തി​രി​ച്ചെ​ത്തി​ക്കാ​ൻ അ​വ​സ​ര​മൊ​രു​ക്ക​ണ​മെ​ന്നും സാ​മൂ​ഹി​ക​പ്ര​വ​ർ​ത്ത​ക​ർ ഒന്നടങ്കം ആ​വ​ശ്യ​പ്പെ​ടു​ന്നു.

ക​ഴി​ഞ്ഞ​വ​ർ​ഷം ഒ​മാ​നി​ൽ കു​ടു​ങ്ങി​യ​വ​രെ നാ​ട്ടി​ലെ​ത്തി​ക്കാ​ൻ മ​സ്ക​ത്തി​ൽ​നി​ന്ന് ഇ​ന്ത്യ​യി​ലേ​ക്ക് ന​ട​ത്തി​യ വ​ന്ദേ ഭാ​ര​ത് വി​മാ​ന സ​ർ​വി​സു​ക​ൾ നൂ​റ് റി​യാ​ലി​ൽ താ​ഴെ​യാ​ണ് ഈ​ടാ​ക്കി​യ​തെ​ന്നും സാ​മൂ​ഹി​ക​പ്ര​വ​ർ​ത്ത​ക​ർ ചൂണ്ടിക്കാട്ടുന്നു. ഈ സാഹചര്യത്തിലാണ് പ്രവാസികൾക്ക് താങ്ങാവുന്നതിലും അപ്പുറം ടിക്കറ്റ് നിരക്ക് ഈടാക്കുന്നത്. പ്ര​വാ​സി​ക​ൾ ഇ​ന്ത്യ​യു​ടെ സാ​മ്പ​ത്തി​ക​നി​ല ഭ​ദ്ര​മാ​ക്കു​ന്ന​വ​രാ​ണ്. അ​വ​രു​ടെ ജോ​ലി ന​ഷ്​​ട​പ്പെ​ടു​ന്ന​ത് രാ​ജ്യ​ത്തി​െൻറ സാ​മ്പ​ത്തി​ക​മേ​ഖ​ല​ക്ക് ന​ഷ്​​ട​മാ​കും. നി​ല​വി​ലെ ഉ​യ​ർ​ന്ന ടി​ക്ക​റ്റു​ക​ൾ​ന​ൽ​കി സാ​ധാ​ര​ണ പ്ര​വാ​സി​ക്ക് ഒ​മാ​നി​ലേ​ക്ക് തി​രി​ച്ചു​വ​രു​ന്ന​ത്​ ദു​ഷ്​​ക​ര​മാ​യ കാ​ര്യ​മാ​ണ് എന്നതും നമ്മുടെ അധികൃതർ മറക്കരുത്.

മാ​സ​ത്തി​ൽ പ​ര​മാ​വ​ധി 100 റി​യാ​ൽ ശ​മ്പ​ളം കി​ട്ടു​ന്ന​ സാധാരണക്കാരായ പ്രവാസികൾ എ​ങ്ങ​നെ 300 റി​യാ​ൽ ന​ൽ​കി ടി​ക്ക​റ്റെ​ടു​ക്കാ​ൻ ക​ഴി​യു​മെ​ന്നാ​ണ് ഇ​വ​ർ ചോ​ദി​ക്കു​ന്ന​ത്. തി​രു​വ​ന​ന്ത​പു​ര​ത്തു​നി​ന്ന് സെ​പ്റ്റം​ബ​ർ അ​വ​സാ​നം വ​രെ 295 റി​യാ​ലാ​ണ് എ​യ​ർ​ഇ​ന്ത്യ എ​ക്പ്ര​സ് ഈടാക്കി വന്നിരുന്നത്. ഒ​ക്ടോ​ബ​ർ ആ​ദ്യ​ത്തോ​ടെ നി​ര​ക്ക് 156 റി​യാ​ലാ​യി കു​റ​യു​ന്നു​ണ്ട്. എന്നാൽ കോ​ഴി​ക്കോ​ട്ട് നി​ന്നും ക​ണ്ണൂ​രി​ൽ​നി​ന്നും സ​മാ​ന​മാ​യ നി​ര​ക്ക് ത​ന്നെ​യാ​ണ് ബ​ജ​റ്റ് വി​മാ​ന ക​മ്പ​നി​യാ​യ എ​യ​ർ ഇ​ന്ത്യ എ​ക്സ്​​പ്ര​സ് ഈ​ടാ​ക്കു​ന്ന​ത്. കോ​ഴി​ക്കോ​ട്ടു​നി​ന്ന് സെ​പ്റ്റം​ബ​ർ മു​ഴു​വ​ൻ 266 റി​യാ​ലാ​ണ് നി​ര​ക്ക് ഈടാക്കുന്നത്. ഒ​ക്ടോ​ബ​റി​ൽ ഇ​ത് 119 റി​യാ​ലാ​യി കു​റ​യു​മെന്നും കരുതുന്നുണ്ട്.