എന്തിനും ഏതിനും വ്യത്യസ്തതയാണ് ഏവരും പരീക്ഷിക്കുന്നത്. പ്രത്യേകിച്ച് ഭക്ഷണപ്രേമികൾ. ബർഗർ, കോഫി എന്നിവയിൽ എല്ലാം വ്യത്യസ്തത പരീക്ഷിക്കുന്നവർ പുതിയതായി മറ്റൊരു കണ്ടുപിടിത്തം കൂടി നടത്തിയിരിക്കുകയാണ്. ഭക്ഷണപ്രേമികളുടെ ഇഷ്ട വിഭവമായ വടാ പാവ് ആണ് ഇപ്പോഴത്തെ താരം. നമ്മള്‍ മലയാളികള്‍ക്ക് പെറോട്ട എന്ന പോലെ വടക്കേ ഇന്ത്യാക്കാരുടെ പ്രിയ ഭക്ഷണം ഇതാണ്.

ദുബായിൽ ഇപ്പോൾ ട്രെൻഡിങ് ആകുന്ന വടക്കേ ഇന്ത്യക്കാരുടെ പ്രിയ ഭക്ഷണം വാടാ പാവിന് ഇത്തിരി ഗാമ കൂടുതലാ. എന്നും കഴിക്കുന്ന വട പാവില്‍ നിന്നും ഒരു വെറൈറ്റിക്ക് മാറ്റിപ്പിടിച്ചിരിക്കുകയാണ്. ഇച്ചിരി കനത്തില്‍ തന്നെ..കാരണം ഇതു 22 കാരറ്റ് സ്വര്‍ണം പൂശിയ വട പാവാണ് കേട്ടോ...

ദുബൈയിലുള്ള ഓപാവ് എന്ന റസ്റ്റോറന്‍റിലാണ് പൊന്ന് പൂശിയ വട പാവുള്ളത്. ഇന്ത്യൻ ഭക്ഷണത്തിന് പേരുകേട്ട ഭക്ഷണശാലയാണ് ഒപാഓ. ലോകത്തിൽ ആദ്യമായാണ് 22 കാരറ്റ് സ്വർണ്ണം കൊണ്ട് വട പാവ് നിർമ്മിച്ചിരിക്കുന്നതെന്നാണ് ഇവര്‍ നിലവിൽ അവകാശപ്പെടുന്നത്.

വെണ്ണയും ചീസും ഒക്കെ ചേര്‍ത്ത് വളരെ ഗംഭീരമായിട്ടാണ് വടാപാവ് ഉണ്ടാക്കിയിരിക്കുന്നത്. മധുരക്കിഴങ്ങ് വറുത്തത്, പുതിനയില എന്നിവയോടൊപ്പമാണ് വട പാവ് ഏവർക്കും വിളമ്പുന്നത്. ഒരു വട പാവിന് 1,968 രൂപയാണ് വില. നേരത്തെ 24 കാരറ്റ് സ്വര്‍ണം പൂശിയ ബര്‍ഗറും വൈറലായിരുന്നു.