അങ്ങനെ കാത്തിരിപ്പുകൾക്ക് വിരാമമിട്ട് കുവൈത്തിലേക്ക് ഇന്ത്യയിൽ നിന്നുള്ള വിമാനങ്ങൾ പറന്നു തുടങ്ങി. ചൊവ്വാഴ്ച്ച മുതൽ സർവീസുകൾ തുടങ്ങിയിരിക്കുകയാണ്.

7 വിമാനങ്ങൾ ഇന്ത്യയിൽ നിന്നും ചെവ്വാഴ്ച്ച കുവൈത്തിലെത്തി.  കുവൈത്തിലേക്ക് നേരിട്ടുള്ള വിമാന സർവീസ് ഇന്ത്യൻ വിമാന കമ്പനികൾ തുടങ്ങിയതോടെ ടിക്കറ്റ് നിരക്കിലും വ്യത്യാസങ്ങൾ വരുമെന്ന് ട്രാവൽ ഏജൻസികൾ അറിയിച്ചു.

ഇന്ത്യയിൽ നിന്നും കുവൈത്തിലേക്കെത്തിയത് ഈ വിമാന സർവീസുകളാണ്. മുംബൈയിൽ നിന്നും ചെന്നൈയിൽ നിന്നും കുവൈത്ത് എയർവേസും, അഹമ്മദാബാദിൽ നിന്നും ഇന്ത്യാ ഗോയും, കൊച്ചിയിൽ നിന്നും എയർ ഇന്ത്യ എക്സ്പ്രസ്സും, ഡൽഹിയിൽ നിന്നും ജസീറ എയർവേസുമാണ്.

കുവൈത്തിലേക്കുള്ള വിമാന സർവിസുകൾ ചൊവ്വാഴ്ച മുതൽ വീണ്ടും തുടങ്ങിയ സാഹചര്യത്തിൽ എയർ ഇന്ത്യ എക്സ്പ്രസ് കുവൈത്തിലേക്കുള്ള ടിക്കറ്റ് ബുക്കിങ് തുടങ്ങി. ചൊവ്വ, വ്യാഴം ദിവസങ്ങളിൽ കൊച്ചിയിൽനിന്നും ബുധൻ, വെള്ളി, തിങ്കൾ ദിവസങ്ങളിൽ കോഴിക്കോട്ടുനിന്നുമാണ് സർവിസ് ഷെഡ്യൂൾ ചെയ്തിട്ടുള്ളത്.

ഏകദേശം 250 ദീനാറാണ് വില. ഇന്ത്യൻ രൂപ 60,000 രൂപ . കുവൈത്ത് എയർ വേയ്സ് ടിക്കറ്റ് നിരക്ക് 500 ദീനാറിന് മുകളിലാണ് ഉള്ളത്. കുവൈത്ത് എയർവേസ് ബുധൻ, വ്യാഴം ദിവസങ്ങളിൽ കൊച്ചിയിൽനിന്നും ഡൽഹിയിൽനിന്നും വിമാന സർവീസ് ഷെഡ്യൂൾ ചെയ്തിട്ടുണ്ട് .

കുവൈത്തിലേക്ക് വിവിധ വിദേശ രാജ്യങ്ങളിൽ നിന്നും മടങ്ങിയെത്തുന്ന ഗാർഹിക തൊഴിലാളികൾക്ക് ഇൻസ്റ്റിറ്റ്യൂഷണൽ ക്വാറന്റൈൻ ആവശ്യമില്ല. സ്പോൺസരോടൊപ്പം തൊഴിലാളികൾക്ക് വീടുകളിലേക്ക് പോകാൻ അനുമതിയുണ്ട് .

ആരോഗ്യ മന്ത്രാലയ അധികൃതർ അറിയിച്ചിരിക്കുന്നത് രാജ്യത്തേക്ക് തിരികെയെത്തുന്ന ഗാർഹിക തൊഴിലാളികൾക്ക് ഇൻസ്റ്റിറ്റ്യൂഷണൽ ക്വാറന്റൈൻ ആവശ്യമില്ലെന്നാണ് .

ഗാർഹിക തൊഴിലാളികൾക്ക് ഇൻസ്റ്റിറ്റിയൂഷണൽ ക്വാറന്റൈൻ രജിസ്റ്റർ ചെയ്യാതെ നേരിട്ട് സ്പോൺസർമാരുടെ വീടുകളിലേക്ക് പ്രവേശിക്കാനുള്ള വഴി തുറക്കുകയാണ്.പ്രത്യേകിച്ച് ഇന്ത്യ പോലുള്ള രാജ്യങ്ങളിൽ നിന്നെത്തുന്ന വർക്ക്.