കാറിനകത്ത് വെന്തുരുകിയിരുന്നത് 9 മണിക്കൂർ; മാതാപിതാക്കളുടെ അശ്രദ്ധയിൽ രണ്ട് ഇരട്ട കുട്ടികൾക്ക് ദാരുണാന്ത്യം
കാറിനകത്ത് വെന്തുരുകിയിരുന്നത് 9 മണിക്കൂർ.....മാതാപിതാക്കളുടെ അശ്രദ്ധയിൽ രണ്ട് ഇരട്ട കുട്ടികൾക്ക് ദാരുണാന്ത്യം... പ്രവാസ ലോകത്തിന്റെ കണ്ണ് നനയിപ്പിക്കുന്ന വാർത്ത ഇങ്ങനെ.... വാർത്തയ്ക്കു മുമ്പ് ഒരു അഭ്യർത്ഥന ആരും ഇങ്ങനെ ഇനി ചെയ്യാതിരിക്കട്ടെ.....
സൗത്ത് കാരലൈനയിലാണ് കരളലിയിപ്പിക്കുന്ന സംഭവം ഉണ്ടായത്. 20 മാസം പ്രായമുള്ള ഇരട്ട ആൺകുട്ടികൾ ഒൻപതുമണിക്കൂറോളം കാറിനകത്ത് അകപ്പെട്ടതിനെ തുടർന്ന് ചൂടേറ്റു മരിച്ചതായിട്ടാണ് മെഡിക്കൽ റിപ്പോർട്ട് വന്നിരിക്കുന്നത് .
സെപ്റ്റംബർ ഒന്നിനായിരുന്നു സംഭവം നടന്നത് . രാവിലെ ബ്രയ്ഡൻ, ബ്രയ്സൺ എന്നീ ഇരട്ടകുട്ടികളെ എസ്യുവിൽ കയറ്റി ഡേ കെയറിലേക്ക് പുറപ്പെട്ടതായിരുന്നു. എസ്യുവി ഓടിച്ചിരുന്നതു മാതാപിതാക്കളിൽ ഒരാൾ എന്ന നിഗമനത്തിലാണ് പൊലിസ് .
എന്നാൽ ഡേ കെയറിൽ പോകുന്നതിനിടെ കുട്ടികളെ അവിടെ ഇറക്കാൻ മറന്ന് മറ്റൊരു ലൊക്കേഷനിലേക്കാണ് വാഹനം ഡ്രൈവ് ചെയ്തത് . പിന്നീട് ജോലി സ്ഥലത്തു പ്രവേശിക്കുകയും ചെയ്തു .
അഞ്ചു മണിയോടെ പുറത്തുവന്ന ഇവർ കുട്ടിയെ ഡേ കെയറിൽ നിന്നും വിളിക്കാൻ പോയി. എന്നാൽ കുട്ടികൾ അവിടെ എത്തിയിട്ടില്ലെന്നു ഡേ കെയർ പറഞ്ഞു. അപ്പോഴായിരുന്നു സംഭവിച്ച അബദ്ധം മനസിലായത്. എന്നാൽ അപ്പോഴേക്കും ഒരുപാട് വൈകിയിരുന്നു.
വാഹനത്തിനു പുറകിൽ നോക്കിയപ്പോൾ കണ്ടത് ഭീകരമായ കാഴ്ച്ച . കുട്ടികൾ സീറ്റിൽ ചലനമറ്റ രീതിയിൽ ഇരിക്കുകയായിരുന്നു. ഉടനെ പോലിസ് എത്തി പ്രാഥമിക ചികിത്സ നൽകി. പക്ഷേ ജീവൻ രക്ഷിക്കാനായില്ല. പൊലീസ് മെഡിക്കൽ റിപ്പോർട്ട് പുറത്തുവന്നതിനു ശേഷമാണ് മരണകാരണം സ്ഥിരീകരിച്ചത്.
വാഹനത്തിന്റെ പിൻസീറ്റിനഭിമുഖമായിട്ടാണു സീറ്റുകൾ വച്ചിരുന്നത്. കുട്ടികളെ അതിൽ സീറ്റ് ബെൽറ്റ് ഇട്ടു വച്ച നിലയിലായിരുന്നു. അപകടമാണെന്നാണു പ്രാഥമിക നിഗമനം. അന്നേദിവസം പുറത്തെ താപനില 98 ഡിഗ്രിയായിരുന്നു. ചൂടു വർധിച്ചതോടെ ഇത്തരം സംഭവങ്ങൾ വർധിക്കുകയാണ്. കുട്ടികളെ വണ്ടിയിൽ ഇരുത്തി പോകരുത്.
അതേസമയം യു എ ഇയിലേക്കോ ഇതിനെതിരെ കർശന നിർദേശമുണ്ട്. 10 വയസ്സിന് താഴെയുള്ള കുട്ടികൾക്ക് മാളുകളിലും മറ്റ് പൊതു സ്ഥലങ്ങളിലും പ്രവേശിക്കുന്നതിന് നിരോധനം നിലനിൽക്കുന്ന സാഹചര്യമാണ്. നിരവധി മാതാപിതാക്കൾ ഷോപ്പിംഗ് സെന്ററുകളിലോ മാളുകളിലോ പ്രവേശിക്കുമ്പോൾ കുട്ടികളെ കാറുകളിൽ ഇരുത്തുന്നുണ്ട് . ഇത് കുട്ടിയുടെ ജീവന് അപകടമുണ്ടാക്കുന്നതിനാൽ നിയമപ്രകാരം ശിക്ഷാർഹമാക്കിയിരിക്കുകയാണ് യു എ ഇ .
https://www.facebook.com/Malayalivartha