സന്ദർശക വിസകള്‍ ഒക്ടോബറിൽ നൽകുമെന്ന് കുവൈറ്റ്; ശക്തമായ ആരോഗ്യ മാനദണ്ഡങ്ങൾക്ക് മുന്‍ നിര്‍ത്തി സന്ദര്‍ശക വിസകള്‍ അനുവദിക്കാന്‍ തീരുമാനമുണ്ടാകുമെന്ന് ആഭ്യന്തര മന്ത്രാലായത്തിന്‍റെ വിലയിരുത്തൽ
ജനജീവിതം സാധാരണ നിലയിലേക്ക് തിരിച്ചെത്തുന്ന സാഹചര്യത്തില്‍ കുവൈറ്റ് കൂടുതൽ നടപടികളിലേക്ക് കടക്കുകയാണ്. പ്രവാസികൾ എത്താൻ തുടങ്ങിയതോടെ യുഎഇയ്ക്ക് പിന്നാലെ കുവൈറ്റും എല്ലാ വിസകൾക്കും അനുമതി നല്കാൻ തീരുമാനിച്ചിരിക്കുകയാണ്. അടുത്ത മാസം തന്നെ പ്രവാസികളെ തേടി ആ വാർത്ത എത്തുകയാണ്....
പ്രവാസികൾക്ക് സന്തോഷം നൽകി കുവൈറ്റ് സന്ദർശക വിസകള്‍ ഒക്ടോബറിൽ അനുവദിച്ചുതുടങ്ങുമെന്ന് റിപ്പോർട്ട്. കഴിഞ്ഞ ഒന്നര വര്‍ഷമായി ഫാമിലി, വാണിജ്യ, വിനോദസഞ്ചാര സന്ദര്‍ശക വിസകള്‍ എല്ലാം തന്നെ കുവൈറ്റ് നിര്‍ത്തിവെച്ചിരിക്കുകയാണ്. ശക്തമായ ആരോഗ്യ മാനദണ്ഡങ്ങൾക്ക് മുന്‍ നിര്‍ത്തി സന്ദര്‍ശക വിസകള്‍ അനുവദിക്കാന്‍ തീരുമാനമുണ്ടാകുമെന്നാണ് ആഭ്യന്തര മന്ത്രാലായത്തിന്‍റെ വിലയിരുത്തൽ. കൊവിഡ് കുറഞ്ഞ സാഹചര്യത്തില്‍ കുവൈറ്റിലേക്കുള്ള യാത്ര വിലക്ക് കഴിഞ്ഞ ദിവസങ്ങളില്‍ എടുത്ത് മാറ്റിയിരുന്നു.
കൊറോണ എമർജൻസി കമ്മിറ്റിയുടെ അനുമതിക്ക് വിധേയരായി ആരോഗ്യമേഖലയിലെ ചില ജീവനക്കാര്‍ക്ക് മാത്രമാണ് ഇപ്പോള്‍ കുവൈറ്റ് സന്ദര്‍ശക വിസ അനുവദിച്ചിരിക്കുന്നത്. സാങ്കേതിക വിദഗ്ധര്‍, എഞ്ചിനീയര്‍മാര്‍, അധ്യാപകര്‍ എന്നിങ്ങനെയുള്ള ചില പ്രഫഷണലുകള്‍ക്കും സന്ദര്‍ശക വിസ അനുവദിക്കുന്നുണ്ട്. എന്നാൽ സന്ദര്‍ശക വിസ അനുവദിക്കുന്നത് കൂടുതല്‍ ആശ്വസമാകുന്നത് പ്രവാസികള്‍ക്കാണ്. കൊവിഡ് കാരണം നാട്ടില്‍ പോകാന്‍ സാധിക്കാത്ത പ്രവാസികൾ കുടുംബത്തെ ഇവിടേക്ക് കൊണ്ടുവരാൻ കാത്തിരിക്കുകയാണ്. ഇവർക്കാണ് ഏറെ ആശ്വാസമായി തീരുന്നത്.
എന്നാൽ വിമാന സര്‍വീസുകള്‍ തുടങ്ങിയെങ്കിലും പലരും നാട്ടില്‍ പോകാന്‍ മടിച്ച് നില്‍ക്കുകയാണ് പ്രവാസികൾ. കൊവിഡ് കേസുകള്‍ ഇപ്പോള്‍ കുറവാണ്. അടുത്ത ആഴ്ചയും ഇങ്ങനെ തുടര്‍ന്നാല്‍ ഒക്ടോബർ മുതൽ സന്ദർശക വിസ അനുവദിച്ച് തുടങ്ങും എന്ന് തന്നെയാണ് പ്രവാസികൾ പ്രേതീക്ഷിക്കുന്നത്. നിലവിൽ പുതിയ കൊവിഡ് കേസുകള്‍ റിപ്പോര്‍ട്ട് ചെയ്യുന്നത് കുറവാണ്. ഇതുകൂടാതെ തീവ്രപരിചരണ വിഭാഗത്തിലുള്ളവരുടെ എണ്ണവും, ടി.പി.ആർ നിരക്കും കുറഞ്ഞു വരുന്നതും വലിയ ആശ്വാസമാണ് നൽകുന്നത്.
കൊവിഡ് വാക്സിന്‍ വലിയ തോതില്‍ നല്‍കാന്‍ സാധിച്ചത് തന്നെയാണ് കൊവിഡ് കുറക്കാന്‍ സാധിച്ചതിന്‍റെ പ്രധാന കാരണമെന്ന് അധികൃതർ ചൂണ്ടിക്കാട്ടി. കണക്കനുസരിച്ച് കുവെെറ്റിലെ 90 ശതമാനം പേരും ആദ്യ ഡോസ് വാക്സിന്‍ സ്വീകരിച്ച് കഴിഞ്ഞു. വലിയ തോതില്‍ വാക്സിന്‍ ക്യാപെയ്ന്‍ നടത്തിയത് എല്ലാം കൊവിഡ് കുറക്കാന്‍ കാരണമായി മാറിയിട്ടുണ്ട്. ഘട്ടംഘട്ടമായി കുവൈറ്റ് സാധാരണ ജീവിതത്തിലേക്ക് വരുകയാണ്. ഇതുമൂലം നൽകുന്ന ഇളവുകൾ പരമാവധി പ്രയോജനപ്പെടുത്തുകയാണ് അധികൃതർ.
https://www.facebook.com/Malayalivartha
