കുവൈത്തില്‍ ഭാര്യ വഴക്കിനിടെ ഭര്‍ത്താവിനെ കുത്തി പരിക്കേല്‍പ്പിച്ചു. ഫര്‍വാനിയ ഏരിയയിലെ താമസസ്ഥലത്തുണ്ടായ വഴക്കിനിടെയാണ് ഈജിപ്ത് സ്വദേശിയായ സ്ത്രീ ഭര്‍ത്താവിനെ കുത്തിയത്. സാമ്ബത്തിക പ്രശ്‌നങ്ങളെച്ചൊല്ലിയുണ്ടായ വഴക്കിനിടെ ഭാര്യ ഭര്‍ത്താവിനെ കത്തി കൊണ്ട് കുത്തുകയായിരുന്നെന്നാണ് വിവരം. സംഭവത്തില്‍ കേസ് രജിസ്റ്റര്‍ ചെയ്ത പൊലീസ് സ്ത്രീയെ കസ്റ്റഡിയിലെടുത്തു. കുത്തേറ്റ ഭര്‍ത്താവ് ആശുപത്രിയില്‍ ചികിത്സയിലാണ്.