പുത്തനുണർവ് പ്രതീക്ഷിച്ച് ഗൾഫ് മേഖല; ശുഭസൂചന നൽകി യു.എ.ഇയിൽ നിന്നുള്ള യാത്രാവിലക്ക് പിൻവലിച്ച് സൗദി അറേബ്യ, ട്രാൻസിറ്റ് യാത്ര എളുപ്പമാക്കിയും വിസാ ഓൺ അറൈവൽ സംവിധാനം ഏർപ്പെടുത്തിയും സൗദി യാത്രക്കാരെ പരമാവധി ആകർഷിക്കാനുള്ള ഒരുക്കത്തിൽ യു.എ.ഇ
ഗൾഫ് രാഷ്ട്രങ്ങൾ ഘട്ടം ഘട്ടമായി വിലക്കുകൾ നീക്കിയിരിക്കുകയാണ്. പ്രവാസികൾ പഴയതുപോലെ തന്നെ ഗൾഫിലേക്ക് യാത്ര ചെയ്യാൻ ആരംഭിച്ചുകഴിഞ്ഞു. അങ്ങനെ നീണ്ട കാത്തിരിപ്പിന് പിന്നാലെ സജീവമാകുകയാണ് ഗൾഫ് രാഷ്ട്രങ്ങൾ. വിമാനങ്ങൾ സർവീസുകൾ ആരംഭിച്ചു കഴിഞ്ഞു. കൊറോണ നൽകിയ ആഘാതങ്ങൾ എല്ലാം തന്നെ പ്രതിരോധിച്ച് പുതിയ നാളേക്കായി കൈകോർത്ത് ഗൾഫ് രാഷ്ട്രങ്ങളും. അത്രയത്തിൽ ശുഭകരമായ റിപ്പോർട്ടുകളാണ് വരുന്നത്....
കഴിഞ്ഞ ദിവസമാണ് ശുഭസൂചന നൽകി യു.എ.ഇയിൽ നിന്നുള്ള യാത്രാവിലക്ക് സൗദി പിൻവലിച്ചത്.ഇത് ഗള്ഫ് വിപണിയില് ഉണര്വുണ്ടാക്കുമെന്നാണ് വിദഗ്ധരുടെ അഭിപ്രായം. നേരത്തെ സൗദിയിലേക്കുള്ള യാത്രക്കാർ ഇടത്താവളമാക്കിയിരുന്നത് യു.എ.ഇ ആയിരുന്നു. യാത്രാവിലക്കിനെ തുടർന്ന് മറ്റു രാജ്യങ്ങള് വഴിയാണ് ഇന്ത്യക്കാര് ഉള്പ്പെടെ സൗദിയിലേക്ക് എത്തിയിരുന്നത് .യു.എ.ഇക്കും സൗദിക്കും ഇടയിൽ മാസങ്ങളായി നിലനിന്ന യാത്രാവിലക്കാണ് കഴിഞ്ഞ ദിവസം അവസാനിക്കുന്നത്. കോവിഡ് പ്രതിസന്ധി കുറഞ്ഞതോടെ നിയന്ത്രണങ്ങൾ യു.എ.ഇ ഏറെക്കുറെ പിൻവലിച്ച ഘട്ടത്തിൽ തന്നെയാണ് സൗദി യാത്രയും സുഗമമാകുന്നത്.
അതോടൊപ്പം തന്നെ സൗദിയുടെ വിലക്കിനെ തുടർന്ന് ഖത്തർ, സെർബിയ, മാലിദ്വീപ് തുടങ്ങിയ രാജ്യങ്ങളെ ഇടത്താവളങ്ങളാക്കി മാറ്റിയത് മലയാളികൾ ഉൾപ്പെടെ ഇന്ത്യക്കാർക്ക് വലിയ സാമ്പത്തിക ചെലവിന് ഇടയാക്കിയിരുന്നു. ഹോട്ടൽ ക്വാറന്റൈൻ വ്യവസ്ഥകളാണ് സൗദിയാത്ര വലിയ പണച്ചെലവുള്ള ഒന്നാക്കി മാറ്റിയത്. ട്രാൻസിറ്റ് യാത്ര എളുപ്പമാക്കിയും വിസാ ഓൺ അറൈവൽ സംവിധാനം ഏർപ്പെടുത്തിയും സൗദി യാത്രക്കാരെ പരമാവധി ആകർഷിക്കാനുള്ള ഒരുക്കത്തിലാണ് ഇപ്പോൾ യു.എ.ഇ. ഇന്ത്യയെ റെഡ് ലിസ്റ്റിൽ നിന്ന് മാറ്റാത്ത സാഹചര്യത്തിൽ രണ്ടാഴ്ചക്കാലം സൗദി യാത്രക്കാർ യു.എ.ഇയിൽ തങ്ങേണ്ടി വരുമെന്നത് പ്രവാസികളും ഏറെ പ്രതീക്ഷയോടെയാണ് ഉറ്റുനോക്കുന്നത്.
കൂടാതെ സുഹൃത്തുക്കൾക്കും ബന്ധുക്കൾക്കുമൊപ്പം തങ്ങി സൗദിയിലേക്ക് പോകാൻ നൂറുകണക്കിനാളുകളാണ് ടിക്കറ്റിനായി സമീപിക്കുന്നതെന്ന് ട്രാവൽ ഏജൻസികൾ വ്യക്തമാക്കുകയുണ്ടായി. സൗദി സെക്ടർ സജീവമാകുന്നത് ഹോട്ടൽ, ടൂറിസം വിപണിക്കും വലിയ മെച്ചമാകും. അടുത്ത മാസം ഒന്നുമുതൽ ദുബൈയിൽ വേൾഡ് എക്സ്പോ ആരംഭിക്കാനിരിക്കെ, ലോക രാജ്യങ്ങളിൽ നിന്നുളള സന്ദർശക പ്രവാഹത്തിനാകും യു.എ.ഇ സാക്ഷ്യം വഹിക്കുക. ആയിരക്കണക്കിന് സന്ദർശക വിസകളാണ് യു.എ.ഇ ഇപ്പോള് അനുവദിച്ചു വരുന്നത്. ആയതിനാൽ തന്നെ ഇത് ഏറെ പ്രതീക്ഷകളോടെ ഉറ്റുനോക്കുകയാണ് പ്രവാസികൾ ഏവരും.
https://www.facebook.com/Malayalivartha