വിമാന സർവീസുകൾ പുനരാംരംഭിച്ചു; മാസങ്ങളായി അടഞ്ഞുകിടന്ന ആകാശവാതിലുകൾ തുറന്ന് ഗൾഫ് രാഷ്ട്രങ്ങൾ, യുഎഇ ഉൾപ്പടെയുള്ള രാഷ്ട്രങ്ങളുടെ വിലക്ക് നീക്കിയതിന് പിന്നാലെ സൗദി അറേബ്യയിൽ നിന്നും യു.എ.ഇയിലേക്കുള്ള വിമാന സർവീസുകൾ പുനരാംരംഭിച്ചു
കൊറോണ വ്യാപമാനം കുറഞ്ഞതിനെ തുടർന്ന് വിലക്കുകൾ നീക്കിയിരിക്കുകയാണ് ഗൾഫ് രാഷ്ട്രങ്ങൾ. മാസങ്ങളായി അടഞ്ഞുകിടന്ന ആകാശവാതിലുകൾ തുറക്കുമ്പോഴും സൗദി അറേബ്യയെ ഉറ്റുനോക്കുകയാണ് ഗൾഫ് രാഷ്ട്രങ്ങൾ. ഇളവുകൾക്ക് പിന്നിലും ഇന്ത്യ റെഡ് ലിസ്റ്റിൽ തന്നെയാണ്. നേരിട്ടുള്ള വിമാന സർവീസുകൾ ഒന്നും തന്നെ തുടങ്ങിയിട്ടില്ല. എന്നാൽ പ്രവാസികൾക്ക് പ്രതീക്ഷ നൽകി മറ്റൊരു ഗൾഫ് രാഷ്ട്രം രംഗത്ത് എത്തിയിരിക്കുകയാണ്...
യുഎഇ ഉൾപ്പടെയുള്ള രാഷ്ട്രങ്ങളുടെ വിലക്ക് നീക്കിയതിന് പിന്നാലെ സൗദി അറേബ്യയിൽ നിന്നും യു.എ.ഇയിലേക്കുള്ള വിമാന സർവീസുകൾ പുനരാംരംഭിച്ചിരിക്കുകയാണ്. യാത്രക്കാർക്ക് തങ്ങളുടെ വെബ്സൈറ്റ് വഴി ടിക്കറ്റുകൾ നേടാമെന്ന് സൗദി എയർലൈൻസ് അറിയിച്ചിരുന്നു. ഇതോടെ യു.എ.ഇ വഴിയെത്തുന്ന ഇന്ത്യക്കാർക്കും സൗദിയിലേക്ക് പ്രവേശിക്കാൻ സാധിക്കും. വിസിറ്റ്, ടൂറിസ്റ്റ് വിസകൾ അനുവദിച്ചാൽ തന്നെ നിരവധി യാത്രക്കാരാണ് ഈ യാത്രയ്ക്കായി തയ്യാറെടുക്കുന്നത്.
യുഎഇയിൽ നിന്ന് നേരിട്ട് ബുക്ക് ചെയ്താൽ യാത്രക്കാർക്ക് യാത്രാ ചിലവ് കുത്തനെ കുറക്കാനാകുമെന്നാണ് അധികൃതർ പറയുന്നത്. റിയാദ്, ജിദ്ദ എന്നിവിടങ്ങളില് നിന്നാണ് ദുബൈയിലേക്ക് പ്രതിദിന സര്വീസ് പുനരാരംഭിച്ചത്. സൗദി ഏയർലൈൻസ് ഇക്കാര്യം സ്ഥിരീകരിക്കുകയും ചെയ്തിട്ടുണ്ട്. യാത്രക്കാര്ക്ക് വെബ്സൈറ്റ് വഴി ബുക്കിംഗ് തുടങ്ങാമെന്നും എയര്ലൈന്സ് അറിയിച്ചു.
അതോടൊപ്പം തന്നെ ജൂലൈയില് നിര്ത്തിവെച്ചതിന് ശേഷം ഇതാദ്യമായാണ് ദുബൈയിലേക്ക് സൗദി എയര്ലൈന്സിന്റെ സർവീസ് ആരംഭിച്ചിരിക്കുന്നത്. യുഎഇ, അര്ജന്റീന, ദക്ഷിണാഫ്രിക്ക എന്നിവിടങ്ങളില് നിന്ന് സൗദി അറേബ്യയിലേക്കുള്ള പ്രവേശനവിലക്ക് കഴിഞ്ഞ ദിവസമാണ് നീക്കിയത്. സൗദി പൗരന്മാര്ക്ക് ഈ രാജ്യങ്ങളിലേക്കുള്ള യാത്രാവിലക്കും ആഭ്യന്തരമന്ത്രാലയം പിന്വലിക്കുകയുണ്ടായി. ഇതോടെ ഈ രാജ്യങ്ങളിൽ നിന്നും അനായാസം സൗദിയിലേക്ക് കടക്കാൻ സാധിക്കും.
ഇതിനായി സൗദി അംഗീകരിച്ച വാക്സിനും, പി.സി.ആർ നെഗറ്റീവ് സർട്ടിഫിക്കറ്റും, മുഖീം രജിസ്ട്രേഷനും പൂർത്തിയാക്കിയാൽ മതിയാകും. ഇതുള്ളവർക്ക് സൗദിയില് ക്വാറന്റൈന് ആവശ്യമില്ല. ഇന്ത്യയടക്കം ഇപ്പോഴും പ്രവേശനവിലക്കുള്ള രാജ്യങ്ങളില് 14 ദിവസത്തിനിടെ യാത്ര ചെയ്തവര്ക്ക് ക്വാറന്റൈന് പൂര്ത്തിയാക്കിയ ശേഷമേ സൗദിയിലേക്ക് പ്രവേശനം അനുവദിക്കുകയുള്ളൂ.
ആയതിനാൽ തന്നെ ഇന്ത്യൻ പ്രവാസികൾക്ക് യു.എ.ഇയിൽ എത്തി പതിനാലു ദിവസം പൂർത്തിയാക്കി സൗദിയിലേക്ക് കടക്കാവുന്നതാണ്. നേരിട്ട് ടിക്കറ്റ് ബുക്ക് ചെയ്താൽ സൗദി പ്രവാസികൾക്ക് യാത്രാ ചിലവും കുറയുന്നതായിരിക്കും. ഹോട്ടൽ ക്വാറന്റൈൻ യുഎഇയിൽ നിർബന്ധമല്ലാത്തതിനാൽ താൽക്കാലിക താമസം ലഭിച്ചാൽ കുറഞ്ഞ നിരക്കിൽ സൗദിയിലെത്താം. നിലവിൽ സൗദിയിൽ നിന്നും രണ്ട് ഡോസ് സ്വീകരിച്ച് നാട്ടിൽ പോയ പ്രവാസികൾക്ക് മാത്രമാണ് സൗദിയിലേക്ക് നേരിട്ട് മടങ്ങാൻ അനുമതി നല്കയിട്ടുള്ളത്.
https://www.facebook.com/Malayalivartha
