യു.എ.ഇ.യുടെ അടുത്ത 50 വർഷത്തേക്കുള്ള പ്രവർത്തനപദ്ധതിയുടെ ഭാഗമായി സ്വദേശികൾക്ക് കൂടുതൽ തൊഴിലവസരങ്ങൾ;പ്രതീക്ഷയോടെ പ്രവാസികളും
അടുത്ത 50 വർഷത്തേക്കുള്ള ആ വമ്പൻ പദ്ധതി.... യുഎഇയുടെ ചടുലമായ നീക്കം..... സ്വദേശികൾക്ക് അവസരം..... പ്രതീക്ഷയോടെ പ്രവാസികളും യു എ.ഇ.യുടെ അടുത്ത 50 വർഷത്തേക്കുള്ള പ്രവർത്തനപദ്ധതിയുടെ ഭാഗമായി സ്വദേശികൾക്ക് കൂടുതൽ തൊഴിലവസരമൊരുങ്ങങ്ങളാണ് സജ്ജമാകുന്നത്. സ്വകാര്യമേഖലയിൽ 2400 കോടി ദിർഹം മുതൽമുടക്കിൽ 75,000 തൊഴിലവസരം ലക്ഷ്യമിട്ടുകൊണ്ടുള്ള പ്രവർത്തനങ്ങളാണ് ലക്ഷ്യം .
ഇതിന്റെ അടിസ്ഥാനത്തിൽ, പഠിച്ചിറങ്ങുന്ന ബിരുദധാരികൾക്കും വിദ്യാർഥികൾക്കും ബിസിനസ് വികസനഫണ്ടായി 100 കോടി ദിർഹം മാറ്റിവെക്കുകയാണ് . സർക്കാർ സഹകരണത്തോടെയുള്ള സ്വകാര്യ മേഖലയിൽ പ്രവർത്തിക്കുന്നവർക്കുമുണ്ട് നേട്ടങ്ങൾ.
കുട്ടികൾക്കായി പ്രത്യേക അലവൻസ്, തൊഴിലില്ലായ്മ ആനുകൂല്യങ്ങൾ, ബിസിനസ് ആരംഭിക്കാൻ താത്പര്യമുള്ള സർക്കാർ ജീവനക്കാർക്ക് ആദ്യകാലവിരമിക്കൽ പദ്ധതികൾ എന്നിവയുണ്ട് . വേഗത്തിൽ മുന്നേറ്റം ഉണ്ടാകുന്ന തരത്തിൽ സമ്പദ്വ്യവസ്ഥയെ തയ്യാറാക്കുക എന്ന ദേശീയ ഉത്തരവാദിത്വമാണെന്ന ആശയത്തിലാണ് പദ്ധതികൾ നടപ്പാക്കുന്നതെന്ന് യു.എ.ഇ. കാബിനറ്റ് മന്ത്രി മുഹമ്മദ് അൽ ഗർഗാവി വ്യക്തമാക്കിയിരിക്കുകയാണ്.
ജനങ്ങളെ ശക്തരാക്കുക സമ്പദ്ഘടനയെ സുസ്ഥിരമാക്കുക എന്നിങ്ങനെയുള്ള ലക്ഷ്യങ്ങൾ സഫലമാക്കുകയാണ് അടുത്ത 50 വർഷത്തെ പദ്ധതിയിലൂടെ ലക്ഷ്യമിടുന്നതെന്നാണ് അബുദാബി കിരീടാവകാശിയും യു.എ.ഇ. സായുധസേന ഉപസർവ സൈന്യാധിപനുമായ ശൈഖ് മുഹമ്മദ് ബിൻ സായിദ് അൽ നഹ്യാൻ പറഞ്ഞത്.
അരനൂറ്റാണ്ടിന്റെ പ്രവർത്തനപദ്ധതിയെ കുറിച്ച് യു.എ.ഇ. സർക്കാർ പറയുമ്പോൾ വരാനിരിക്കുന്ന 50 വർഷം സംഭവബഹുലമായിരിക്കുമെന്ന് അദ്ദേഹം ചൂണ്ടിക്കാണിക്കുന്നു . രാഷ്ട്രീയവും സാമ്പത്തികവും സാമൂഹികവും എന്നീ മേഖലയിലുള്ള മുന്നേറ്റത്തിന് ലക്ഷ്യമിട്ട് 10 തത്ത്വങ്ങളെ അടിസ്ഥാനപ്പെടുത്തിയുള്ള 50 പദ്ധതികളാണ് യു.എ.ഇ. നടപ്പാക്കുന്നത് .
യു.എ.ഇ. പ്രസിഡന്റ് ശൈഖ് ഖലീഫ ബിൻ സായിദ് അൽ നഹ്യാന്റെ നിർദേശപ്രകാരം വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂം, അബുദാബി കിരീടാവകാശി എന്നിവരുടെ മേൽനോട്ടത്തിലാണ് പദ്ധതികൾ നടപ്പാക്കുവാൻ ഒരുങ്ങുന്നത് .
50 ഇന പദ്ധതികളുണ്ട്. ഇവയുടെ ആദ്യഘട്ടത്തിൽ ഒരുപാട് ആനുകൂല്യങ്ങൾ നൽകുന്ന ഗ്രീൻ വിസയും ഫ്രീലാൻസ് വിസയുമാണ് പ്രഖ്യാപിച്ചിരിക്കുന്നത് . പദ്ധതികളിൽ ആദ്യഘട്ടം യു.എ.ഇ. വിദേശവ്യാപാര സഹമന്ത്രി ഡോ.താനി ബിൻ അഹമദ് അൽ സിയൂദിയാണ് പ്രഖ്യാപിച്ചത്. നിക്ഷേപകർക്കും വ്യാപാര സമൂഹത്തിനും പ്രൊഫഷണലുകൾക്കും മുതിർന്ന പൗരന്മാർക്കുമായാണ് ഗ്രീൻവിസ എന്ന പുതിയ പദ്ധതിയൊരുക്കുന്നത്.
https://www.facebook.com/Malayalivartha