വിസ്മയങ്ങള് ഒളിപ്പിച്ച എക്സ്പോ വേദി; കാഴ്ചകൾ കണ്ട് സൈക്കിള് സവാരി നടത്തി ദുബൈ ഭരണാധികാരി ശൈഖ് മുഹമ്മദ് ബിന് റാഷിദ് അല് മക്തൂം, അടിസ്ഥാന സൗകര്യ നിര്മാണം പൂര്ത്തിയായെന്നും എക്സ്പോയ്ക്കായി ദുബൈ സജ്ജമായെന്നും ശൈഖ് മുഹമ്മദ്
ലോകത്തെ ഒരു കുടക്കീഴിൽ എത്തിക്കുകയാണ് ദുബായ് എക്സ്പോ 2020. ദുബായില് അടുത്ത മാസം ആരംഭിക്കാനിരിക്കുന്ന എക്സ്പോ 2020നായി ലോകം മുഴുവനും ഏറെ ആകാംക്ഷയോടെയാണ് കാത്തിരിക്കുന്നത്. അങ്ങനെ വിസ്മയങ്ങള് ഒളിപ്പിച്ച എക്സ്പോ വേദികളിലൂടെ സൈക്കിള് സവാരി നടത്തി യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിന് റാഷിദ് അല് മക്തൂം.
കഴിഞ്ഞ ദിവസം ദുബായ് മീഡിയ ഓഫീസാണ് സൈക്കിള് സവാരിയുടെ ചിത്രങ്ങള് പുറത്തുവിട്ടത്. ചെറു സംഘത്തോടൊപ്പം സൈക്കിളില് എക്സ്പോ വേദിയിലൂടെ സഞ്ചരിക്കുന്ന ശൈഖ് മുഹമ്മദിന്റെ ചിത്രങ്ങള് സാമൂഹിക മാധ്യമങ്ങളിലും അധികം വൈകാതെ തന്നെ വൈറലായി.
വിസ്മയകരമായ അനുഭവമായിരിക്കും എക്സ്പോ 2020 എന്ന് ശൈഖ് മുഹമ്മദ് അഭിപ്രായപ്പെടുകയുണ്ടായി. നേരത്തെ സെപ്റ്റംബര് ഒന്നിന് വേദികളിലെത്തിയ അദ്ദേഹം ഒരുക്കങ്ങള് നേരിൽക്കണ്ട് വിലയിരുത്തുകയും ചെയ്തു. ഒരു മാസത്തെ കൗണ്ട്ഡൗണിനും അന്ന് അദ്ദേഹം തുടക്കം കുറിച്ചിരുന്നു. അടിസ്ഥാന സൗകര്യ നിര്മാണം പൂര്ത്തിയായെന്നും എക്സ്പോയ്ക്കായി ദുബായ് സജ്ജമായെന്നും അദ്ദേഹം അറിയിക്കുകയും ചെയ്തു.
അതോടൊപ്പം തന്നെ ഏറ്റവും സുരക്ഷിതമായ രീതിയില് എക്സ്പോ സംഘടിപ്പിക്കാനാവുമെന്ന് പ്രത്യാശ പ്രകടിപ്പിച്ച അദ്ദേഹം യുഎഇയില് കൊവിഡ് നിയന്ത്രണ വിധേയമാക്കുന്നതിനായി പരിശ്രമിച്ച എല്ലാവരെയും അഭിനന്ദിക്കുകയും ചെയ്തു.
കൂടാതെ ഒക്ടോബര് ഒന്ന് മുതല് ആരംഭിക്കാനിരിക്കുന്ന എക്സ്പോ 2020ല് 190 രാജ്യങ്ങളാണ് പങ്കെടുക്കുന്നത്. 25 ദശലക്ഷം സന്ദര്ശകരെയാണ് വിവിധ രാജ്യങ്ങളില് നിന്ന് ഇക്കാലയളവില് അധികൃതർ പ്രതീക്ഷിക്കുന്നത്. 2020ല് നടക്കേണ്ടിയിരിക്കുന്ന എക്സ്പോ കൊവിഡ് സാഹചര്യത്തിലാണ് ഈ വര്ഷം ഒക്ടോബറിലേക്ക് മാറ്റിവെച്ചത്. 2022 മാര്ച്ച് 31നാണ് സമാപനം.
https://www.facebook.com/Malayalivartha