സൗദി അറേബ്യയിൽ യുവാവിന്റെ പരാക്രമം സ്വന്തം മാതാപിതാക്കളോട്. ജീവൻ നൽകി വളർത്തി വലുതാക്കിയ മാതാപിതാക്കളെ അതിദാരുണമായി കുത്തി കൊലപ്പെടുത്തിയിരിക്കുകയാണ് യുവാവ്.

മക്കയിലായിരുന്നു മനസ്സാക്ഷിയെ വേദനിപ്പിക്കുന്ന തരത്തിലുള്ള കൊലപാതകം നടന്നത്. പ്രതിയുടെ സഹോദരിയായിരുന്നു സംഭവം പൊലീസില്‍ അറിയിച്ചത്. സംഭവം അറിഞ്ഞ ഉടൻ തന്നെ സുരക്ഷാ വിഭാഗങ്ങളും റെഡ്ക്രസന്റ് സംഘവും സ്ഥലത്തെത്തുകയും ചെയ്തു.

62 വയസുകാരിയായ അമ്മ സംഭവ സ്ഥലത്തുവെച്ചുതന്നെ മകന്റെ കുത്തേറ്റ് മരിച്ചു. 70കാരനായ പിതാവിനെ റെഡ്ക്രസന്റ് സംഘം കിങ് ഫൈസല്‍ ആശുപത്രിയിലേക്ക് മാറ്റിയിരുന്നു .

പരിക്കുകള്‍ ഗുരുതരമായിരുന്നതിനാല്‍ ആശുപത്രിയില്‍ വെച്ച് പിന്നീടാണ് പിതാവ് മരണപ്പെട്ടത്. കൊലപാതകത്തിന് ശേഷം പ്രതി വീട്ടിലെ ബാത്ത്റൂമില്‍ ഒളിച്ചിരിക്കുകയായിരുന്നു.

ഇവിടെ നിന്നായിരുന്നു പ്രതിയെ പൊലീസ് അറസ്റ്റ് ചെയ്‍തത്. സംഭവത്തില്‍ പൊലീസ് അന്വേഷണം പുരോഗമിക്കുന്നുണ്ട് . പ്രതിയെ തുടര്‍ നടപടികള്‍ക്കായി പ്രോസിക്യൂഷന് കൈമാറി.

സ്വന്തം മകന്റെ കൈ കൊണ്ട് മരിച്ചിരിക്കുകയാണ് മാതാപിതാക്കൾ.എന്തുകൊണ്ട് മകൻ ഇങ്ങനെ ഒരു ക്രൂരകൃത്യം ചെയ്തു എന്നത് വിശദമായ അന്വേഷണത്തിന് ശേഷം മാത്രമേ മനസ്സിലാക്കാൻ സാധിക്കുകയുള്ളൂ.

കൊലപാതകക്കുറ്റത്തിന് സാധാരണ സൗദിയിൽ വധശിക്ഷയാണ് നടപ്പാക്കുക. ഈ കേസിലും അത്തരത്തിൽ ഒരു വിധി തന്നെയാണോ വരുന്നത് എന്നത് അന്വേഷണത്തിനൊടുവിൽ മാത്രമേ മനസ്സിലാക്കാൻ സാധിക്കുകയുള്ളൂ. മകൻ എന്തുകൊണ്ട് മാതാപിതാക്കളെ ഇങ്ങനെ ചെയ്തു എന്നത് വളരെ പ്രാധാന്യമുള്ള ഒരു ചോദ്യം തന്നെയാണ്. അന്വേഷകരുടെ അടുത്ത നീക്കവും ആ പ്രധാനപ്പെട്ട ചോദ്യത്തിനുള്ള ഉത്തരം കണ്ടെത്തുക എന്നതാണ്.