കണ്ണൂര് അബ്ദുല് റഹ്മാന് ദോഹയില് നിര്യതനായി; താമസസ്ഥലത്തെ കുളിമുറിയില് കുഴഞ്ഞു വീണ് ഗുരുതരാവസ്ഥയില് ചികിത്സയിൽ കഴിയുകയായിരുന്നു
പ്രവാസികൾക്ക് നൊമ്പരമായി പ്രവാസി മലയാളി. കണ്ണൂര് തൂവ്വക്കുന്ന് സ്വദേശി കുനിയില് അബ്ദുല് റഹ്മാന്ദോഹയില് നിര്യതനായി. 40 വയസ്സാണ്. കഴിഞ്ഞ വെള്ളിയാഴ്ച താമസസ്ഥലത്തെ കുളിമുറിയില് കുഴഞ്ഞു വീണതിനെ തുടര്ന്ന് ആശുപത്രിയില് പ്രവേശിപ്പിച്ച അബ്ദുല് റഹ്മാന് ഗുരുതരാവസ്ഥയില് ചികിത്സയിൽ കഴിയുകയായിരുന്നു. ഹമദ് ആശുപത്രിയില് വെന്റിലേറ്ററില് ചികിത്സയിലിരിക്കെയാണ് തിങ്കളാഴ്ച ഇദ്ദേഹം മരണത്തിന് കീഴടങ്ങിയത്.
ദോഹയില് അബുഹമൂര് ഖബര്സ്ഥാന്പള്ളിയില് മയ്യത്ത് നമസ്കാരം കഴിഞ്ഞ ശേഷം, നടപടികള് പൂര്ത്തിയാക്കി രാത്രിയോടെ മൃതദേഹം നാട്ടിലേക്ക് അയച്ചു. ചൊവ്വാഴ്ച രാവിലെ തൂവക്കുന്ന് കല്ലുമ്മല് ജുമാമസ്ജിദ് ഖബര്സ്ഥാനില് ഖബറടക്കുന്നതാണ്.
അതോടൊപ്പം തന്നെ അസ്മീര് ട്രേഡിങ് കമ്പനിയുടെ പാര്ട്ണറായ അബ്ദുല് റഹ്മാന് ഖത്തറില് ബിസിനസ് നടത്തിവരികയായിരുന്നു. പരേതരായ കുനിയില് അമ്മദ്ഹാജി - ആയിശ ദമ്ബതികളുടെ മകനാണ്. പിതാവ് അമ്മദ് ഹാജി ആറ് മാസം മുമ്ബ് കോവിഡ് ബാധിച്ച് മരിച്ചിരുന്നു. ഭാര്യ: സഫ്രജ. മൂന്നു മക്കളുണ്ട്. സഹോദരങ്ങള്: സൈനബ, അഷറഫ്, ആസ്യ, അസ്മ.
https://www.facebook.com/Malayalivartha