തിളങ്ങി സൗദി അറേബ്യ; ഏഷ്യയിലെ ഏറ്റവും മികച്ച കാര്ഗോ സര്വീസിനുള്ള ഈ വര്ഷത്തെ പുരസ്കാരം സൗദി എയര്ലൈന്സിന് സ്വന്തം
വീണ്ടും തിളങ്ങി സൗദി അറേബ്യ. ഏഷ്യയിലെ ഏറ്റവും മികച്ച കാര്ഗോ സര്വീസിനുള്ള ഈ വര്ഷത്തെ പുരസ്കാരം സൗദി എയല്ലൈന്സ് കരസ്ഥമാക്കിയിരിക്കുകയാണ്. ചരക്ക് ഗതാഗത മേഖലയിലെ മികച്ച സേവനം മുന്നിര്ത്തിയാണ് അവാര്ഡിനായി ഇത് തെരഞ്ഞെടുത്തത്. ലണ്ടനില് വെച്ച് നടന്ന ചടങ്ങില് പുരസ്കാരം വിതരണം ചെയ്യുകയുണ്ടായി. കൂടാതെ എയര്ലൈന് കാര്ഗോ രംഗത്തെ മികച്ച സേവനങ്ങള്ക്കുള്ള പുരസ്കാരമാണ് സൗദി എയര്ലൈന്സ് കാര്ഗോ കമ്പനിക്ക് ലഭിച്ചിരിക്കുന്നത്.
അതോടൊപ്പം തന്നെ ഏഷ്യയിലെ ഏറ്റവും മികച്ച കാര്ഗോ കമ്പനി എന്ന പദവിയാണ് പുരസ്കാരത്തിന് അര്ഹമാക്കിയത്. അന്താരാഷ്ട്ര എയര് ഷിപ്പിങ് കമ്പനികളുടെ പ്രാദേശിക അന്താരാഷ്ട്ര വ്യാപാര രംഗത്തെ ചരക്ക് നീക്കത്തിന് കമ്പനി നല്കിയ സേവനങ്ങള് വിലയിരുത്തിയാണ് പുരസ്കാരം നൽകിയത്. കമ്പനിയുടെ സേവനങ്ങള് സൗദിയുടെ ചരക്ക് നീക്കത്തെ ശക്തിപ്പെടുത്തുന്നതിനും അത് വഴി സമ്പദ്വ്യവസ്ഥയെ ഉത്തേജിപ്പിക്കുന്നതിനും ഇടയാക്കിയിരുന്നു.
കൂടാതെ കയറ്റുമതി മേഖലയില് ആഗോള ഹബ്ബായി സൗദിയെ മാറ്റുന്നതിനും കമ്പനിയുടെ സേവനങ്ങള് സഹായകമായി മാറിയതായും വിലയിരുത്തുകയുണ്ടായി. കഴിഞ്ഞ വര്ഷം മിഡില് ഈസ്റ്റിലെ ട്രാന്സ്പോര്ട്ട് ആന്റ് ലോജിസ്റ്റിക്സ് അവാര്ഡിനും സൗദി എയല്ലൈന്സ് അര്ഹമായിട്ടുണ്ട്. കോവിഡ് കാലത്തെ മികച്ച കാര്ഗോ സേവനങ്ങളുടെ പേരിലായിരുന്നു പുരസ്കാരം നൽകിയത്.
https://www.facebook.com/Malayalivartha
