ഇതാണ്ടാ ദുബായ് പോലീസ്; പ്രായപൂര്ത്തിയാകാത്ത പെണ്കുട്ടിയെ പെണ്വാണിഭ സംഘത്തില്നിന്നും രക്ഷിച്ച് കയ്യടി നേടി ദുബായ് പോലീസ്
സുരക്ഷയുടെ കാര്യത്തിൽ യുഎഇ മുന്നിലാണ്. അതിന് പ്രധാന കാരണം അവിടുത്തെ പോലീസ് തന്നെയാണ്. എന്തിനും ഏതിനും ഒരു വിളിപ്പാടകലെ അവർ ഉണ്ടാകും. അത്തരത്തിൽ നിരവധി സംഭങ്ങളാണ് വാർത്തകളിൽ ഇടം നേടിയിട്ടുള്ളത്. പ്രവാസികൾക്കും പ്രിയപ്പെട്ടവരാണ്. കൈത്താങ്ങായി പല സാഹചര്യങ്ങളിലും അവർ എത്തുമ്പോൾ പ്രവാസികൾ നിറഞ്ഞ ഹൃദയത്തോടെയാണ് കയ്യടിച്ചിട്ടുള്ളത്. ഇപ്പോഴിതാ അത്തരത്തിൽ ഏറെ നിർണായകമായ വാർത്തയാണ് പുറത്ത് വരുന്നത്.
പ്രായപൂര്ത്തിയാകാത്ത പെണ്കുട്ടിയെ പെണ്വാണിഭ സംഘത്തില്നിന്നും രക്ഷിച്ചിരിക്കുകയാണ് ദുബായ് പോലീസ്. കൗമാരക്കാരിയെ നിര്ബന്ധിച്ചു സംഘത്തില് ചേര്ക്കാന് ശ്രമിക്കുന്നതായി പോലീസിന് രഹസ്യ വിവരം ലഭിക്കുകയുണ്ടായി. ഇതെതുടര്ന്ന് ഹോട്ടല് മുറിയില് നടത്തിയ റെയിഡിലാണ് കുട്ടിയെ പോലീസ് കണ്ടെത്തിയത്. തികച്ചും അവസരോചിതമായ ഇടപെടൽ തന്നെയാണ് പോലീസ് നടത്തിയിരിക്കുന്നത്.
അതേസമയം നല്ല ശമ്പളമുള്ള ജോലി വാഗ്ദാനം ചെയ്തുകൊണ്ടാണ് 17 കാരിയെ മൂന്ന് പേര് ചേര്ന്ന് വാണിഭ സംഘത്തില് ചേരാന് പ്രേരിപ്പിച്ചതെന്ന് ദുബായ് ഫസ്റ്റ് ഇന്സ്റ്റന്സ് കോടതി പറയുകയുണ്ടായി.
ഉപഭോക്താവായി വേഷമിട്ട രഹസ്യ പോലീസ് ഉദ്യോഗസ്ഥനാണ് നിർണായക വിവരങ്ങള് കണ്ടെത്തിയത്. ഓഫീസര് മറ്റൊരു പോലീസുകാരന് സിഗ്നല് നല്കി മുറിയില് റെയ്ഡ് ചെയ്യുകയും രണ്ട് പുരുഷ പ്രതികളെ അറസ്റ്റ് ചെയ്യുകയുമാണ് ചെയ്തത്. അല് ബറാഹയിലെ മറ്റൊരു മുറിയില് നിന്നാണ് പെണ്കുട്ടിയെ പോലീസ് പിടികൂടിയത്.
https://www.facebook.com/Malayalivartha