പ്രവാസികൾ കുവൈറ്റ് വിടുന്നു; തൊഴില് ഉപേക്ഷിച്ച് പോകുന്നവരില് കൂടുതലും ഇന്ത്യക്കാരാണെന്ന് ലേബര് മാര്ക്കറ്റ് സിസ്റ്റം പുറപ്പെടുവിച്ച റിപ്പോര്ട്ട് പുറത്ത്, സ്വകാര്യ മേഖലയില് മാത്രം പുറത്തുപോയത് 21,341 ഇന്ത്യക്കാർ

കുവൈറ്റ് കടുത്ത നിബന്ധനകളാണ് പ്രവാസികൾക്ക് ഏർപ്പെടുത്തി വരുന്നത്. കുവൈറ്റിലെ 60 വയസ്സ് കഴിഞ്ഞ പ്രവാസികള്ക്ക് വിസ പുതുക്കാന് 2000 ദിനാര് ഫീസ് നല്കണമെന്ന് അവസാനമായി പ്രഖ്യാപിച്ച വ്യവസ്ഥ ഒഴിവാക്കണമെന്നാവശ്യം ശക്തമായി തന്നെ ഉയരുകയാണ്. ഇതിനുപിന്നാലെയാണ് മറ്റൊരു വാർത്ത കൂടി പുറത്ത് വരുന്നത്. തൊഴില് ഉപേക്ഷിച്ച് പോകുന്നവരില് കൂടുതലും ഇന്ത്യക്കാരാണെന്ന് ലേബര് മാര്ക്കറ്റ് സിസ്റ്റം പുറപ്പെടുവിച്ച റിപ്പോര്ട്ട് പുറത്ത് വന്നിരിക്കുകയാണ്.
21,341 ഇന്ത്യക്കാരാണ് സ്വകാര്യ മേഖലയില് മാത്രം പുറത്തുപോയത്. ഗാര്ഹിക തൊഴില് മേഖലയിലും തൊഴില് ഉപേക്ഷിച്ചവരില് കൂടുതല് പേരും ഇന്ത്യക്കാരാണ്. 10,169 പേര്. 11,135 ഈജിപ്തുകാരും, 6,136 ബംഗ്ലാദേശുകാരും ഈ കാലയളവില് കുവൈറ്റില് നിന്ന് പോയി. ഫിലിപ്പീന്സാണ് രണ്ടാമത് 2543 പേര്.
രാജ്യം വിട്ട ഗാര്ഹിക തൊഴിലാളികളുടെ എണ്ണം ഇങ്ങനെയാണ്...
ഇന്ത്യ- 10169
ഫിലിപ്പീന്സ്- 2543
ബംഗ്ലാദേശ്- 773
എത്യോപ്യ- 177
നേപ്പാള്- 664
ഇന്തോനേഷ്യ- 22
ഐവറി കോസ്റ്റ്- 249
പാകിസ്ഥാന്- 17
ബാക്കി രാജ്യങ്ങളില് നിന്ന്- 431
കുവൈറ്റില് സ്വകാര്യ മേഖലയില് നിന്ന് പോയവര്
ഇന്ത്യ- 21341
ഈജിപ്ത്- 11135
ബംഗ്ലാദേശ്- 6136
പാകിസ്ഥാന്- 1250
ഫിലിപ്പീന്സ്- 1953
സിറിയ- 253
നേപ്പാള്- 4185
ജോര്ദാന്- 236
ഇറാന്- 210
ബാക്കി രാജ്യങ്ങളില് നിന്ന്- 4268
https://www.facebook.com/Malayalivartha

























