കൊറോണ വ്യാപനം പ്രതിരോധിക്കാൻ വാക്‌സിൻ എല്ലാവർക്കും അതിവേഗം നല്കിവരുകയാണ് ലോകരാഷ്ട്രങ്ങൾ. വാക്‌സിൻ ലഭിച്ചതുമൂലമാണ് പ്രവാസികൾക്ക് യാത്ര പോലും സാധ്യമായത്. ഓരോ രാഷ്ട്രവും അംഗീകരിച്ച വാക്‌സിൻ രണ്ട് ഡോസും സ്വീകരിച്ചവർക്ക് യാത്രാനുമതിയോടൊപ്പം തന്നെ നിരവധി ഇളവുകാലം നല്കുവരുന്നത്. അങ്ങനെ പ്രവാസികൾക്ക് ആശ്വാസം നൽകി ഖത്തറിന്റെ തീരുമാനം പുറത്ത്....

ഇന്ത്യയിൽ നിന്ന് കോവിഷീൽഡ് വാക്‌സിനേഷൻ പൂർത്തിയാക്കി ഖത്തറിൽ എത്തുന്നവർക്ക് 10 ദിവസത്തെ ഹോട്ടൽ ക്വാറന്റീനിൽ ഇളവ് നൽകിത്തുടങ്ങിയിരിക്കുകയാണ്. ഇന്ത്യയിൽ നിന്ന് ഗൾഫ് രാഷ്ട്രങ്ങളിൽ എത്തിച്ചേരാൻ ലക്ഷങ്ങൾ ചിലവാകുന്ന സാഹചര്യത്തിലാണ് ഇത്തരത്തിൽ നിർണായക പ്രഖ്യാപനം നൽകുന്നത്.

ഖത്തറിന്റെ പ്രഖ്യാപനം അനുസരിച്ച് ഇന്ത്യയിൽ നിന്നെത്തുന്നവർക്ക് 2–ാം ദിവസം റാപ്പിഡ് ആന്റിബോഡി, പിസിആർ പരിശോധനയിൽ രോഗമില്ലെന്നു സ്ഥിരീകരിച്ചാൽ ക്വാറന്റീൻ അവസാനിപ്പിക്കാൻ ഒരാഴ്ചയായി അനുമതി നൽകുന്നുണ്ടെങ്കിലും ഇതുവരെ ഔദ്യോഗികമായി പ്രഖ്യാപിച്ചിട്ടില്ല എന്നത് ചെറിയ ആശങ്കയായി നിലനിൽക്കുന്നു. ക്വാറന്റീനിൽ കഴിയാൻ മുൻകൂറായി അടച്ചതിന്റെ ബാക്കി തുക തിരികെ ലഭിക്കും.

ആയതിനാൽ തന്നെ ഖത്തറിലേക്കു യാത്ര ചെയ്യുന്നവർ 10 ദിവസത്തെ ക്വാറന്റീന് ഹോട്ടൽ മുറി ബുക്ക് ചെയ്യണം എന്നത് നിർബന്ധമാണ്. ഇന്ത്യയിൽ വിതരണം ചെയ്യുന്ന കോവിഷീൽഡ് വാക്‌സീനു മാത്രമാണ് ഖത്തറിൽ അംഗീകാരം നൽകിയിട്ടുള്ളത്. ഓഗസ്റ്റ് 2 ന് പ്രാബല്യത്തിൽ വന്ന വ്യവസ്ഥകൾ പ്രകാരം ഇന്ത്യയടക്കം സ്‌പെഷൽ സോൺ വിഭാഗത്തിലെ 6 രാജ്യക്കാരിൽ ഖത്തറിൽ വാക്‌സിനേഷൻ പൂർത്തിയാക്കിയവർക്കും കോവിഡ് വന്നു ഭേദമായവർക്കും 2 ദിവസമാണ് ഹോട്ടൽ ക്വാറന്റീൻ ഏർപ്പെടുത്തിയിട്ടുള്ളത്.

അതോടൊപ്പം തന്നെ രണ്ടാം ദിവസത്തെ പിസിആർ പരിശോധനാ ഫലം നെഗറ്റീവെങ്കിൽ ക്വാറന്റീൻ അവസാനിപ്പിക്കാവുന്നതാണ്. പോസിറ്റീവ് ആണെങ്കിൽ ആശുപത്രിയിലേക്കു മാറ്റുന്നതായിരിക്കും. അതത് രാജ്യങ്ങളിൽ വാക്‌സീനെടുത്തവർ 10 ദിവസം ഹോട്ടൽ ക്വാറന്റീനിൽ കഴിയണമെന്ന വ്യവസ്ഥയിലാണ് ഏതാനും ദിവസങ്ങളായി അനൗദ്യോഗികമായി ഇളവ് അനുവദിച്ചത്. എന്തായാലും പ്രവാസികൾക്ക് ചെറിയ ആശ്വാസം നൽകിക്കൊണ്ടാണ് ഇളവുകൾ നൽകിയിരിക്കുന്നത്.