10 വർഷത്തെ വർഷത്തെ കാത്തിരിപ്പിന് ശേഷം ലോകം ഒന്നടങ്കം കാത്തിരുന്ന ആ വാർത്ത എത്തി. കൊറോണ വ്യാപനം നൽകിയ പ്രതിസന്ധികൾക്കിടയിലും പ്രവാസികളെ ഇരുകയ്യും നീട്ടി സ്വീകരിച്ച് ദുബായ് എക്സ്പോ 2020 ആരംഭിച്ചു. കൂടുതൽ സൗകര്യങ്ങൾ സജ്ജമാക്കി അധികൃതർ രംഗത്ത്. പ്രവാസികൾക്ക് പുത്തൻ ഉണർവ് നൽകി നാടും നഗരവും ഒരുങ്ങിക്കഴിഞ്ഞു. എക്സ്പോയ്ക്കായി എത്തുന്ന യാത്രക്കാർക്ക് പ്രത്യേക സജ്ജീകരണങ്ങളാണ് ഒരുക്കിയിട്ടുള്ളത്....

എക്സ്പോ 2020 പ്രവേശന ടിക്കറ്റ് ചൂടപ്പം പോലെ വിറ്റഴിയുകയാണ് എങ്ങനെയാണ് ടിക്കറ്റ് സ്വന്തമാക്കാനാകുക? എത്രയാണ് നിരക്ക്? സൗജന്യ പ്രവേശനം ആർക്കൊക്കെ? ടിക്കറ്റ് ലഭ്യമാകുന്ന സ്ഥലങ്ങൾ എവിടെ? എന്ന സംശയങ്ങൾ വീണ്ടും ബാക്കിയാകുമ്പോൾ, ആശങ്ക വേണ്ടാ... ഇത് കേൾക്കൂ!

കരുതുംപോലെ ഒരു ദിവസം കൊണ്ട് കണ്ടുതീർക്കാവുന്നതല്ല എക്സ്പോ 2020യുടെ വർണ്ണക്കാഴ്ചകൾ. എന്നതിനാൽ തന്നെ ഒന്നിലേറെ ദിവസം പ്രവേശിക്കാവുന്ന പ്രത്യേക ഓഫറുകൾ ഉൾപ്പടെ അധികൃതർ ടിക്കറ്റുകൾക്ക് നൽകുന്നുണ്ട്. 95 ദിർഹം നൽകിയാൽ ഒരു മാസം പ്രവേശിക്കാം എന്നതാണ് ഇതിലൊന്ന്. നിങ്ങൾ ഒക്ടോബറിലെ പാസ് വാങ്ങുകയാണെങ്കിൽ 31 ദിവസത്തേയ്ക്ക് വേദിയിലേയ്ക്ക് പ്രവേശിക്കാൻ സാധിക്കും. അതുവഴി 192 രാജ്യങ്ങളുടെ പവലിയനുകളും 60 തത്സമയ പരിപാടികളും ആസ്വദിക്കുകയും ചെയ്യാം. കൂടാതെ, 200 ഭക്ഷണ–പാനീയ ഔട്ട്ലെറ്റുകളിൽ നിന്ന് രുചിനുകരാം. ഈ പ്രമോഷൻ ഒക്ടോബർ 15 വരെ മാത്രമേ ലഭ്യമാകുകയുള്ളു.

സൗജന്യ പ്രവേശനം ഇവർക്ക്;

∙ കുട്ടികൾ. 18 വയസിന് താഴെ പ്രായമുള്ളവർ.

∙ ഉന്നത പഠനം നടത്തുന്ന വിദ്യാർഥികൾ

∙ 60 വയസിന് മുകളിൽ പ്രായമുള്ളവർ

∙ ഭിന്നശേഷിക്കാർ (ഇവരോടൊപ്പം ഒരാൾക്ക് പകുതി നിരക്കിന് ടിക്കറ്റ് ലഭിക്കും).

∙ അതോടൊപ്പം തന്നെ ഒക്ടോബർ ഒന്നിനും 2022 മാർച്ച് 31 നും ഇടയിൽ എമിറേറ്റ്‌സ് എയർലൈന്‍സിൽ ദുബായിലേക്ക് പറക്കുന്ന യാത്രക്കാർക്ക് എക്സ്പോയിലേയ്ക്കുള്ള ഓരോ സൗജന്യ ടിക്കറ്റ് ലഭിക്കുന്നതാണ്. ദുബായിൽ അവരുടെ കാത്തിരിപ്പ് ആറ് മണിക്കൂറിൽ കൂടുതലാണെങ്കിൽ കണക്ഷൻ യാത്രക്കാർക്കും ഈ ആനുകൂല്യം പ്രയോജനപ്പെടുത്താൻ സാധിക്കും.

∙ ഇത്തിഹാദ് എയർവേയ്‌സിൽ അബുദാബിയിലേക്കോ അതിലൂടെയോ യാത്ര ചെയ്യുന്നവർക്ക് എക്സ്പോയുടെ സൗജന്യ ടിക്കറ്റ് ലഭിക്കുനതാണ്.

∙ സെപ്റ്റംബർ ഒന്നു മുതൽ ദുബായിലേയ്ക്ക് ടിക്കറ്റ് ബുക്ക് ചെയ്യുന്ന ഫ്ലൈദുബായ് യാത്രക്കാർക്ക് ഒരു ഏകദിന ടിക്കറ്റ് സൗജന്യമായി ലഭിക്കുകയും ചെയ്യും

ശ്രദ്ധിക്കുക;

സൗജന്യ ടിക്കറ്റിന് അർഹതയുള്ളവർ ഉൾപ്പെടെ എല്ലാ സന്ദർശകരും എക്സ്പോ സൈറ്റിൽ പ്രവേശിക്കാൻ ഒരു ടിക്കറ്റ് എടുക്കണം എന്നതാണ്.

ടിക്കറ്റ് നിരക്ക് ഇങ്ങനെ;

∙ ഒരാൾക്ക്: 95 ദിർഹം

∙ ആറ് മാസത്തെ സീസൺ പാസ്: 495 ദിർഹം (എത്ര പ്രാവശ്യം വേണമെങ്കിലും പ്രവേശിക്കാം)

∙ ഒന്നിലേറെ ദിവസത്തേയ്ക്കുള്ള പാസ്195 ദിർഹം (തുടർച്ചയായി 30 ദിവസം പ്രവേശിക്കാം)

ടിക്കറ്റ് ലഭ്യമാകുന്ന സ്ഥലങ്ങൾ ഇവയാണ്;

∙ എക്സ്പോ 2020 ഓൺലൈൻ ടിക്കറ്റ് ഓഫീസ്

∙ ദുബായ് മെട്രോ സ്റ്റേഷനുകളിലെയും ഇനോക്, എപ് കോ സ്റ്റേഷനുകളിലെയും സ്റ്റോറുകളിൽ.

∙ ടിക്കറ്റുകൾക്ക്: https://www.expo2020dubai.com/en/tickets-and-merchandise/tickets